¹ వడ్ బూడేర్ అబ్రాహమేర్ కార్ణే ఆపణ్ కాయి కాచా ఓర్అనభమ్ కాయి ఉ కిదోజే కామేర్ కార్ణే ఉ దేవేతి రాజీ ² వేగోవతో ఉ బడాయి కరేనె కారణ్ రచె , పణ్ ఉ దేవేర్ ముణాoగె బడాయి కర్ నకేనీ . దేవేర్ గ్రంధమేమా , అబ్రాహమ్ దేవేనే ³ విశ్వాస్ కీదో . ఓర్ విశ్వాసేర్ కార్ణే దేవ్ ఓనె నియత్ దార్ కన్ గణొ కన్లకన్ చె . కామ్ కరేవాళేనే బాయీ ఆవె . ఓర్ బాయీ ఓనె రణజ్ , పణ్ ⁴ ధరం కన్ కేరాయె నీ . ! కామ్ నకరన్ , అపరాద్ కీదోజేనె నియత్ దారేర్ నై ⁵ గణజే దేవేనె నమ్మొవాళేనే , ఓత్తి రాజీ కర్ లెనే ఒర్ విశ్వాసేనె దేవ్దేకచె . కామేనె న దేకజు , ఏక్ ఆద్మినె నియత్ దార్ కన్ దేవ్ గణేజనా ⁶ ఉ ఆద్మి నసిబ్ దార్ కన్ , దావిద్ కోజకో వాత్ ఈజ్ దేవ్ కేర్ ⁷ అపరాధేనె మాప్ కరెచెకో , కేర్ పాఫ్ ఉ మేట్ కరెచెకో ఉ నసిబ్ దార్ . ⁸ 8 కేర్ పాపేనె దేవ్ లేకేమా లాయెనీకో ఉ కత్రాయికో నసిబ్ దార్ . ⁹ దావీద్ కోజకో ఈ నసిబేర్ వాత్ సుంతా లీదేజేనేజ్ కాయి కొనిసుంతా చెని జేనే సదా ఉ రచె . కసెనెకతో ఉ దేవేర్ గ్రంధమేమాలకన్ చెజకో వాత్ పాడన్ కో . కు కతో అబ్రాహమ్ దేవేనే విశ్వాస్ ¹⁰ కిదో . ఓర్ విశ్వాసేర్ కార్ణే దేవ్ ఓనె నియత్ దార్ కన్ గణొ . ఈ వాత్ కన్నా చాల్ గీ అబ్రాహమ్ సుంతాకర్ లీదో . జేర్ ఆంగె కె , పచ్చే ¹¹ పచ్చే కోని ఆంగెజ్ . పచ్చే ఉ సుంతాకర్ లీధో . అబ్రాహమేర్ విశ్వాసేర్ కార్ణే ఉసుంతా కర్ లీదోజేర్ ఆంగే , దేవ్ ఓనే నియత్ దార్న్ గణొ కన్ కేజేనే రుజూకరేనే సుంతా నిశానేర్ నై దినో . జేర్ వాసేసుంతా నరత్తి దేవేనే విశ్వాస్ కరన్ ఓత్తి నియతేవాళ్ కన్ గణొజకో ¹² సేనే ఆత్మార్ కార్ణేతీ అబ్రాహమ్ బాప్ . ఉజ్జి ఉ సుంతాలేల్ దే జేర్సదా బాప్ ; ఓ సుంతాలేల్ దే కన్ కొనిపణ్ సుంతాలేల్ దో కోని జేర్ఆంగ్ ఆపణ్ బాప్ అబ్రాహమ్ బంచ్ రోజే విశ్వాసేర్ జీవ్ ణొ బంచ్ రె . ¹³ జేర్ వాసే ఓ అబ్రాహమేర్ చుచ్యాబర్ .అబ్రహమేనే, ఓర్ వలాదేనే ,జగ్ దుఛుకన్ , దేవ్ అబ్రాహమేనే బఛన్ దినో . ఈ బఛన్ అబ్రాహమేనెదేవ్ దినోజకో , ధరంశాస్త్రే హెట్టె నవన్ రోకన్ కోనిపణ్ , ఉవిశ్వాసేర్ కరన్ , నియత్ దార్ కన్ దేవేతీకేరాయొకన్ బఛన్ పాయొ . ¹⁴ బఛన్ దినోజకో ధరంశాస్త్రే హెట్టె నవన్ రజేనెజ్ దేరోవతో ,విశ్వాసేర్ కార్ణే పాయోదో చెని, దేవేర్ బఛన్ కామ్ నదజువేజావచె . ¹⁵ ధరంశాస్తర్ దేవేర్ రీసేనే లావె . పణ్ధరంశాస్తర్ చెనిజనా ఓనె ¹⁶ లంగేరో కజకోరేని . ఈ బఛన్ అబ్రాహమేర్ వలాదేవాళేనే సేనేదేవేర్ పోక్ టేర్ ధరంకన్ రుజుకరేనే , ఉ బఛన్ విశ్వాస్ పర్ ఆధార్పడన్ రె . ధరంశాస్త్రేర్ హెట్టె నవన్ రేజకోజోకోని , పణ్ అబ్రాహమ్వి శ్వాస్ కిదోజు , విశ్వాస్ కీదేజకో సే ఓర్ వలాదజ్ . కసెనెకతో ¹⁷ అబ్రాహమ్ అపణేనె సేనే ఆత్మార్ కార్ణే బాప్ . దేవేర్ గ్రంధేమాకోజు మ తోనే ఘణ్ జనూర్ బాపేర్ నై కిదో జేర్ వాసె ఉ బఛన్ దేవేర్ ముణాoగె ఆచో . అబ్రాహమ్ విశ్వాస్ కీదోజకో ఈ దేవ్మర్గేజేనే బంచాడేవాళో , ఛేనిజేనె పేదకరెవాళో . ఆసాకరేనె భరోసో ¹⁸ చెనిజనా అబ్రాహమ్ విశ్వాస్ కరన్ భరోసో రకడో జనా ఘణ్ జనూర్ బాప్ కన్ కేరాయొ . " తార్ వలాదేవాళ్ తారార్ నై జన్ వెజాచె " కన్ దేవేర్ గ్రంధమేమా కోజు ఈ వేగో . ఓ వక్తిపర్ ¹⁹ అబ్రాహమేనె సో వర్సేర్ ఉమ్మర్ రె . జనా ఓరో జీవ్ డా మరణేర్ డై ఛకన్ కే . శారా చిచ్యాబర్ జణేర్ ధకత్ చెనికన్ సొంచ్ కీదో జనా సదా ఓరో విశ్వాస్ కమ్ హుయొకోని . ఓర్ విశ్వాసేనే ఉ ఛోడోకోని ²⁰ దేవేర్ బఛనేనె అనుమాన్ కీదో కోని . ఉ దేవేనే మహిమ కర్తో , విశ్వాసేర్ కార్ణే జోర్ పాయో . దేవేనే మహిమ కిదో . కసెనెకతో , దేవ్ ²¹ వాత్ నతప్పేజు కరెచెకన్ కాటో విశ్వాస్ కిదో . జేర్ వాసెజ్ ²² కార్ణే దేవేర్ నియత్ దార్ కన్ కేరాయొ . నియత్ దార్ కన్ ²³ కేరాయొజకో వాతే ఓర్ వాసే మాతర్ లకో కోని . ప్రభు యేసూనే ²⁴ మర్గేజేమాయితీ వటాడోజే దేవేనే విశ్వాస్ కరాజకో అపణ్ సదా నియత్ దార్ కన్ కేరావ్ ణొకన్ అపణే వాసే సదా లకన్ చెఉ యేసు ²⁵ పాపేవాసే మర్ జాన్, అపణేనే దేవేతీ రాజీ కరేనే జీవ్ తో ఉటో .