¹ లవొదికయమాఛజే జనేసారూన్, మనె దీటేకొని జే సేర్ సారూ మ కత్రా భావేటీకీదోకో తమేనె మాలo కర్ రోఛు. ² ఉoదేర్ దల్ హిమ్మతేతీ భరాజావేజు, ఓ ప్రేమమా జడన్,సాసేనే మాలమ్ కర్ లేన్ ఘట్ వేన్ రజు, మ మోటోకామ్ కర్ రోఛు జనా ఓ దేవేర్ మర్మoకజే క్రీస్తూనె మాలoకర్ లేఛే. ³ దేవేర్ గ్యానన్ తెల్వి కజకో, ధనేర్ పాతరానే గోక్ మేలెజకో కాడేర్ తాళo ఊజ్. ⁴ జేర్ వాసే లబారీ తకరారేతీ ఓ కత్రా ఆచోదికావెతీ, కుణీతీ తమేనే డోకో దేసకేదోమత్. ⁵ కస్నెకతో మ తమేనే ఘణ్ మేరుతోయీ ఆత్మార్ తీరేతీ తమాతీ ఛు క్రీస్తూమా తమేనె ఛజకో విశ్వాసేర్ కార్ణే తమ్ ఘట్ హుబేకన్ మ దేకన్ ఖుషీకర్ రోఛు. ⁶ తమ్ యేసుక్రీస్తూ ప్రభూనె అంగీకార్ కిదేజేర్ వాసే, ఓర్ మా తమార్ జడ్ పక్కో ఫ్యాలేదో తమార్ ⁷ బత్కు ఓర్ ఉoపర్ భాoద్ లో తమార్ దల్ మన్ మేతీ భర్ లో. ⁸ క్రీస్తూతీకొని పణ్, జగేమాయితీ నికళజే డోకో ఆత్మాతీన్, ఆద్మీర్ బోదాతీ ఆవెజే కామ్ దేనీజే గ్యానేతీ కుణీ తమేనె క్యాదేనె న లేజావజు దేక్ లో. ⁹ కస్నెకతో క్రీస్తూ నరేర్ జీవేమా దేవేర్ గొణ్ భర్ పూరో ఛే. ¹⁰ ఓత్తీ ఏక్ వేన్ రజేర్ వాసే తమేనె పూరోదమ్ ఘలో ఆత్మనికళేరన్, అధికారినన్ అస్మాన్ మోటో ఈజ్. ¹¹ ఓత్తీ ఏక్ వేన్ తమ్ సుoతాలేల్ దే ఉ ఆద్మీ కీదెజకో సుoతా కొనిపణ్, క్రీస్తూర్ ఖాసేర్ సుoతా లేల్ దే ఏ పాపేర్ జీవేర్ జోరేతీ ఛోడాయేర్ ఉ సుoతా. ¹² కస్నెకతో తమ్ బాప్తీసo లీదే జనా, క్రీస్తూతీ సదా బూరాగే మర్గేజేమాయితీ క్రీస్తూనే ఉట్టాడోజకో దేవేర్ మోటోజోరేనే నమ్మేజేర్ కార్ణే తమ్ సదా తమార్ బాప్తీసమేమా క్రీస్తూతీ సదా ఉ టే. ¹³ తమ్ ఏక్ హప్తా తమార్ పాపేర్ కార్ణే, పరల్ జనేర్ నై, చట్టమేర్ బారేరోజన, ఆత్మామా మరన్ రే పణ్ దేవ్ అబె క్రీస్తూతీ సదా తమేనె బoఛాడో దేవ్ అపణ్ పాప్ సే మాఫ్ కిదో. ¹⁴ ఉ అపణ్ పాపేర్ బాకీనన్ ఓర్ చట్టమేతీ కాణాకన్, ఓనె ఓర్ సిల్వానె చీలాతీ మారన్, ఓనె పూరోరధకిదో. ¹⁵ ఓ సిల్వాపర్ ఆత్మా నికళేజేతీ హుకుమ్ దారేతీ ఛోడాలేన్, క్యాదేమా లేలేన్, ఓర్ జీతేతీ గామ్ సారీ ఫేరన్ ఉoదేనె సేనే దికాళో. ¹⁶ జేర్ వాసే కుణీతీ తమార్ ఖోరాకీ పాణీర్ కార్ణే, ఆచోదాడేర్ కార్ణే, అమాసార్, పాoడ్గర్ కార్ణే సబ్బాతేర్ కార్ణే, తమేనె నేవ్ విచారణ్ కరేదోమత్. ¹⁷ ఓ సే సదా ఆవెజే వాతేర్ చ్యాoడీజ్ పణ్, సాసీజ్ ఛేజకో క్రీస్తూజ్. ¹⁸ ఉ దర్శన్ దీటోకన్ కేతో, ఉ మోటోకన్ కేతో, తమ్ నవన్ సోజానే పూజాకర్ ణోకన్ కేవాళూనె తమాపర్ కసూర్ ఘాలేదోమత్ అసోకుణ్సి కారణ్ ఛేనిజు, ఓర్ ఖాసేర్ సోoచేతీ పూలియాన్, క్రీస్తూనె చుoటన్ రేర్ ఛోడ్ దీనో. ¹⁹ క్రీస్తూర్ అధికారమే హెట్టె పాళేనే లేలేన్, ఖీలేతీ, నసేతీ భoదాన్ దేవేర్ ఖాతరేర్ నై వద్ రేఛే. ²⁰ తమ్ క్రీస్తూతీసదా మర్ జాన్, జగేమా పేదవజే ఆత్మతీ చుoటన్ ఛో. ²¹ హనూవతో ఏ జగేనె లాగజు కస్నె బoఛోఛో? " ఏనె లాగోమత్, ఓనె చాకోమత్" ఏనె చీoపోమత్ కన్ కేర్ చట్టమేనే కస్నెనవోఛో? ²² ఓ సే వాడుకమ్ కరేతో వ్యర్ద్ వేజావె. ఏ సే ఆద్మీకీదెజకో చట్టమేర్ బోధ. ²³ ఓ కరజే సోజార్ పూజామా, నవన్ ఛాకన్ టక్ కరజేమా, జీవేనే భావేటిమా ఘలేజేమాన్, గ్యాన్ ఛజు ఓ దికాళేఛే పణ్ జీవేమా పేదావజే ఆసానేదాబేనె ఓ కామ్ దేనీ.