¹ Msikhu icho, khwavele hangi nuvumati mkomi, na sivavele ni shakhulya. Yeesu avakhemelye avanyasule vamwene avachovye, ² "Ndihavuhulumila uvumati uvu, vayendelye ukhuva nu neene khwa sikhu chidatu na sivana shakhulya. ³ Ndihavatawanya ukhukomokha hunyumba chavo bila hulya viwesa ukhuchimila munjila ni njala. Na baasi yavo vahumile khutali sana." ⁴ Vanyasule vamwene vamujibwe, "Twipata khwina imikhate ya khutosa khuvasibisa avanu ava mu lieneo ili lyelilehilwe?" ⁵ Avavuchiche, "muna fipande filingi fya mikhate?" Vachovile, "saba." ⁶ Aluhuswiche uvumati vutame panyi. Atekwe mikhate saba, amuhongechiche u Nguluvi, nukhu denya. Avapelye avanyasule vamwene vavimbe mbele yavo, navo vavimbile mbele ya vumati. ⁷ Piya vavele ni somba ndebe chache, na bada ya khushukulu, avaluhusu avanyasule va mwene vavagavile ifi piya. ⁸ Valyele na vatoshikhe. Navakhusinye ifipande fyefya sige, fidoto fikomi saba. ⁹ Vakalibie vaanu elufu ine. Na avalekhile vahelelake. ¹⁰ Mala ayingye muwatu na vanyasule vamwene, na vahele mu lukilikili la Dlmanuta. ¹¹ Nekhe amafalisayo vahumile khwivala nukhuvanga uhu bishana nave. Vasakhaka avapele ishala khukhuma hu mbinguni, khwa humujalibu. ¹² Akhatafakali khwa khin mu numbula mwa mwene atikilaka, "khwa ini ikhisasi ikhi khitemula iishala? Ndihavachovele unyenye isalwesi, sikhuna ishala yehacha yihechwa khwa khisasi ikhi." ¹³ Nekhe aavalekhe, ayingye mukati mwa muwatu hangi, ahekile hubita vupande vungi. ¹⁴ Uwakati ukwe avanyasule vasemilwe ukhutekula imikhate. Sivaveli ni mikhate saidi ya khipande khimonga sheshavele muwatu. ¹⁵ Avaonyile nukhuchova, "muve miho na mwilinde zidi ya chachu ya Mafalisayo na chachu ya Herode. ¹⁶ Vanyasule vachovine vavene khwa vene, ni khwasababu situna mikhate." ¹⁷ Yeesu alitambwe ili, na avachovye, "khwa nini mwichovana ukhuhusu khuto khuva ni mikhate? Simumanyile bado? Simwiyelewa? Numbula chenyo chivele nyepesi? ¹⁸ Mna miho,simwilola? muna mbulukhutu, simwipulikha? Simwikhumbukha? ¹⁹ Pendagavanyile imikhate khihano khwa vaanu elfu tano, mwatekwe fidoto filingi fyefimemile fipande fya mikhate?" Vamujibwe, "lichumi na fivili." ²⁰ "Na pendgavanyile imikhate saba khwa vaanu elfu ine, mwatekwe fidoto filingi?" ²¹ Vachovile, "saba." Avachovye, "Bado simwiyelewa?" ²² Vayichile hu Bethsaida. Vaanu avo vamuletile khwa Yeesu muunu khipofu na vamunyilikhe u Yeesu amuguse. ²³ Yeesu amukhamwe khwa livoho ukhipofu yula, nu khumuongosa khwivala mwa khijiji. Peafunyile amate hushanya khwa miho khamwene nukhunyosa amavokho khamwene hushanya pamwene amuvuchiche, "Wilola sheshondi?" ²⁴ Alolile hushanya nu khuchova, "Ndivona avaanu vivonekha ngita mabihi khikenda." ²⁵ Apo anyosiche hangi amavokho khamwene hushanya khwa miho kamwene, munu yula afungwe amiho kamwene, alolile hangi, na akhiwene khila khinu vunofi. ²⁶ Yeesu amulekhile akhelele hunyumba na amuchovye, "usiyo huyingila humjini." ²⁷ Yeesu ahekile na vanyasule vamwene hubita fijiji fya Kaiseria ya Filipi. Vavele munjila avavuchiche avanyasule, "Vaanu vichova yune yani?" ²⁸ Vamujibwe vachovile, "Yohani mchabihaji. Avangi vichova, 'Eliya' na vangi, 'yumonga va vavilisi." ²⁹ Avavuchiche, "Lakhini unyenye mwichova uneene yune nani?" Petulo amuchovye, "Uveve ni khilisiti." ³⁰ Yeesu avaonyile vasiyo khumuchovela munu yeyondi ukhumuhusu umwene. ³¹ Na avangile ukhuvafundisa ukhuva Mwana va Adamu lasima atesekhe khwa mambo molofi, na ibelwa na vafiongosi na makuhani vavakha, na vaandishi, na hacha ifwa,na bada ya sikhu chidatu hacha ifufukha. ³² Achovile akha khwa uwasi. Apo u Petulo amutekwe palubalina avangile ukhumu khenyela. ³³ Lakhini Yeesu agewikhe nukhuva lola avanyasule vamwene na amukhenye u Petulo nu khuchova, "Lute humbeleyangu setano! Siwijali amambo kha Nguluvi, isipo kuwa amambo kha vaanu." ³⁴ Nekhe akhele uvumati na vanyasule vamwene pamonga, na khuvachovela, "Kama khuna muunu isakha ukhundifwata, ibelake yu mwene,atekule umsalaba kwa mwene, na andifwate. ³⁵ Khwa khuva yeyondi yeisakha ukhuokolewa amaisha khamwene khwaajili yangu na hwaajili ya ienjili, hacha iokola. ³⁶ Yihamfaidisa khina umuunu, ukhupata ulimwengu wote, na kisha ukhupata ihasala ya maisha khamwwene? ³⁷ Umuunu iwesa khuhecha khini badala ya maisha kamwene? ³⁸ Yeyondi ye akhandivonela ayibu na maacho khangu mu khipelela ikhi sha vazinzi ni khipelela sha vanya njanangifu, Mwana va Adamu ahamuvonela ayibu ye iyicha mu vutwa wa Baba vamwene pamonga na vamalayikha umwimikhe.