1 విశ్వాసేర్ కార్ణే దేవేతీ అపణ్ నియత్ దార్ కన్ కేరాలేన్యేసుక్రిస్తూర్ తర్పేతీ దేవేతీ రాజీ వేన్ ఛా . ఉజ్జి ఉ అపణేనే 2 విశ్వాసేర్ కార్ణే దేవేర్ కృప మాయి లాయొ . ఓమా అపణ్ ఆబె బంచ్ రే ఛా . దేవేర్ మహిమామా అపణేనే హసో మళచెకన్ భరోసేతీ అపణ్ ఖుషి కర్ రేఛా .అపణ్ , అపణ్ ఆస్త్తీమా సదా 3 బడాయి కర్ రేచ . కసెనెక్ తో ఆస్తీ ఓప్ క్యానే పేదకరె . ఓప్ క్యా దేవేర్ 4 నె లావెచె . ఓర్ మొప్పుతీ భరోసో ఆవెచె . ఓ భరోసేతీ నరాస్వేదేనీ . కసెనెకతో దేవ్ అపణేనే 5 దినోజే పవిత్తర్ ఆత్మాతీ అపణ్ 6 దల్లేమా దేవేర్ ప్రేమ్ ఠలామేలోఛే . కసెనెకతో అపణ్ కున్సీ ఆదార చెనిజు పడేరా జనా ఛాజజే దాడూమా క్రీస్తు ఖరాప్ ఆద్మి యువాసే 7 మర్గో. నియత్ దారేర్ వాసే ఏక్ మర్ జయేర్ వేలా. ఏకాద్ వణా 8 ఆచో ఆద్మివాసే కొయీతో ఏక్ ఆద్మిమరేనె తూట్ జావెఛే. దేవ్ అపణేనే కత్రా ప్రేమ్ కర్ రోచెకో దకాళ్ రోచె . కుకతో అపణ్ ఉజ్జి 9 పాపేవాళ్ రాజనా , క్రీస్తు అపణ్ వాసే మర్గో . ఓర్ మ్వేతేర్ కార్ణే అబే అపణ్ దేవేతి రాజీ వేన్ ఛ . జేర్ వాసే అపణ్ దేవేర్ రీసేమాయితీ 10 కత్రాయికో జాదా రక్షణ్ పావాఛ . ! అపణ్ దేవేర్ దుష్ మణేర్ నై రాపణ్ , యేసు మ్వోతార్ కార్ణే ఉ అపణేనే ఓర్ దోస్త్తీ వాలూర్ నై కర్ లీదో . అపణ్ ఆబె దేవేర్ దోస్తీ వాళ్ . జేర్ కార్ణే క్రిస్తూర్ జీవణేర్ 11 వాసే కత్రాయికో జాదా రక్షణ్ పావాఛ . అత్రాజ్ కొని , ఆబెయేసుక్రిస్తూ అపణేనె దేవేర్ దోస్తీ దార్ కిదో . ఈ కామ్ దేవజ్ కిదోచె . జేర్ వాసే అపణ్ ఖుషికర్ రేఛ . 12 ఏక్ మన్ క్యార్ కార్ణే జగేమా పాప్ ఆయొ . ఓర్ పాపేతీ మ్వోత్ఆయి . ఓ పాపేర్ ఫళేర్ కార్ణే మ్వోత్ సే మన్ క్యార్ జాతేపర్ ఆయి . 13 సే పాప్ కర్ లీదే . ధరంశాస్తార్ చెనిజనా కొయీ పాపేర్ లేకోలకే 14 కోని . పణ్ ఆదామేతీ సరూకరన్ మోషాలగుణ్ మ్వోత్ సేర్ ఉంపర్ఆయి . ఆదామ్ కిదోజు దేవేర్ వాత్ లంగన్ పాప్ కిదేకొని జేర్ఉంపర్ సదా మ్వోత్ ఆయి . ఆదామ్ ఆవేజేన్ ఏక్ నిశానేర్ నై రో . ! 15 లపణ్ ఏ దోయి ఏకజ్ కోని . కసెనెకతో దేవేర్ పోక్ టేర్ ధరంఆదామేర్ పాపేసరీక్ కొని . ఏకిర్ పాపేర్ కార్ణే ఘణ్ జన్ మర్గేజకోవాత్ సాసిజ్ . పణ్ దేవేర్ కృప ఓతీన్ ఘణొ మోటో . హనూజ్ఓర్ పోక్ టేర్ ధరం సదా యేసు క్రిస్తూర్ కృపార్ కారణ్ ఘణ్ 16 జానూనె మళచె . దేవేర్ ధర్మేరోన్ , ఏక్ ఆద్మి కరెజే పాపేరో ఫరక్చ . ఏక్ పాపేర్ పచ్చె అపరాధీ కన్ నేవ్ ఆయొ . పణ్ వార్ సేక్ 17 పాపేర్ పచ్చె అపరాధీ కొనికన్ కజేర్ పోకటేర్ ధరం ఆయొ . ఏకేర్పాపేర్ కార్ణే ఓర్ వాసెజ్ మ్వోత్ సేర్ ఉంపర్ హుక్ మత్ కిది . పణ్ఏక్ ఆద్మి యేసు క్రీస్తు కీదోజేర్ ఫళ్ ఉజ్జి కత్రాయికో మోటో హద్ చెనిజకో దేవేర్ కృపాన్ . పోక్ టేర్ ధరమేర్ నై దజకో , ఓర్ నియతేనే 18 లేవాళ్ , జీవన్ రేన్ యేసు క్రిస్తూర్ తర్పేతీ హుక్ మత్ కరెచె . జేర్ వాసే ఏక్ పాప్ సేనే నేవ్ హెట్టె లావజు , ఏక్ నియతేర్ కామ్ సే జనూనె 19 పాపేతీ ఛోడాన్ ఉందేనే జీవ్ ణొ దచె . ఏక్ ఆద్మి హకమేనలంగోజేర్ కార్ణే వార్ సేక్ జన్ కు పాపే వాళ్ వేగేకో , హనూజ్ ఏక్ హకమేనే మానో జేర్ కార్ణే వార్ సేక్ జన్ దేవేతి రాజీ వేజావచె . 20 ధరం శాస్తర్ ఆయొజేర్ కార్ణే పాప్ జాదావేగో పణ్ , పాప్ కత్తే 21 జాదా వేగో కో ఒత్తే దేవేర్ దయా ఉజ్జి జాదావేగో . ! జేర్ వాసేమ్వోతేర్ కార్ణే పాప్ కు హుక్ మత్ కిదోకో , హనూజ్ యేసు క్రిస్తూర్తర్పేతీ శాశ్వత్ జీవేమా అపణేనే చలావ్ తో హుక్ మత్ కరెచె .