¹ Mafalisayo na baasi ya vayandishi ambavo vavele vahumie hu Yelusalemu vakhusanyikhe humusunguha umwene. ² Na vawene ukhuva baasi ya vanyasule va mwene valyele mkhate khwa mavokho najisi; ambayo sivakalifyi. ³ ( Khwa mafalisayo na vayahudi vondi sivilya mbaha vakhalafye amavoho kavo vunofi; vikhamulila uvu tamaduni wa vasehe. ⁴ Uwakati Mafalisayo yavikomoha hukhuma mahalli pa sokho, sivilya mabaha vayoge hwanja. Na huna sheliya chingi ambacho vahachifwata kabisa, yiva pamonga nu hukalafya ifikhombe, masufuliya, fyombo fya shaba, na ifidego fyefitumikha umsikha kwa shahulya.) ⁵ Mafalisayo na vaandishi vamuvuchiche u Yeesu, "kwha nini avanyasule vaho siviishi ukhulingana ni tamaduni cha vasehe,khwani vilya umukhate bila hukalava amavoho?" ⁶ Lakhini umwene avachovye, "isaya atabilye finofi ukhuhusu unyenye vanafiki, ayandikhe, 'avanu ava vahandiheshimu hwa milomo kyavo, lakhini inumbula chavo kivele hutali nu neene. ⁷ Vahandifanyila iibada chesichiveli ni mana, vavulichaka isheliya cha vadamu ngita makeo kavo.' ⁸ Muyilekhile isheliya ya Nguluvi nukhukhamulila khwa wepesi itamaduni cha vadadamu." ⁹ Na achovile uhwavo, "muyibelile iamuli ya Nguluvi hwa vulayisi ili uhutya mutunze itamaduni chenyo! ¹⁰ Khwahuva umusa achovile, 'muheshimwake umama vaho nu dadiyo,'na'umwene yeichova mabaya juu ya dadiyo aua umama vaho hakika hacha ifwa.' ¹¹ Lakhini mwichova, 'nde umunu achove hwa dadiye au umama, ''Msaada kwokwote ambao hali mwiyanukhila ukhuhuma uhwangu yivele hasina ya nyumba ya Nguluvi," (Iyo dyo huchova hutya, 'yihumile hwa Nguluvi') ¹² ewe siuhamuluhusuuhufanya licho lyolondi hwaajili ya dadiyo au umama vamwene. ¹³ Muhayifanya iamuli ya Nguluvihuva bule hwahuleta itamaduni chenyo. Na mamb molofi ka namna iyo kemukhakafanya." ¹⁴ Avasakhile amakutano hangi huvachovela, "mundipulikhichake uneene,unyenye nyevondi, na muniyelewake. ¹⁵ Hakuna shoshondi uhuhuma hwivala mwa muunu ambacho khiwesa humuchafula umuunu shehiyingila hwa mwene. Ba li she khila shekhihamuhuma umuunu nyo shehihamchafula. ¹⁶ (Singatilake: musitali uku, 'kama muunu yeyondi anambuluhutu cha hupulikha na apulikhake"sikuvelemwe munakala cha hatali). ¹⁷ Yeesu peavalekhile makutano nuhuyingila hunyumba, vanyasule vamwene vamuvuchiche khuhusu umufano ukwe. ¹⁸ Yeesu achovile, "Na yunye piya bado simwiyelewa? Simwilola uhutya sheshondi shehihamuyingila umunu sikhiwesa ukhumuchafula, ¹⁹ hwasababu sikhiwesa uhubita munumbula yamwene, lakhini khiyingila mulileme lya mwene na kisha khiluta hubita huchoo." Hwa maeleso aka Yeesu afifanyile ifyahulya fyondi huva safi. ²⁰ Achovile, "She khila ambasho shekhihamuhuma umunu ndyo shehihamuchafula. ²¹ Hwahuva huhuma mukati mwa muunu, hwivala mu numbula, huhuma mawaso maofu, zinaa, vuhichi, vuvulachi, ²² vuashelati, tamaa mbaya, uofu, vuchangwa, wiifu, kashifa, uhwidayi, vujinga. ²³ Amaofu akakote khihuma mukati, ndyo khala kekahamchafula umuunu." ²⁴ Alamwikhe huhuma pala nkhuheka khuhelela mkoa wa Tiro na Sidoni. Ayingye mukati na siasakhile umunu yeyondi amanye uhuva apo, lakhini siyawesekhine ukhumufikha. ²⁵ Lakhini ghafula umwayuva, ambaye mwana vamwene mdebe avele nu mbepo muchafu, apulikhe imola cha mwene, ayichile, na adimile pagulu kamwene. ²⁶ Umwayuva uyo avele muyunani,va kabila lya kifoeniki. Alimsihi umwene adake ilijini huhuma hwa umuhinja vamwene. ²⁷ Yeesu amuchovye umwafyuva, "valekhe avaana valiswe khwanja, hwahuva siyo sawa uhutekula umukhate kwa vaana nuhuvatochehecha amabwa." ²⁸ Lakhini umwayuva amujibwe nu huchova, "Ndyo Bwana, Hata mabwa panyi pa mesa hulya ifipolo fya vaana." ²⁹ Avachovye, "hwahuva uchovile ewe,uvele hulu uhuhelela. Lijini velimuhumile umwalive vamwene." ³⁰ Umwayuva agomwikhe hunyuumba khwa mwenena amuwene umwalive agonile pakhitanda, ni lijjini lyavele lihumile. ³¹ Yeesu ahumile hangi hwaivala hwa mkowa wa Tiro nu khulutila hu Sidoni huelekela hu nyanja ya Galilaya mbaha ikanda ya Dikapolisi. ³² Na vamuletye umuunu yeavele mchivachi na avele siiwesa ukhu uhusungumusa finofi, wali msihi Yeesu avimbe amavoho hushanya pamwene. ³³ Amuhumiche hwivala mwa mukusanyikho hwa sili, na avimbile ifikonje fya mwene mumbuluhutu cha mwene, na bada ya khufunya amate, agusiche ululimi lwa mwene. ³⁴ Alolile hushanya humbinguni, ahemile nu humuchovela, "Efata," iyo huchova "funguhe!" ³⁵ Na umsikha kukwe imbuluhutu cha fungwihe, na shehivele khisuvililwe nu lulimi sha halibiwe na awesiche uhuchova finofi. ³⁶ Na aliwaluhusu vasiyo humuchovela muunu yeyondi. Lakhinikadili sheavaluhuswiche, ndyo shevatangasiche imola icho hwa wolofi. ³⁷ Hakika vashangasichwe, nu khuchova, "Afanyile khila khinu finofi. Hata avafanyile avachivachi ukhupulikha na vabubu ukhulongela."