¹ తమ్ క్రీస్తూతీ సదా బoచ్ రేచో హనూవతో స్వర్గ్ లోకమేమా ఛజేర్ ఉoపర్ తమార్ దల్లేనేరకాడో. ² ఒతైక్రీస్తూ దేవేర్ జమణ్ పాక్ తీమా బేటోఛే. ³ తమార్ దల్లేనే ఒతై ఛజేర్ ఉoపరజ్ పణ్, జమ్మీమా ఛజేర్ ఉoపర్ రకాడోమత్ కస్నెకతో తమ్ మరన్ చో తమార్ దమ్ దేవేమా క్రీస్తూతీసదా గోక్ మేలెఛే. ⁴ తమార్ సాసీజ్ దమ్ క్రీస్తూజ్ ఉ దిసావె జనా తమ్ సదా ఒత్తీ దిసాన్ ఓర్ మహిమనే హాసొపాల్డోఛో. ⁵ జేర్ వాసే తమామా ఛజకో, జగేర్ ఆసానె మార్ నాక్ ణో ఓ ఛనాళో, భీటాళ్, మస్తీరో, ఖరాఫ్ ఆసా, మావ్ ళీర్ పూజా, ధనేర్ ఆసావూనే మత్ కరో. ⁶ యిoదూర్ కార్ణే దేవేర్ రీస్ ఒత్తీ నవన్ రేనిజేర్ ఉoపరే ఆవె. ⁷ తమార్ జీవణేమా అస్ ఆసతీ పేనా చాలేజనా, తమ్ సదా అస్ జనూతీ భళన్ రే. ⁸ లపణ్ అబె తమ్ రీసన్, మస్తీన్, దుస్ మణ్, ఛోడ్ దేణో భాoడ్ బోలినై భాoడ్ ణో. ⁹ తమ్ జూనో మనేనన్, జూనో హేవానే చోడ్ ధేన్, నవో మనేనే లేల్ దే హనూకన్ ఏకీతీఏక్ లబారీ కరోమత్. ¹⁰ ఏ నవే ఆద్మీనే పేదకీదోజకో దేవ్, ఓర్ కార్ణేర్ గ్యాన్ తమామా ఆవేజేర్ కార్ణే తమేనె ఓర్ రూపేమా బదలారోఛే. ¹¹ ఓర్ కార్ణే పరల్ జన్ కన్, యూదేవాళ్ కన్, సుoతా లేల్ దేజకోకన్, లీదేకొనిజకోకన్, పరదేశికన్, అడబీర్ మన్ క్యాకన్, బాయాకన్, స్వతoతర్ వాళోకన్, ఛేని పణ్ సే క్రీస్తూజ్ క్రీస్తూసేమాఛే. ¹² తమ్ దేవేర్ జన్ ఉ తమేనే ప్రేమ్ కరన్, ఓర్ ఖాస్ జనేర్ నై రేణోకన్ తమేనే కుoత్ లిదో జేర్ వాసే తమ్ జాలి, దయ, నవన్ రేర్, శాoతీతీ ఓర్స్ లేన్ రో. ¹³ ఏకేనే ఏక్ మద్దత్ కర్ లో, తమామా కేని ఏకాదీపర్ లడాయిరత్తో ఏకీనే ఏక్ మాఫ్ కర్ లో. ¹⁴ ఏ సేర్ ఉంపర్ తమ్ సే ప్రేమమా ఏక్ వేన్ భళన్ రో యేసుక్రీస్తు దజకో ¹⁵ శాoతీ తమార్ దల్లేమా నేవ్ కరేవాళేర్ నై రేణో ఏ శాoతీవాసే తమ్ సే ఏక్ వేన్ రేణోకన్ దేవ్ తమేనే బలాయొ జేర్ వాసే ఇమానేతీ రో. ¹⁶ క్రీస్తూర్ ఖబర్ తమార్ దల్లేమా ఘణోరేదో సే గ్యానేతీ ఏకీనే ఏక్ సికావో గీదన్, కీర్తన్, వీoతీకరేర్ గీద్ బోలో. ¹⁷ తమార్ దల్లేమా ఇమానేతీ దేవేనే గీద్ బోలో తమ్ బాప్ ఛజే దేవేనే వoదనo కర్ తే, తమ్ కరోజకో హర్యేక్ కామ్ యేసుప్రభూర్ నామేపర్ కర్ లో. ¹⁸ బీరేవో, తమార్ ఘరేవాళూతీ నవన్ రో కసన్ కతో కిరస్తానేర్ నై తమ్ హనూకర్ ణో. ¹⁹ మరద్ మానావో, తమార్ బీరేవూనే ప్రేమ్ కరో ఉందేవూనే నిష్టుమా ఘాలో మత్. ²⁰ చచ్యాబరో; తమార్ మా బాపేతీ హమేసా నవన్ రేర్ కిరస్తానేర్ ధరo ఈ దేవేర్ ఖాతరేర్ కామ్ సదా. ²¹ మా బాపువో; తమార్ చచ్యాబరేవూనే రీస్ మత్ ఆయెదో కసన్ కతో ఉందేర్ కామేర్ వత్రావళ్ కమ్ వేజా. ²² బాయావో; తమార్ మాలికేతీ సేమా నవన్ రో ఓ దేక్ తే రజనాజ్ మేర్ వాని కమాలేణో కన్ కొనిపణ్,ప్రభూ ఛకన్ డరేతీ, సాదాదల్లేతీ కామ్ కరో. ²³ తమ్ కాయి కరోతోయీ ఆద్మీర్ వాసే కొని పణ్, ప్రభూర్ వాసే కర్ రేఛా కన్ తమార్ పూరోదల్లేతీ కరో ప్రభూ తమేనె ఇనామ్ దఛేకన్ హర్దేరకాడ్ ళో. ²⁴ ఉ ఓర్ జనూసారూ రకాడోజే ఫళేనె తమ్ పావోఛో తమ్ సేవ కర్ రేజకో మోటో మాలక్ దార్ యేసు క్రీస్తూజ్. ²⁵ డోకాకీదో జకో కుణీతీ, ఉ కీదో జకో డోకార్ ఫళ్ పావఛే దేవ్ సేనే బరోబర్ నేవ్ కరేఛే.