¹ అపణో బాప్ఛజో దేవేమాన్, ప్రభుఛజే యేసుక్రీస్తూమా ఛజకో తెస్సలోనీకయులేర్ సంగమేనే పౌలన్, సీలన్, తిమోతీ క్వొసళ్కన్ కేన్ లకేర్ . ² బాప్చజకో దేవన్ , ప్రభు యేసు క్రీస్తు తమేనె కృపాన్, శాంతీ దేజా ³ భాయిబందో , తమార్ కార్ణే హమ్ హమేసా దేవేనే వందనం కర్ణో, హనుకరేర్ నమోరజ్ .కస్నేకతో తమార్ విశ్వాస్ కత్రాయికో బడ్రోచె తమామా ఏకీతీ ఏక్ చజకో ప్రేమ్ సదా బద్రోచె. ⁴ జేర్వాసె ,తమేనె ఆరీజకో భావేటీన్ , తలేవూనే తమ్ సమాళన్. విశ్వాసేమా చోకన్ హమ్ దేకన్ , దేవేర్ సంగామేమా తమార్ కార్ణే హమ్ భాదూరీ పద్రేచా . ⁵ తమ్ కేర్సారూ భావేటీ పారేచోకో,ఓ దేవేర్ రాజ్యమేనే తమ్ పావోజు వేజావోచో.కసన్కతో దేవ్ నాయక్ చజకోజ్ కరచె ⁶ తమేనే భావేటీ ఘాలేజెర్ ఉంపరే ఉ భావేటీ ఘాలన్ ,ఈ దేవ్ నాయమేటీ నేవ్ కరేచేకన్ కేనే రుజు . హ భావేటీ కర్రేజే తమార్ భావేతీనే కాణాకన్ హమేనే ⁷ సదా శాంతీ దచే. అపణ్ ప్రభుయేసూర్ ఆచ్ఖబరేనే ,మానేనీజనే. దేవేనే ⁸ వళకేనీజేనే సిచ్చాఘాలేనే యేసుప్రభూ ఓర్ జోరేర్ సోజాతీ స్వర్గలోకేతీ ఆవేజన్నా ఈ కామ్ కరేఛె.| ⁹ 9 ఓర్ జన్ సేతీ మహిమా, నామెజేసేటీ మాన్ లేలేనే , ఓ దాడే ఉ ఆవేజనా , ప్రభూర్ ముణాంగేతీ, ఓర్ మహిమార్ జోరేతీ నాళీకరన్ ¹⁰ శాశ్వత్ నాశ్కజకో సిచ్చా లేలేఛె. హమ్ తమేనే దీనేజకో ఆచ్ఖబరేనే తమ్ నామెకొని జేర్వాసే తమ్సదా ఉందేమా రోచో. ¹¹ జెర్కార్ణే హమ్ హమేసాఅరజ్ కర్తే రాదా .తమ్ కుణ్సో బత్కు బంచ్ణోకన్ దేవ్ తమేనె బలాయెుకో, ఓ బత్కునే తమేనే ఛాజాజు కర్కన్ ఓనె రాకర్రేఛ ,విశ్వాసేనే పూరో కారేజా . ¹² అపణ్ దేవన్ ప్రభు యేసుక్రీస్తూర్ కృపాతీ అపణ్ ప్రభు యేసూర్ నామేనే మహిమా వాఛె .ఒత్తీ తమేనె సదా మహిమా వఛె.