¹ మాలక్ దారువో; తమార్ బాయార్ కార్ణే సమోర్ నియతేతీ చాలో స్వర్గ్ లోకేమా తమేనెసదా మాలక్ దార్ ఛకన్ హర్దే రకాడో. ² కాటో అరజ్ కరో ఆరజ్ కరోజనా దేవేనే వoదనo కర్తే జాగన్ రో యేసుక్రీస్తూర్ ఆచ్ ఖబర్ ప్రచార్ కరేనే హమేనే ఆచ్ వకత్ దకన్, హమార్ వాసే దేవేనే అరజ్ కరో. ³ జేర్ వాసేజ్ అబె మ జేలేమా ఛు. ⁴ మ వాతేకరన్, ఆచ్ ఖబరేనే ఠరాన్ సేనే మాలo కరూజు, మార్ వాసే అరజ్ కరో. ⁵ తమేనే ఛజే వేళామా ఆచోకామ్ కర్తే, నామెకొనిజే లోగేసారూ తెల్వీతీ రో. ⁶ తమార్ వాతే హమేషా ఆచన్, మీట్ రేణో హర్యేకేనే ఛ్యావెజకో జవాబ్ తమేనే మాలమ్ రేణో. ⁷ ప్రేమేర్ భాయీన్, ప్రభూ సేవమా మార్ సోపత్ రేస్, కామ్ కిదోజకో తుకికు మార్ కార్ణే ఖబర్ తమేనే మాలoకరెచె. ⁸ అత్తే హమ్ సే కు ఛకో తమేనే కేన్, తమ్ ఖుషీతీ రేణోకన్ మ ఓనె తమార్ డై మేల్ రోచు. ⁹ ప్రేమేరోన్, నమ్మకమేవాళోన్, తమార్ మళాయో మాయిరో ఏక్ ఛజకో ఓనేసిమ్ సదా ఓర్ లారే ఆరోఛే అత్తేర్ ఖబరే సే తమేనే మాలoకరేఛే. ¹⁰ మాతీ సదా క్యాదేమాఛజకో అరిస్టాన్, బర్నబార్ సాతీఛజకో మార్కు తమేనే వందనం కేరేఛే ఈ మార్కు తమార్ డై ఆవెతో ఓనె తమ్ డై కర్ లోకన్, ఏర్ ఆంగెజ్ తమేనే మ లక్ మేలోఛు. ¹¹ జాష్వాకజకో జస్టసు తమేనె వందనం కేరోఛే యూదేవాళ్ కిరస్తానేమా ఏ తీనజ్ మాతీ భళన్, దేవేర్ రాజేసారూ కామ్ కర్ రేఛే ఓ మనె అస్మాన్ మద్దత్ దీనే. ¹² తమామా ఏకన్, యేసుక్రీస్తూర్ దాస్ ఛజకో ఎపప్రా సదా తమేనే వందనం కేరోఛే తమ్ ఘట్ హుబ్రేన్, ఆచో వదన్, దేవేర్ ఖాతరేర్ నై పూరో నవన్, స్వగ్లీకళన్ రేణోకన్ దేవేనే పూచ్ తో,ఉ తమార్ వాసే హమేసా, ఆసాతీ అరజ్ కర్ రోఛే. ¹³ ఈ తమార్ వాసన్, లవొదికయాసారూన్, హిమెరాపౌలిసారున్ కత్రాయికో భావేటీతీ కామ్ కర్ రోఛేకన్, మ గవాయి కేసకుఛు. ¹⁴ అపణ్ ప్రేమేర్ హకీమ్ లూకాన్, దేమాన్ తమేనే వందనం కేమేల్ రేఛే. ¹⁵ లవొదికయమాఛజకో భాయివూనన్, నుంఫానన్, ఓర్ ఘరేమాఛజకో సంగమేనే హమార్ క్వొసళ్ వూనే సామ్లావో. ¹⁶ ఈ ఉత్రo తమ్ వాoఛే జేర్ పచ్చె లవొదికయామా ఛజకో సే వాంఛేజు దేక్లో హనూజ్ లవొదికయవాళ్ తమేనె దేమేలే జకో ఉత్రo సదా వాంఛో. ¹⁷ ఉజ్జీ ప్రభూర్ సేవమా ఓనె హవాల్ కర్ మేలేజే కామేనే న తప్పేజు ఆకర్ కర్ ణోకన్ అర్ఖిప్పతీ కో. ¹⁸ పౌల్ కజకో మ మార్ ఖాస్ హాతేతీ వందనం కన్ కేన్ లక్ రోఛు మార్ క్యాదేర్ సాoక్లివూనే హార్దేరకాడ్ లో దేవేర్ కృప తమాతీ రీయో.