¹ హనూవతో కాయికా దేవేర్ కృప జాదా వేజు అపణ్ పాపేమారియా కాయి అసలజ్ కొని . అపణ్ పాపేర్ కార్ణే మర్గే . ఉజ్జి ² పాపేమా కు బంఛా ? క్రీస్తు యేసూమా బాప్తిసమ్ లీదేజకో ³ సే ఓర్ మ్వోతేమా సదా బాప్తిసమ్ లీదే కన్ ఈ తమేనె పక్కోమాలంకోని కాయి బాపేర్ మహిమార్ జోరేతీ , ఉ క్రీస్తునె మర్గేజే ⁴ మాయితీ కు ఓటాడోకో అపణ్ బాప్తి సమ్ కార్ణే నవో జీవ్ ణొ జీవాజుఓర్ మ్వోతేమా హసోలేలేన్ ఓతీ సదా బురాగె . కసెనెకతో ఓర్ ⁵ మ్వోతేమా అపణ్ ఒత్తే ఏక్ వేజా వాతో , హనూజ్ జీవేనె ఉ ఉటోజుఅపణ్ సదా జీవానె ఒత్తి ఏక్ వేజావా . కసేనెకతో అపణ్ ఉజ్జి పాపేర్ ⁶ దాసేర్ నై నరేణొ కన్ అపణేమా చెజకో పాపేర్ దల్లేర్ జోర్ నాళ్ వేజావజు అపణేమా చెజకో జునో దల్ క్రీస్తుతీ సదా సిల్వాపర్మరాయొ . కసెనెకతొ ఏక్ మర్ జా జన్నా పాపేర్ జోరేతీ ఛుట్ ⁷ జారోఛే. అపణ్ క్రీస్తుతీ సదా మరన్ రాతో , ఓత్తి సదా బంచాచ కన్ ⁸ విస్వాస్ కర్ రేఛ . క్రీస్తు మర్గేజేమాయితీ ఉటోకన్ , ఫేర్ కన్నాయీజ్ ⁹ మరేనీ కన్ , అపణేనే మాలం . అబే మ్వోతేనే యేసుపర్ ఉజ్జిహుక్ మత్ కాయి చెని . ఉ పాపేవాసే ఏకజ్ హప్తా మర్గో . పాపేనె ¹⁰ ఓర్ ఉంపర్ హుకుమత్ చెని . ఉ ఆబె జీవ్ రో జకో జీవ్ ణొ దేవేర్పతేమా జీవ్ రోచె . హనూజ్ తమ్ ¹¹ సదా పాపేర్ కార్ణే మర్గేజు పణ్ , భళన్ దేవేర్ వాసే బంచ్ రేఛా కన్ కేలో . తమ్ తమార్ ¹² హువెజకో కుంతేనే నవజు , తమార్ జీవేమా పాపేనేతమాపర్ హుక్ మత్ కరేమతో దో . తమార్ జీవేమా కున్సీ హసోతోయీ ¹³ కామేర్ కార్ణే పాపేనే హవాల్ నకర్ణో . ఓర్ బదల్ మ్వోతేతీబంఛాడే జేర్ నై తమార్ తమాజ్ దేవేనె హవాల్ కర్ లో . నియతేర్కామేనే కరేవాసే , తమార్ తమాజ్ దేవేనె హవాల్ కర్ లో . కసెనెకతో ¹⁴ పాప్ తమాపర్ జూలీమ్ కరేమతేదో . తమ్ హకమేర్ హెట్టె కొనిపణ్ , దేవేర్ కృపార్ హెట్టజ్ బంచ్రేఛో . ¹⁵ హనూవతో కాయికా ? హకమేర్ హెట్టె ఛానీపణ్ , దేవేర్ కృపార్ ¹⁶ హెట్టె ఛాకన్ పాప్ కరాకాయి ? హనూకరేర్ కోని . దాసేర్ నై రేన్ , తమార్ తమజ్ కేనేహవాల్ కర్ లోఛోకో , తమ్తీ నవన్ రోచోకో ,ఓ మాలకేర్ దాసేర్ నై రోఛో . పాపేర్ దాస్ వేన్ మ్వోత్ పావోచో . ¹⁷ నవతో హకమేతీ నవన్ రేన్ , దేవేతీ రాజీవే జావో . ఏక్ హప్తా తమ్పాపేనే దాస్ వేన్ రే . పణ్ అబె తమ్ లేల్ దేజే ఉపదేసేర్ సత్తేనే ¹⁸ నవ్ రెఛో . తమ్ పాపేతీ చూటన్ నియతేర్ దాస్ ¹⁹ వేగెకన్ దేవేనే ధోక్ రేఛా . తమార్ కమ్ జోరేర్ కార్ణే మామూలీ వాతేతీ వాతే కర్ రోఛు . ఖరాప్ కామేవాసె బల్లా గోణేనే , తమార్ తమజ్ దాసేర్ నై కు హవాలె కర్ లిదే కో , హనూజ్ అబె అచో కామ్ ²⁰ తమ్ పాపేర్ దాసేర్ నై రోజనా బగర్ నియతేతీ వేత్తే . ధేర్ ఆచో. ²¹ అబె తమ్ లాజ్ కర్ రేజే ఓ కామేవాసే కాయి పాయిదోలేల్ దే ? ఓర్ ²² ఫళ్ మ్వోతేజ్ .అబె తమ్ పాపేతీ చూటన్ దేవేర్ దాసేర్ నై వేగె .జేర్ వాసె తమార్ జీవ్ ణొ పూరో ఓనె భేట్ చడాయెచో . హనూ ²³ కరేజేర్ ఫళ్ శాశ్వత్ జీవ్ . కసెనెకతో పాపేతీ ఆవజకో బాయీ మ్వోత్ , పణ్ క్రీస్తుతీ ఏక్ వేర్ కార్ణే దేవ్ దజకో పోక్ టేర్ వరం శాశ్వత్ జీవ్ .