¹ तिकि किसाला पेर्मि तिबा खिराङ खिरेकि ख्यकि ओङज्येन ला देदा च्यिला सिसिन खिरेकि ख्य तिबा कादेनला मेसिनाङ खिरेकि लाका थोङनि तिबाला खाङ ताम मासुङ सिनाङ ग्युर्क्यिद । ² च्यिलासिसिन खिरेकि क्यिदाङ ला थोङ्नि ति ति खिरेकि ताङदेन क्याबु दगेराङ थोङिद । ³ तिकि किसाला ह्रा दाङ फिला थोङुकि सेरङुल ग्याज्या तिबा कोनि मिद। ⁴ हिन्सिनाङ खिरे कि नाङ्ला सेम नेसुर नाम साङ देदु ल्यामु ङिङ्साङ क्यानि कन्ज्यक थ कि लाकि तिखाल लाका किसा । ⁵ च्यिलासिसिन ताङ कि चेङि पुमा तिबा दुक क्यानिराङ ज्ये तेमे तिबिकि दाक्पि ख्य ओङज्येनला देनि । ⁶ तुक राङ क्यानि तिबिकि आब्राहाम कि कादेन्बा ङ्येन्सुङ तेमे तिला दाल्जा सिनि काताङसुङ । ता तेमे खिरेकि काङ ल्यामु नक तिराङ क्यानि देसिन खिराङ गेरिक तिकि पुज्युङ पुम तिबा डिउ । ⁷ तुकराङ क्यानि ख्यतिबिसाङ दाक्पि पेर्मिला किमुथुप साम्जे क्यानि तिबा तानि मिजिकि ङ्येत्तपा ङेतु कि पिमा हिन्सिनि देता च्यिलासिसिन खिरेकि सवा देपुला । ⁸ तेमे ता खिराङ गेरिक सेम च्यिउ गिराङ गाल्नि दाक्पि उजु नुग दगेराङ ङिङ्ज्ये किरु लाका किसा । ⁹ लाका मेलेबा किरुला मेलेबा दाङ ग्यासो मुसु बु तिबाला मुसुपु लाका माकिसा । तिसिनाङ नाम लाङ मलाम बिदा च्यिला सिसिन मलाम ला जोम्बा सिनि खिराङ ला काताङु जाइ। ¹⁰ तेमे सिकि दाक्पि मिजि दि ङिङ्ज्ये किबे तेमे तिकि ल्यामु ङिमा थोङु सेम किबे तिकि मेलेबा सिरुप ताङ दाक्पु ला मेलेबा सिरुपक नेपा रोके किसित । ¹¹ तिकि मेलेबा लाका नेसुर ग्युर्नि तिकि कि काङ ल्यामु हिन ति लाका लाराङ देसित तिकि लोदिमु लाका छोल्सित तेमे लोदिमु क्यानि देसित । ¹² कन्ज्यककि दिक्पा मेतु मिला थोङु तेमे तिकि सवा दि ख्यरे नाम ज्याक कि कोक्यु । लोङराङ कन्ज्यक मेलेबा लाका किरु तिबि खाला गिउ । ¹³ खिरेकि ल्यामु लोदुमु काला क्यासिन । ¹⁴ खिराङला सिकि मेलेबा सि तेमे खिराङ दिक्पा वतुकि लाका ला तुल्सिन खिराङ गेरिक कि मलाम ङ्येकित । तिबा जिबा किरु लाका तिबाला खिराङ जिबा माकि सम्बले मादे ता । ¹⁵ तिसिनाङ साङ चावा येशुला चेङि हिन्सिनि खिरे सेम ला ज्यका खिराङ च्यिलासिसिन कन्ज्यक ला रेवा किउ सिनि टिसिन सिरुप ला नामलाङ टेगे देता दि लाका दि ल्यामु दाङ ताङदे वतु किसा । ¹⁶ ल्यामु सेम दिला ज्यका च्यिलासिसिन ख्रिष्ट ला खिरेकि ल्यामु मिजि खक्पा लाप तिवा ङ छा लाङसिता च्यिलासिसिन तिबिकि डे नाक्पु हिन सिनि सिउ ताम किउ । ¹⁷ कन्ज्यककि सेम क्यासिन खिरेकि मेलेबा लाका क्यानि दुक्पा खुरु सिने ल्यामु लाका क्यानि दुक्पा खुरु ल्यामु हिन् । ¹⁸ ख्रिष्ट किसाङ ख्येप्जिक दुक्पा खुरुसुङ ओरुङला कन्ज्यक चाला टिबु ला दिक्पा वतु तिबि दुक्पा खुरुसुङ खरेकि ओङबु ला राङ सेबा खुरसुङ । तेमे लोङराङ थुला सेन्बु लाङसुङ । ¹⁹ खोरुङ थुला गाल्सुङ तेमे उपुकि थु तिबाला ल्यामु ताम सिक्यासुङ । ²⁰ नोहा कि तुजेला टु जब बेला कन्ज्यककि गुनि वतु बेला तिबा आज्ञाकि का देम्बा ङेरादु मागाल । तेमे तिकि किसाला तिबा मेरा ग्ये जिकला थार्वा विन्सुङ छयु नेसुर । ²¹ दि खिराङ राङ थार्वा तेरुकि बप्तिष्मा कि ताम हिन् । दिकि ओङबि कि टेमा सेल किरु दगे मिन्दा येशु ख्रिष्ट कि लोङराङ सेन्बु लाबु नेमा बिन्दु कि ल्यामु रेवा दगेराङ हिन् । ²² ख्योरुङ कन्ज्यककि दाईने लाक्पि नाङला वाइ । ख्यो देवाचेन ला गालु वाइ । देवा च्येनकि थु तिबा काडेन्बा किरु तिबा ङार्मा तिबा गेरिक ख्योरे चाला हुङ ग्योक्यु ।