¹ Vayichile mbaha uvupande uvungi wa nyanja,katika umkowa kwa Gerasi. ² Na ghafula umsikha u Yeesu peali ikhuma khwivala mu watu,umunu umunya mbepo umchafu ayichile khwa mwene ukhukhuma khumakabuli. ³ Umuunu uyu avuyaka khumakabuli. Hakuna yeawesaka ukhumsuvila saidi,hakuna hata khwa minyololo. ⁴ Avele ikhungwa wakati mwolofi khwa pingu ni minyololo. Adumulaka iminyololo ni pinguchakhe cha denywaka. Hakuna hata yumonga yeavele ni ngufu cha khumushinda. ⁵ Ikhilo nu munyi avechaka khumkabuli nukhufidunda,avembaka nukhwi ng'enya yumwene hwa maganga makhali. ⁶ Peamuwene u Yeesu khwa patali, anyilye khwa mwene nukhugundama mbele ya mwene. ⁷ Avembile khwa savuti kuu, wilonda ndikhufanyile khini, Yeesu mwana va mutwayeali hushanya sana? Ndihakhusikhi hwa Nguluvi mwene, utane ukhunesa." ⁸ Khwahuva avele amuchovye, "umuhume umunu uyu, uveeve mbepo muchafu." ⁹ Nu mwene amuvuchiche, "ilitawa lyakho yuve ya?" Nu mwene amukhikile, "ilitawa lyangu yune Legion, khwa khuva tuvele volofi.' ¹⁰ Amusikhi tena na tenaukhuvaasindikha khwivala mumukowa. ¹¹ Lino ilikundi likomi lya makwehe lyaliswaka khushanya khukhidunda, ¹² navene walimsikhi, vahachova, "utuseng'e khwa makwehe, tuhayingile mkati mwavo." ¹³ Ewe aliwaluhusu amabepo amachafu kekahumile nukhuyingila mkati mumakwehe, na kene kanyilye panyi mukhidunda mbaha hunyanja , na kalibu makwehe elfumbili kekasamile mu nyanja. ¹⁴ Na vala yevave vilisa amakwehe vanyilile nukhupasa italifa shekhikhumye pa mji na pa inyi. Apo avaanu volofi vahumile ukhuhelela hulola shekhikhumie. ¹⁵ Ndipo vakhanyicha khwa Yeesu na pevamuwene umunu yapagiwe na mabepo yeavele ni silikhani_atamie panyi,afwilwe na avele katika luhalalwa mwene timamu,na vene vayokwipe. ¹⁶ Vala yevaveele valolile shekhikhumye khwa munu yeevele apagiwe nu mbepo vavachovye shekhikhumye khwa mwenepia ukhuhusu amakwehe. ¹⁷ Na vene vavangile ukhumusikhi ahekemumukoa kwavo. ¹⁸ Na peavele iyingila mkati muwatu muunu yeavele apagiwe na mabepo alimusikhi nukhutikila ahelelake nave. ¹⁹ Lakhini siampelye uluhusa. Lakhini amuchovye, "ubitake khunyumba yakho nu khwa vaanu vakho, na uvachovelake akhufanyile u mutwa ,nu lupyana lwe akhupelye." ²⁰ Ewe ahele avangile ukhutangasa amambo makuu ambako u Yeesu ke amfanye khwa mwene khu Dekapoli, na khila yumonga akanisiche. ²¹ Nu msikha u Yeesu pe ahakime khangi uvupande vungi,mkati muwatu, uvumati vukomi wa khusanyikhe ukhumusungukha, peavele mulukilikili lwa nyanja. ²² Nu yu monga va fiongosi va sinagogi, yeakhelwaka Yailo, ayichile, na peamuwene, abinile pamagulu kamwene. ²³ Akhamusikhi saidi na saidi, akhachova, "umwalivangu, umudebe asikalye ukhufwa. Ndikhakhusichwe uvikhe amavokho kakho pashanya pa mwene ili awese ukhupata iafya nukhuishi." ²⁴ Ahele pamonga nave,nu vumati vukomi wa mfwatile vamsokelye kalibuvamusungwikhe. ²⁵ Khwave nu mdala yeyamkhumaka idanda mwene miaha lichumi ni yivili. ²⁶ Afwahichwe fya khutosa na vanya tiba olofi nukhutumila khinu sheavele nasho. Hata ewe siyatangili khwa sheshokha. Lakhini badala yakhe asidilaka ukhuva ni khali mbaya. ²⁷ Apulikhe imola ukhuhusu u Yeesu. Ayichile mumbele ya mwene usikha peavele ikenda mkati muvumati, nu mwene agusiche ilifwalo lya mwene. ²⁸ Khwakhuva achovile, "kama ndikhaguse amafwalo kamwene tu.ndiva msima." ²⁹ Ave amugusiche ukhukhuma idanda khwa komile,na ipulikhe katka muvili kwa mwene aponichwe ukhuhuma mumapukho kamwene ³⁰ Na ghafula u Yeesu akundwe mkati mwa mwene yumwene ingufu chihumile akiliwikhe khuno na khuno katika vumati wa vaanu nukhuvucha, yuya ya kusiche ilifwalo lyangu? ³¹ Avanyasule vamwene vamuchovye, "wilola uvumati uvu vukhakhusonga vukhakhusungukha, nayuve wichova yuya yakhukusiche?" ³² Lakhini u Yeesu alolile khuno na khuno khulola ambaye ye afanyile ili. ³³ Umdala, amanyile shekhikhumie khwa mwene ayokwipe nukhutetema. Ayichile abinile panyi mbele ya mwene nukhumuchovela isalwesi yoha. ³⁴ Achovile khwa mwene, "umuhinja ,ulufuvo lwaho lukhufanyile uve msima. Ubitake khwa amani na uponake ukhukhuma muvutamu wakho." ³⁵ Peavele isungumsa, baasi ya vaanu vayichile ukhukhuma khwa khiongosi va sinagogi, vahachova, "umwali vakho afwele. She khina wi yendelela ukhumsumbula u Mwalimu?" ³⁶ Lakhini u Yeesu apulikhe ambasho shevachovile, amuchovye ukhiongosiva sinagogi, "utane ukhuyokopa ufuwake tu." ³⁷ Siamuluhuswichi yeyoha ukhwilongocha nu mwene, ila u Petulo,Yakobo, na Yohani, mlongove Yakobo. ³⁸ Vayichile khunyumba khwa khiongosi va sinagogi na mwene awene fulugu, nu khuvemba khwolofi nukhunyilkha. ³⁹ Ali ayingile munyuumba, avachovie, "khwa nini musikitikhe na khwa nini mwivemba? umwana sifweli bali agonile." ⁴⁰ Vamkhekhile, lakhiniumwene, avahumiche vondi khwivala,amutolile ubaba vamwana nu mama na vala yevavele pamonga nu mweene, ayingie mukati mweaveele umwana. ⁴¹ Atolile ilivokho lya mwana nkhumuchovela, "Talitha koum," ambayo ukhuchova, "muhinja mdebe, ndikhakhuchovela, lamukhe." ⁴² Ghafula umwana alamwikhe nukhukenda (khwa khuva avelenu umli wa miaha Lichumi ni yivili). Na ghafula vamkhamwelenu mkaniso mukhomi. ⁴³ Avahamulise khwa ngufu uhutya hakuna yeyoha yeitakhiwa ukhumanya ukhuhusu ili. Na avachovye vamupele umuhinja yula ishakhulya.