¹ तिकि किसाला खिराङ गेरिक कि चावा येशु कि च्युक क्यानि दुक्पा खुरसुङ खिरे कि साङ तिराङ सेम लाङगुप सेम किसा । तेमे सिकि ओङबु ला दुक्प खुरु वाइ । तिकि दिक्पा किरु ताङु गिउ । ² ति मि कि ता तिङला मि कि हाबा ला मि वतु कि मिजि कन्ज्यक कि सेमला मोबा क्यानि देक्यु । ³ च्यिलसिसिन ज्येन मिन क्याबु सेम दगे स्यामडेन किरुप टेमा मिसिबा जिनि युकु जोल्मु लादिमु मेदु लाका किरु फाक्चा लाङदे लाका ला तुजे सिदु वाइ । ⁴ खिराङ तिबा दि तामला हिन् । मासाबु कि कि साला तिबा ति येम्छेन किउ । ⁵ तिबि कि स्येबा दाङ सेन्बु ला ठिम किरुप ति लाराङ थु तेरु थुपुकि कन्ज्यक लाराङ थु तेरु ग्योक्यु । ⁶ तिकि किसाला स्याब तिबाला दि सुङ सिक्याबु जाइ ओङबुला मि ठिम क्याबु हिन् । हिन्सिनाङ खिराङ ला थुला खिराङ ला कन्ज्यक कि सिक्याबु रके देसित । ⁷ गेरिक ताम सिदिन वाइ तिकि किसाला खीरे सेम ल्यामु दासाला लागाओ खिरे कि सवा कि ला दाग्पि सेम थिला ज्यका । ⁸ गेरिक सिनाङ आला ज्येनला ङिज्ये किसा च्यिलासिसिन ङिज्ये कि ज्येनग्यि मेलेबा लाका दि मोछोलु । ⁹ होरु बोबु मानेग्यबा ज्येनगि ग्यासो सुसा । ¹⁰ तुकराङ क्यानि खिराङ गेरिक कि ङ्येत्पा ङयेतु वाइ । कन्ज्यककि तिजोराङ बिन्दुप कि ङ्येत्व कि ल्यामु रुक्चे दगेराङ क्यानि ज्यगा। ¹¹ तिकि ताम किसिन कन्ज्यक कि ताम क्याबु दगेराङ क्यिसित । तेमे खिरे कि कन्ज्यककि लाका क्यिसिन तिकि कन्ज्यककि तेरु ङार नेसुर किसित च्यिलासिसिन गेरिक लाका ला ख्रिष्ट नेमा कन्ज्यक सावा तामु हसित । सवा दाङ मोबा नाम लाङ कन्ज्यक तिराङ हसित । आमेन । ¹² ङिङ ज्येबु तिबा खिराङ खक्पा लाप ला काङ मेनाङ दगेराङ काबु लाका क्यि गोसिनाङ खिरेकि दि लाका हिन मासिसा। ¹³ तेमे खिराङ च्योजिगि ख्रिष्ट कि दुक्पा खुर्कि तिजोराङ गा क्यिसा च्यिलासिसिन ख्रिष्ट कि सवा ला ङिङ साङ क्यानि दे थुसित । ¹⁴ खिरेकि ख्रिष्टकि ला खाक्याज्यितु गाल्सिनाङ खिराङ थुछिछे हिन्द च्यिलासिसिन सवा कि थु दाङ कन्ज्यक कि थु दि खिराङ तानि गिउ । ¹⁵ तेमे खिराङ मि सेतु । तेमे कुन किरु मेलेबा लाका किरु लाकाला दुक्पा खुरु मोगोसित । ¹⁶ हिन्सिनाङ ख्रिष्टियन गालुकि कला दुक्पा खुर्सिन तिकि ङछा मिकिसित ।तेमे तिराङ मिन नेसुर कन्ज्यककि सवा किसित । ¹⁷ च्यिलासिसिन दि कन्ज्यक कि पुजुङ दाङ पुम तिबा नेसुर राङ ठिम किरुकि तुजे हिन् । तेमे ठिम दि ओरुङ नेसुर राङ डोसिन । तेमे जन कन्ज्यककि सुङ मेङेदु तिबा ला च्यक कि दाङ । ¹⁸ तेमे दिक्पा वतु तिबि थार्पा ति दुक क्यानि डोसित तेमे दिक्प मेतु तिबि ति जन च्युक क्यानि डिताङ । ¹⁹ तिकि किसाला कन्ज्यककि कादेन नेपा लाका कि दाङ दाक्पि थु ज तिबा ला तेर्सित ।