¹ Na tena ayingye mkati musinagogi na mla pa vele n u muunu umunya livokho liposiche. ² Baasi ya vaanu va mfwatililaka khwa kalibu ukhulola kama akhamuponya ikhikono sha sabato ili vamutakhe. ³ U Yeesu amuchovye umuunu umunya livokho ilipposiche, "uyinamukhe na uwime pa kati nakti pavumati uvu." ⁴ Nekhe avachovele avaanu, "je niyive halali ukhutenda ikhitendo ikhinofi ikhikono sha sabato au ukhutenda kekasiveli ka haki; ukhukhombola amaisha au ukhuvulaka?" Lakhini vasike kimya. ⁵ Avalolile hwa likoka, ahusunikhe khwasababu ya vugumu wa numbula chavo, nukhuvachovela umunu yula, "nyoose ilivokho lyakho." Alinyoosiche nu Yeesu ahamuponyake ilivokho lya mwene. ⁶ Avafalisayo vahele khwivala mala vahafanyake injama pamonga nava Herode hwaajili ya mwene ili ukhumuvulaka. ⁷ Nekhe u Yeesu, pamonga na vanyasule vamwne vahele khu nyanja, nuvumati vuhomi wa aanu wavafwatile ukhuhumila khu Galilaya nu khuvayahudi. ⁸ Nu khukhuma khu Yelusalemu nukhukhuma Idumaya ya na pavulongolo ya Yolodani ni jilani ya Tiro ni Sidoni, uvumati mkomi, pewapulikhe khila khinu sheakhifanyaka, vayichele khwa mwene. ⁹ Navavachovye avnyasule vamwene ukhutayalisa uwatu uvudebe hwaajili ya mwene hwasababu ya vumati, ili vatane ukhumusokelela. ¹⁰ Pakhuva avaponiche volofi, ili khila muunu ya vele na mapumukho avele ni niya ya khumufikhila ili amukuse. ¹¹ Pepoha umbepo avachafu pevamuvonaka vabinaka panyi mbele ya mwene nukhuvemba, nukhuchova, "uveve ulimwana va Nguluvi." ¹² Avahamulise hwa musisitiso vatane khufanya amanyikhikhe. ¹³ Ahele hushanya khukhidunda, nukhuva khemela yeavalondaka, nuhuhelelaka hwa mwene. ¹⁴ Avachakwe lichumi na vavili (yeavakhemelye avaseng'wa),ili vavechake pamonga nu mwene na awese huva seng'a khutangasa, ¹⁵ nu huva na mamulaka kahuhecha amajini. ¹⁶ Avachakwe lichumi na vavili: Simoni, yeampelye ilitawa lya Petulo, ¹⁷ Yakobo umwana va Sebedayo nu Yohani mlongove va Yakobo, yeapevilwe lya Bonagesi, avo vana va ngulumo, ¹⁸ nu Anduleya, u Filipo, Bartholomayo, Mathayo, Tomasi, Yakobo Mwana va Alufayo, Thadayo,Simoni Mkananayo, ¹⁹ na Yuda Iskaliote, yalivele msaliti. ²⁰ Ahelekhunyumba muvumati wavanu vayichile pamwinga hangi, hata vasawesiche ukhulya hata umukate. ²¹ Ifamiliya ya mwene ya mwene pevapulikhe Imola iyo, vahele khumuhamula, kwani vachovile, "'Alukhilwe ni akhili". ²² Avaandishi vayichile ukhuhuma khu Yelusalemu vatike, "apagiwe nu belisebulli, "na" khwa mtawala va majini ihecha amajini." ²³ Yeesu avakhemelye khwa mwene nukhuchova navo hwa mfananiso. Jinsi gani ushetani iwesa ukhuhecha usetano? ²⁴ Kama uvutwa vukavane vuwene, uvutwa uwe siwiwesa ukhuyima. ²⁵ Kama inyumba yikavanyikhe yiyene, yisiyo siyiwesa ukhuyima. ²⁶ Kama usetano iyima khinyume sha mwene nukhukavanyikha,siiwesa khuyima, na ivecha afikhe pamwisho kwa mwene. ²⁷ Lakhini hakuna hata yumonga yeiwesa ukhuyingila mkati mu nyumba ya muunu umunya ngufu nukhuhicha ifinu fya mwene bila khumukhunga umunya ngufu hwanja,nekhe akhusanye fyefivele munyumba. ²⁸ Salwesi ndikhavachovela, injanangifu chote cha vaana va vanu chisamehewa, pamonga ni kufulu ambacho vitamukha, ²⁹ lakhini yeyoha yeyaikufulu umbepo umwimikhe sialasamehewa kamwe, bali anahatiya ya njanangifu ya milele." ³⁰ U Yeesu alichovile ili hwasababu vave vichova, "ana umbepo mchafu." ³¹ Nekhe umama va mwene na valongove vamwene vayichile nukhuyima hwivala. Vamseng'ile umuunu,khumukhemela. ³² Nuvumati wa vaanu wave vutamie kalibu nu mwene vamuchovye, "umama vakho na valongovo vakho vave pivala, vakhakhulonda uveve." ³³ Avakhikile, "Yuya umama vangu na valongo vangu?" ³⁴ Avalolile yevave vatamie vamusungwikhe, nukhuchova, "Lolake,ava vamama vangu na valongo vangu! ³⁵ Yeyoha yeianya amapenzi ka Nguluvi, umuunu uyo mlongo vangu,na mlumbu vangu na mama vangu."