¹ दाल्जा ताङ एल्दार ताङ ख्रिष्टकि दुक्पि थोङुप मि तेमे चाला ओङुप ल्यामुला ओङुप मि तिवि हिदुप किसिसला ङा खिरे चाला ओतुप एल्डर तिबाला सिउ । ² खिरे चाला वातुप कन्ज्यकला मि तिबाला ल्हो । मि सानि क्या मिन हिन्सिनाङ कन्ज्यककि सेम कन्ज्यककि सेम क्याबु सेमकि, डेबा ङयेतुप सेमकि मिन हिन्सिराङ मोला यक् कितो किरु सेमकि किसित । ³ खिरे काला वातुप मि तिबाला खाङ किरुप सेम लाङिबे ति किरुप मिन । हिनसिराङ बगालकि ला ल्हादिमु वासित । ⁴ ओथुङ चप मि ओङसिन खिराङला नाम्लाङ मिसिन्बु बाक्पा ङ्येक्यु । ⁵ तुक राङ क्यानि ज्येदा तिबा गाबा गामि सिक्याबु ङ्येनि दोसित् । खिराङ खेरकि बोल्मु माज्या कोन तेमे दाक्पु ताङ जेन्ला यक् तिबा कितोकि , खाङसिनि सिसिन कन्ज्यककि मेलेबा किरुप तिबाला तेन तोगु हिन्सिराङ बोल्मु ताम किरु तिबाला काटिन किउ । ⁶ तिकि किसाला दाक्पि ला कन्ज्यककि क्ष्ये लाक्पि हक्ला बोल्मु जोनि ज्यक , तेमे खो कि ल्यामु तुजेला खिराङला थेन्बुला जेउ । ⁷ खिरे खेर सेम दुक ताङ मेलेबा तिबा खेर कन्ज्यकला बिन् खाङसिनि सिसिन खो कि खिराङला नाम्नाङ सेमला ज्यकु । ⁸ च्याङबु ताङ ङ्यि मालकपा देन । खिराङला डे कि जेनला ठेनि खिमु तोङुपकि लागिला ङेर्मा लाबुल जिक तगे क्यानि देनि गिउ । ⁹ तिकि लागिला ङ्न्यि मालक्पा सवा देपिन्दाङ देत । ख्योरुङ जेनि मोबाला च्योङ्बु गाल्नि देत ।दि लोप कि जम्बुलिङला वातुप खिरे इजि नुक तिबि कि साङ दिनोक राङ दुक्पा खुर्नि वाइ । ¹⁰ v10खिरेकि ओकुर्जिक दुक्पा ङ्येसिमा खिराङला ख्रिष्टकि दाक्पि नाम्लाङ् सोवाला कातोङु खेर काटिन कन्ज्यककि खिराङला ल्यामु जेउ । तेमे ङार्मा जेउ । ¹¹ खो ला राङ ङार नाम्लाङ ओङसित । आमेन । ¹² ङा सिलासलाई मोबा किरुप नुक कि तगेरा लिङु । तेमेतिकि रँ ला ङेकी खिराङला गा ताङ थोङुप मि जोइदाङ खाङ ताम थिर्मे जोनि तिकिन किउ । कन्ज्यककि ओथुङ काटिन ति दि राङ हिन् । दिला लानि देत् । ¹³ खिराङ तानि राङ लाबु बेबिलोनला वातुप मि तिकि खिराङ ला गासो स्युबु वाइ । ¹⁴ खिराङ ख्रिष्टला वातुप खेरला लोदिमु ओङसित ।