¹ పచ్చాడియాపర్ భాయిబందో, ప్రభూర్ వాత్ తమామా ఫ్యాల్ గీజు, జరూర్ ఫ్యాలాన్ మహిమలేలేజు, హమార్ వాసే అరజ్ కరో. ² దేవ్ హమేనే ఖరాపన్, బల్లా ఆద్మీతీ తపావేజు అరజ్ కరో సే హమార్ ఖబరేనే విశ్వాస్ కర్ రే కొని. ³ జేర్ వాసే ప్రభు నమ్మకమే వాళో; ఉ తమేనే బళ్ దేన్ బల్లా ఆద్మీతీ తమేనే జతన్ కరెఛే. ⁴ తమార్ కార్ణే దేవ్ హమేనే హిమ్మత్ దేరోఛే హమ్ కేజు తమ్ కర్ రేఛోకన్, ఉజ్జీ ఆంగె సదా కరోఛోకన్ హమ్ నమ్ రేఛా. ⁵ దేవేర్ ప్రేమేమాన్, ఓప్క్యామాన్ దేవ్ తమార్ దల్లేనే చలావెఛే. ⁶ హమ్ ఉందేనే కిదేజకో బోదార్ నై నీచాలెజు, ఖరాఫ్ వాటేమా చాల్ రేజే హర్యేక్ భాయిబందేతీ దూర్ వేన్ రోకన్, అపణో ప్రభుఛజే యేసు క్రీస్తూర్ నామేలారే హమ్ తమేనె హక్ దేరేఛా. ⁷ హమ్ కీదెజు, తమ్ సదాకర్ ణోకన్ తమేనె పక్కోమాలమ్ హమ్ తమార్ డై రేజనా కామ్ కీదేకొనిజు రేకోని. ⁸ హమ్ పిసా దీనెకోనిజు, కేరీడై కాయి లేల్ దే కొని ఓర్ బదలే హమ్ భావేటీ కీదే వేలాకీదే తమామా కేనీ ఖర్చ్ నీలాగెజు, రాతన్ దియె హమ్ భావేటీ కీదే. ⁹ తమ్ హమేనె పకడన్ చాల్ ణోకన్, తమేనె నమూనార్ నై హమ్ రేణోకన్ హనూకీదే పణ్, హమేనే హక్ ఛేనికన్ కొనికీదే. ¹⁰ హమ్ తమార్ డై రేజనా కుణీతీ కామ్ నీ కరేజు, ఖాణో నీఖావ్ ణోకన్ తమేనె కే. ¹¹ తమామా ధోడ్ సేక్ కాయికామ్ న కరెజు, పరలేవూనే ఛేడ్ తే ఖరాఫ్ వాట్ చాల్ రేఛోకన్ హమ్ సామ్లెఛా. ¹² హనూ ఛోజకో తమ్ ఠరాన్ కామ్ కర్తే, ఓర్ ఊజ్ కమాయి కమాలేన్ ఖా బంచ్ ణో కన్, అపణ్ ప్రభు ఛజే యేసు క్రీస్తూర్ నామేలారే ఉందేనే ధల్ కారన్ హకమ్ దేరోఛు ¹³ పణ్ భాయిబందో, తమ్ మేల్ కరేమా కఠళో మత్ ఖావో. ¹⁴ ఏ ఉత్రమేర్ కార్ణే, హమ్ కేజకో వాతేవూనె కోయి న మానెజు రతో ఓనె దేకన్, ఓనె సరమ్ ఆవెజు, ఓతీ సవాసం మత్ కరో. ¹⁵ పణ్ ఓనె వ్యారీనై న దేకజు, భాయీర్ నై దేకన్ అక్కల్ ఘాలో. ¹⁶ శాంతిదార్ ఛజకో ప్రభూ, ఊజ్ సే వక్తేమా స్వగ్లి రకమేర్ శాంతి దేజా. ¹⁷ పౌల్ కజకో మ మార్ హతేతీ వందనం కన్ లక్ రోఛు హర్యేక్ ఉత్రo హనూజ్ లక్ రోఛు హనూజ్ దస్తక్ కరుచు. ¹⁸ అపణో ప్రభు ఛజకో యేసుక్రీస్తూర్ కృప తమేనే సేనే సాత్ రేజా.