¹ Opat belas tahun uli iro, ap waleng eso tong kota Yarusalem gunen Barnabas ngoit Titus hayak ap. ² Ap tulak gunen na'an pernyataan lukun de ngejelas tong ali tentang Injil ray da bara awing ulun-ulun ra ba ke ulun Yahudi. Gunen, ap ngene tay suang pertemuan pribadi, ye'e iro cuma lawan ali ra bepengaruh de memastikan ra male de gawi lukun ra haot de gawi awe sia-sia. ³ Sekali ee, Titus, ra hayak ap, awe harus de sunat bele ye'e ulun Yunani. ⁴ Hal iro tejadi gunen na'an eray butung palsu nge ra benyem-benyem suma de mengintai-ngintai tong perbudakan. ⁵ Tapi kain awe moyo tunduk nekelek nge de kebujuran injil tatap nondo suang iko. ⁶ Gunen, neke ulun-ulun ra bepengaruh iro ra kedudukan ee awe penting tong ap ali awe nambeh on-on tong ap. ⁷ Sebalik ee, ali neau tong ap ra haot de percaya kan injil tong ulun-ulun ra awe besunat, sama ngunau Petrus ra depercayakan injil tong ulun ra besunat. ⁸ Gunen iye'e haot begawi ngelalo Petrus ade jari Rasul tong ulun-ulun ra besunat. Iye'e ley ra begawi ngelalo ap ade jari Rasul tong ulun ra ba ke Yahudi. ⁹ Sehaot Yakobus, Petrus, Yohanes, de teau jari saka guru jari jemaat sadar anugrah ra de okoi tong ap, ali ngokoi kamey sanan persekutuan tong Barnabas lukun tong ap ade tulak tong ulun ra ba ke Yahudi, ali rahat tulak tong ulun-ulun besunat. ¹⁰ Ali ngonok de kain kinggat lukun ulun ra susah, eray hal ra ngene ap tamam semangat ade ngene ye'e. ¹¹ Waktu Kefas sawi tong kota Antiokhia, ap keterangan menantang iye'e jelas nge iye'e ra sala. ¹² Gunen semale ulun tetentu teke kalangan Yakobus sawi, kepas haot patuh kuman hayak ulun ba ke Yahudi. Hayak ali sawi, iye'e mulai'i mundur lukun nyetoyak arep ee ngunen takut lawan kelompok ulun ra besunat. ¹³ Ulun-ulun Yahudi ra lain pura-pura niang munafik, sama nge Bernabas tepengaruh kemunafikan ali. ¹⁴ Hayak ap neau ali awe searah lukun kebujuran Injil, maka ap ngulek tong Kefas tay tengawe ulun deo, "amun ikam ulun Yahudi bolum, sama nguneu ba ke ulun Yahudi?" ¹⁵ Ulun-ulun ra sawi jari bangsa Yahudi, ulun ra awe bedosa, tapi ba neke bangsa Yahudi. ¹⁶ Taka ketoan awe na'an eray konge ra de pebujur ngawing Hukum Taurat. Gunen nge lalo iman suang Yesus Kristus taka ley haot percaya tong Yesus Kristus ade taka pene bujur awing iman suang Kristus, awe badin ngene Hukum Taurat! ¹⁷ Rahat taka ngelo kebujuran suang Kristus, taka ketoan unuk taka gin bedosa, bearti Kristus adalah pembantu dosa? tapi iye'e awe! ¹⁸ Ap pebuet waleng ulun ra haot de penelungkang, ap nge buktikan gunen ap lah ulun ra nge langgar hukum. ¹⁹ Gunen ngelalo Hukum Taurat ap haot mate teke Hukum Taurat. Tapi ap bolum tong Allah. ²⁰ Ap haot de salip aweng Kristus. Ba ke ap eso ra bolum, tapi Kristus ra bolum tay suang ap. Ra senemolum ap wayah nehe suang daging iye'e lah iman suang anak Allah iye'e ra sayang lukun ap leloi unuk ee de okoi tong ap. ²¹ Ap awe ngebatal anugrah Allah gunen kebujuran Allah sawi lalo Hukum Taurat, berarti Kristus! mate sia-sia.