¹ Na ahekile apo nukhuhelela khumujini khwavo, na vanyasule vamwenevamufwatile. ² Isabato peyafikhe avangile ukhufundisa musinagogi. Vanu volofi vamupulikhe nuhumukhanisa. Vakhachova, "apatile khwi amavulicho aka?" "hekima gani iyi yeapevilwe?" "itenda vuli imiujisa iki khwa mavoho kamwene?" ³ "Je uyu si yula uselemala, umwana va Maliyamu mulongovavo nu Yakobo,Yose, Yuda, nu Simoni? Je avalumbuve siviishi bahaapa pamonga nave?sivahelelyi nu Yeesu. ⁴ U Yeesu avachovye, "mvilisi siikosa iheshima, isipo kuwa mumuji kwa mwene na miongoni mwa valongove va mwene nu munyumba ya mwene. ⁵ Siawesiche ukhutenda imiujiza apo,ila avaviishe amavokho avatamu vadebe avaponiche. ⁶ Akanisiche sana khwa sababu ya khutana ukhufuwaa hwaveene. Basi afikendie ifijijifya jilani akhavulicha. ⁷ Avakhelye vala avanyasule lichumi na vavili ahavanga ukhuva seng'a vavili vavili. Avapelye amamulaka juu ya mabepo amachafu, ⁸ Nukhuvaamulu vatane ukhutola sheshokha ya vikhelela isipo kuwa ikhibokho tu. Vasiyo hutkula umukhate, wala mukhoba, wala sendi khibindoni; ⁹ lakhini vafwlake ifilato, nasiyo kanju chivili. ¹⁰ Nukhuvachovela, "nyumba yeyoha yeya mwiyingila, mtamake baho mbaha ya mwiheka. ¹¹ Namuji kwokwoha kwekusivayanushi wala huvapulikhania, muhekake khwavo, mupumunake amafumbi kamumakulu kenyo yivechake vushuhuda khwaveene." ¹² Naveene vahele nukhutangasa avaanu vahongechake nuhuchilekha injanangifu chavo. ¹³ Vadakile amabepo molofi,na vavabakhile amafuta avtamu nukhuvaponya. ¹⁴ Mutwa u Herode ali apulikhe ako, khwa huva ilitawa lya Yeesu lya manyikhikhe sana. Baasi vatike, "Yohani mchabihaji afufwikhe na hwasababu iyo, ingufu ya miujisa yifanya ikhasi mkati mwa mwene." ¹⁵ Baasi yavo vachovile, "uyu yu Eliya," Bado avangi vachovile, "uyu yu mvilisi,mumonga na vavilisi va khatali." ¹⁶ Lakhini u Herode ali apulikhe aka akhatikila u Yohani yendamu ng'enyile umutwe afufwikhe." ¹⁷ Mana Herode yu mwene alakiche u Yohani akhamulwe na amufungile khugelesa hwasababu ya Herodiya (mdala va kaka vamwene u Filipo) hwasababuumwene avele amukekile. ¹⁸ Hwahuva uYohani amuchovye uHerode, "siyo halali ukhukeka umudala va kaka vakho. ¹⁹ Lakhini u Herodiya avangile ukhumdadila nu khumulonda ukhumuvulaka, lakhini siwesiche, ²⁰ Mana Herode amuyokwipe u Yohani; amanyile ukhutikila anyahaki munu muvalache, amulekhile salama. Na peayendelye ukhumupulikhania ahusunikhe sana,lakhini ahelye humupulikhania. ²¹ Hata pekwafishe umsikha mwafaka yihava yikalibie ikhikono sha husaliwa u Herode avaandae ama afisa va mwene ikalamu ,na makamanda na vafiongosi va khu Galilaya. ²² Nekhe umwalive va Herodiya akhayingila nukhukhina mbele yavo, ahelechake u Herode na vakenji yavatamie wakati wa shahulya shapamikhe. Nekhe umutwaakhamuchovelake umuhinja, "uninyilikhe sheshokha she wilonda une ndikhakhupela." ²³ Akhamulapilake nu khuchova, sheshoha sheyawinyilikha ndikhakhupela, hata nusu ya vutwa wangu." ²⁴ Akhumile hwivala amuvuchiche umama vamwene, "ndinyilikhe khina?" Ahachova, "umutwe kwa Yohani umuchabihaji." ²⁵ Na mala khamonga ayingye hwa mutwa akhavanga ukhuchova, "ndilonda umele mukati musahani, umutwe kwa Yohani mchabihaji." ²⁶ Umutwa asikitiswe sana, lakhini hwasababu ya khilapo sha mwene na hwaajili ya vakenji, siawesichi ukhumubelela ilinyilikho lya mwene. ²⁷ Khwa hiyo, umutwa aseng'ile avasilikhani kati ya valinzi va mwene nukhuvalakicha khuhelela khung'enya umutwe peavele khukhifungo. ²⁸ Aletile umutwe kwa mwene musahani nukhumpela umuhinja nu mhinja ampelye hwa mama vamwene. ²⁹ Na vanyasule va mwene pevapulikhe ako vakhele khutola umuvili kwa mweee vahele husila mukabuli. ³⁰ Na vaseng'wa, vakusanyikhe pamonga mbele ya Yeesu, vamuyelesiche koha kekafanyihe na kekavulichiche. ³¹ Nu mwene avachovye, "Mwiche yunye mbele ya falagha tupumuskhe hwa muda.avanu volofi vavevinyicha nuhuheka hata sivapatili inafasi ya hulya. ³² Hwa hiyo vahovile imeli vahakhelela mahali pa falagha veene. ³³ Lakhini vavawene veka na volofi vavyeliwe, khwa pamonga vanyilile khwa magulu uhuhuma khumiji yoha, na veene vafikhe kabula yavo. ³⁴ Pevafikhe khulukilikili, awene vumati wa vaanu vukhomi avahulumie, hwasababu vavele ngita ng'oolo chesichiveli nu mudimaji. Na avangile ukhuvavulicha mambo molofi. ³⁵ Umsikha pekwayendelye sana, avanyasule vamuyiche vamuchovye, "apa mahali pa falagha nu msikha kuhele. ³⁶ Wilake vahelelake khu miji ya jilani nu khufijiji fikhikulile ishahulya." ³⁷ Lakhini avahikile ahachova, "muvapele unyenye ishahulya." Vamuchovye, "twiwesa ukhubita nuhukula imikate iyinya samani ya dinali mia mbilinukhuvapela valye?" ³⁸ Avachovye, "muna mikhate yilinga? mubite mukhalole." Pevapatile vamuchovye, "mikhate yihano ni somba chivili." ³⁹ Akhavakhamusake avaanu vatame katika filundwa mushanya mumatundu amiku. ⁴⁰ Vavatamikhe mufilundwa; filundwa fya mamia hwa hamsini. ⁴¹ Nekhe atole imikhate yihano ni somba chivili, nukhulola hushanya nukhuyibaliki nukhuva pela avanyasule vavikhe pavulongolo pa vumati. Nukhukava isomba chivili hwa vaanu vondi. ⁴² Valyele voha hadi vatoshikhe. ⁴³ Vakusinye ifipande fya mikhate fyefyasike fyamemile fikhapu lichumi na fivili, na fipande fya somba. ⁴⁴ Navavele vakosi elfu tano yeva lyeli imikhate. ⁴⁵ Mala vavchovye vahove mumeli vabite sehemu yingi hadi khu bethsaida, umsikha umwene akhilaka nu mukutano. ⁴⁶ Pevavele nevahekile ahele khukhidunda khunyilikha. ⁴⁷ Peyavele mihe, ni meli yavo umsikha ukwe yaveli katikati ya nyanja, nu mwene avele mwene khuvu halafu. ⁴⁸ Avawene visumbukha nukhufika ingafi hwasababu ilipalangulo lyavasuvie. Palwakalibye ullikhela avahelelye ikenda mushanya mumakasi na pealondaka ukhuluta. ⁴⁹ Lakhini pevamuwene ikenda mushanya mumakasi,vayingilwlwe ni wasi wasi vakhawasa musimu hatavakhayova. ⁵⁰ Khwasababu vamuwene vahajawa ni hofu. Mala achovile navo avachovye, "muvechake vajasili unene yune! mtane ukhuva ni hofu." ⁵¹ Akhayingila mkati mumeli, ni lipalangulo likhilekhelwake ukhupula naveene vakhakanisa kabisa. ⁵² Ewe sivaveli vaeliwe imaana mikhate yila mana ulukhala lwavo nuvuelewa vudebe. ⁵³ Navene pevahakime khumwambo, vasikhe i inyi ya Genesaleti imeli iktiya inanga. ⁵⁴ Pevakhumile khwivala mumeli, mala vakhamwelewake. ⁵⁵ Vanyilile khutangasa mu mukowa musima nukhuvanga ukhuleta avatamu khwa machela, khila pevivapulikhe iyicha. ⁵⁶ Pepokha peayingilaka katika fijijiaua mijini au katika inyi, vavikhaka avatamu mahali pa soko, na wakamusikhi avalukhusu ukhukhusu ulupindo lwa lifwalo lya mwene na voha vavamukusiche vamuponiche.