¹ Khangi avangile ukhufundisa mulukilikili lwa nyanja. Nilikhundi likhomi lyamusungwikhe, akhayingila muwatu munyanja nukhutama. Ilikundi lyoha lyavele mulukilikili lwa nyanja mulukilikili. ² Na akhavafundisake amavulicho molofi hwakhufananisa, nu khuchova navo hwa mavulicho kamwene. ³ Mpulikhane umpandaji ahele khupanda. ⁴ Wakati ipanda, imbeyu yingi cha binie munjila, ifidege fyayichile fihaliche. ⁵ Imbeyo chingi chabinie palikanga, ambapo pesapaveli nu mufumbi mwolofi, chanialile,hwasababu sipaveli nu mufumbi kwakhutosa. ⁶ Lakhini ilichuva lyali lihumile, cha nialile, na hwasababu sichaveli na malela, chayumile. ⁷ Imbeyo ichingi chabinie katikati ya mifwa. Imifwa ya khulile nukhu khana, na sicha babile amatunda kekoha. ⁸ Imbeyo ichingi cha binile pamufumbi umunofi nukubaba amatunda umsikha kwechikhula nukhuyongesekha, ichingi cha babile mala selasini saidi, ni chingi sitini, ni chingi mia." ⁹ Naakhachova, "yeyokha umunya mbulukhutu cha khupulikha, na apulikhake!" ¹⁰ Yeesu peavele mwene, vala yevavele kalibu nu mwene na vala lichumi na vavili vamuchiche ukhuhusu umufananiso. ¹¹ Achove hwa veene, "khwenyo mpevilwe isili cha vutwa wa Nguluvi. lakhini khwa yevave khwivala, sawa vilanga, lakhini sivikhafivona, na khwa hiyo khinu mfananiso, ¹² ili vilola ,sawa vilanga, lakhini sivikhafivona, khwahiyo peyavipulikha sawa vipulikha, lakhini viyelewa, ndee siewe vali vikevukha na u Nguluvi ali akhavahulumila." ¹³ Nu khuchova khwa veene, " Je simwiyelewa umfananiso uku? Yamwiwesa vuli ukhuyelewa imifananiso iyingi?. ¹⁴ Umpandaji apandile ilicho. ¹⁵ Baasi yevala yevabinile pamweya pa njila, mahali ilicho pelyapandilwe. Na pevapulikhe, mala usetanoakhayicha nkhutola ilicho lyelyapandilwe mkati mwa veene. ¹⁶ Na baasi avapandilwe pashanya palikanga, vala yevapulikhe ilicho, ng'ani ng'ani valiyanushe hwakhukhela. ¹⁷ Na hana malela kekoha mkati mwavo lakhini vifumilila khwa msikha mfupi. Halafu itabu na masumbukho pekiyicha khwa sababu ya licho mala vikungudukha. ¹⁸ Na vangi vala yevapandilwe mumifwa. Vipulikha ilicho, ¹⁹ lakhini amasumbukho ka inyi, nuvuchangwa wa mali, nuvuloho wa mambo kangi, kahavayingila nukhulibana ilicho nukhulemwa ukhubaba amatunda. ²⁰ Ila khuna vala vevapandilwe pamufumbi umunofi. Vipulikha ilicho nukhuliyanukhila nukhubaba amatunda: baasiselasini, au sitini, au mia moja." ²¹ Yeesu avachovye, "Je wiva wileta itala mukati munyumba nukhuvimba panyi au panyi pakhitanda? Wileta mkati nukhuvimba pashanya ya kiango. ²² Hwa khuva hakuna sheshokha shekhifikhime sheya sikhimanyikhikha, na hakuna sili yeya sinyi vikhwa wasi. ²³ Avelepo umunya mbulukhutu, na apulikhake!" ²⁴ Avachovye, "muvechake matekela khwa khila she mwipulikha, khwa khuva ikhipimo shemwipimila khisho she yamwipimilwa, nuhuyongeswa khwenyo. ²⁵ Hwasababu yavele nasho,iyanukha saidi,na yesiaveli nasho, ukhuhuma khwa mwene fitolwa hata fyealinafyo." ²⁶ Akhachova, "uvutwa wa Nguluvi wiwananichwa nu muunu yeapandile imbeyo pamufumbi. ²⁷ Ali akonile pakhilo nukhulamukha palukkhela, chachipwikhe nukhukhula, pakhuva asamanyili sheshahumye. ²⁸ Iinyi yihumye imbeyo yinyene, pahwanja amatunda halafu uvuluva halafu imbeyo chechikhange. ²⁹ Uwakati imbeyo ya chiva chifundile mala yisindikhwa inyengo, khwasababu amafuno kafishe." ³⁰ Akhachova, "tuwananiche uvutwa wa Nguluvi ni khinu khi, au tutumile mfano gani ukhuyayelehesa?. ³¹ Kama mbeyo ya haladani, peyapandilwe yavele ndebe sana khulikho imbeyo choha pa inyi. ³² Hata, umsikha kweyapandilwe yakhulile yavele ngomi saidi ya mimea yote ya bustani,halafu yiva na mapakwa makhomi, hata ifideke fya khushanya fiwwesa ukhufanya ifisakhilwa fyafyene mukhiwilichi kwekhe." ³³ Khwa mifano miolofi avuliche nukhuchova ilicho khwa vene, kama sheva wesaka ukhuyelewa , ³⁴ na ukhuchova navo bila mufano siawesichi. Lakhini umsikha kwavele mwene, avayelesiche khila khinuavanyasule vamwene. ³⁵ Katika khikono isho, umsikha kwa pamikhe pe kwafishe , achovile khwavo, "Tuheke uvupande wa khavili." ³⁶ Ewe vavulekkhile uvumati, vamutolile u Yeesu, umsikha ukwe tayali mkati muwatu. Uwatu wolofiwavele pamwinga nu mwene. ³⁷ Ni mepo ng'ali ya soluba nu muveelo kavee kiyingila mkati muwatu nu watu tayali wavele vumemile. ³⁸ Lakhini u Yeesu mwene aveele mu shetri,akonile pa muto. Vamulamwise ,vakhachova, "mwalimu siwijali uwewe twifwa?" ³⁹ Na akhalamukha, akhakhenyela ilipalangulo nukkhuyichovela inyanja, "uvechake shwali, amani." ilipalangulo likha chikha,khuhava nuvutulifu vukhomi. ⁴⁰ Na akhachova khwavo, "shekhi mwiyokopa? Je simuna lufuvo bado?" ⁴¹ Vamemile ni hofu ngomi mkati mwavo na vakhachovana vaveene khwa veene, uyu yuya khangi, khwasababu hata ilipalangulo ni nyanja fikhamupulikha?