¹ భాయి, బందో, ప్రబూర్దాడో అబెజ్ అయొకన్ కేర్వాతేర కారణే, తమార్ సోంఛెనె బడలేర్,నీవజు,ఘబ్రావో మత్. ² అపణ్ ప్రభుయేసూర్ ఆయేర్ కార్ణే ఒత్తీ సదా అపణ్ సే భళేర్ కార్ణే, కుణీకో ఏక్ దేవేర్వాతే కేతే బోద్కర్తే కేవియె. ³ నికాణే హమ్ ఈ వాత్ హమాల్ కాగదేమా లకేవియాకన్ కేలియె.కుణీతీ తమేనె ఢోకేమా నీ ఘాలెజు చేక్లో కసన్కతో కొసార్ మార్లబడేర్ దాడ్వేన్.సర్కమేమా జావెజకో బల్లా ఆద్మీదికావెజేలగు ఉ దాడో ఆయెనీ.| ⁴ కన్ కుణ్ కేరావెఛె కో,పూజా కుణ్ కరాలెఛెకో, ఉందూనె సేనే హటాన్,ఉజ్ దేవ్ కన్ ఓర్ ఊజ్ దకాళేన్ , దేవేర్ దేవళేమా జాన్ బేసన్ ఊ , దేవ్కన్కఛె. ⁵ మ తమార్ డై రుజనా,ఏ ఖబరే సే తమారీ కోజకో తమేనె హర్దేఛెనికాయి ? ⁶ ఈ వాత్ అబె నీవజు కాయికో కర్రేఛె. ఉ కాయి కో తమేనె మాలమ్. ⁷ ఛాజజే దాడూమా ఉ బల్లా ఆద్మీ దిసావెఛె .మల్మేర్ బల్లార్ కామ్, జన్నాజ్ కామ్ కర్రెఛె. పణ్ వజకో కామ్ జన్నాజ్ వేనీ. ఓనె బారె భేమ్చేవాళేనే వాటేమాయితీ బగలె కలెజేలగు ఈ వేనీ ⁸ జనా బల్లా ఆద్మీ దిసావెఛె. యేసుప్రభు ఆవెజనా ఓర్ మూండేర్ ధమ్మెతీ ఓనె మార్నాకన్, ఓర్ మహిమార్ జ్యోతేతీ ఓనె నాశ్కరెఛె.| ⁹ .బల్లా ఆద్మీ సైతానేర్ జోరేతీ ఆన్, అస్మాన్ విచిత్తర్ కామ్, లబారీ నిశానన్, అస్సోన్ కామ్ కరన్, నాశ్వేజాయేర్ కార్ణే హర్యేక్ ఢొకేనె కరెఛ. ¹⁰ ఓ రక్షణ్ లేలేజు నత్తేనే లేలేన్. ప్రేమ్ కీదోకొనిజేర్వాసే ఓ నాళ్వేజాఛె .| ¹¹ ఏర్ కార్ణే కసూరేమా ఘాలెజకో జోరేనె ఉందేమా దేమేలెఛె.జేర్వాసె ఓ లబారీనే ¹² విశ్వాస్కరెఛె.ఏర్ ఫళ్ కాయికతో సత్తేనె విశ్వాస్ నికరేజు పాపేమా ఖుషీకరేవాళ్ సిచ్చాపావెఛె ¹³ భాయిబందో, ప్రభు తమేనె ప్రేమ్ కర్రోఛెకన్ హమ్ ఓనె వందనం హమేసాకర్రేధా.కసన్కతో తమ్ సత్తేనె నమ్మేర్ కార్ణన్. తమేనె దేవేర్జన్ కరేనే ఆత్మార్ జోరేతీ తమ్ రక్షణ్ లేబోజు దేవ్ తమేనె అగ్డీర్ వాళేర్ నై కుంత్లీదో. ¹⁴ హమ్ తమేనె ప్రచార్ కీదేజే ఆచ్ఖబరేర్ కార్ణే. దేవ్తమేనె ఏ జీవ్ణేమా బలాయొ.ప్రభు యేసుక్రీస్తూర్ మహిమామా తమ్ హాసొలేలేనే ఉ తమేనె బలాయొ. ¹⁵ జేర్వాసె భాయిబందో, హమార్ బోదామా, హమార్ కాగదేమా.హమ్ తమేనె సికాయెజే సత్తేనే ఘట్ఝల్లేన్ హూబ్రో ¹⁶ అపణో ప్రభు యేసుక్రీస్తూన్, అపణేనె ప్రేమ్ కరన్ ఓర్ కృపాతీ, హమేశా రజకో హిమ్మతన్, ఆచో నిరీక్షణ్ దీనోజకో బాప్ ¹⁷ ఛజకో దేవన్, తమార్ దల్లేనే హిమ్మతేతీ భరన్, స్వగ్లీ ఆచోకామేమాన్ సే ఆచ్ వాతేమాన్ తమేనె ఘట్ రేనే జోర్ దేజా