1 Musikha, kama uYeesu peavele iluta, amuwene umunu khipofu tangiya khusaliwa khwa mwene. 2 Vanasule va mwene vamuvuchiche, ''labi, yeani yeatendile isambi, umunu uyu au vasasi va mwene, mbakha asaliwe khipofu?'' 3 Yeesu akhajibula,"siyo umunu uyu wala avasasi va mwene yevateendile isambi, bali khasicha Nguluvi chipate ukhufunuliwa khulutila khwa mwene. 4 Twitakhiwa ukhufanya ikhasi cha mwene umwene yeanditumile musikha bado kuvele muunyi. pakhilu wiyicha musikha ambapo sikhweyuli yeacha iwesa ukhufanya ikhasi. 5 Musikha yandivele pa inyi unene ndivele mwanga kwa inyi." 6 Baada ya Yeesu ukhuchova amacho aka, aafunyile mu alisi, afanyile amadope khwa mate, na akhambakha umunu yula mumiho ni lidope lila. 7 Akhavachovela, helelake khayoke mu khisima sha Siloamu (yeyifafanuliwa kama 'yeatumilwe')." Khwa hiyo umunu uyo aahele, akhakhalava, na akhakomokha, ilola. 8 Vajilani va munu yula na vala yevamuwene pakhwanja kama munyilikhaji vachovile, Je! uyu siyo yula umunu yeavele itamaa nukhunyilikha?" avangi vatike, "Yu mwene." 9 Na vangi vatike, "Kave, bali iwanana nu mwene." Lakhini aavele ichova, "Yune." 10 Vakhamuchovela, "Lino amiho kakho kafunguliwe vuli?" 11 Aajibwe, umunu yeikhemelwa Yeesu afanyile ilidope nukhubakha mumiho kangu nu khundichovela, 'helele khu Siloam ukhakhalave.' Khwa hiyo ndahele, na ndikhakhalava, nu khupata khulola khangi.'' 12 Vakhamuchovela, "Avele khwini?" Aajibwe, "sindielewa." 13 Vakhamusindikha umunu yula yeawayile khuva khipofu khwa Vafalisayo. 14 Nayo yavele sikhu ya sabato musikha uYeesu peatengenise ilidope nukhufumbula amiho ka mwene. 15 Ndipo Vafalisayo vakhamuvucha aapatile vuli ukhuvona. Aamuchovye, "Avikhile ilidope mu miho kangu, ndikhakhalava, na lino ndiwesa ukhulola." 16 Baasi ya Vafalisayo vakhatikila,Munu uyu siahumile khwa Nguluvi khwa sababu siakhayikhamula isabato." Avangi vatike,"Yiwesekhana umunu munya sambi ukhufanya iishala kama icho?" Khwahiyo khukhava nu mukavanyikho mwa vene. 17 Ndipo pevamuvuchiche ukhipofu khangi, Witikila vuli juu ya mwene khwa sababu akafungwe amiho khakho?" Khipofu akhatikila, Avele muvilisi." 18 Hata umusikha uku Vayahudi sivamufuvilwi kwamba avele khipofu nave apatile ukhulola mbakha pevakhemelye avasasi va mwene yeapatile ukhulola. 19 Vavavuchiche avasasi, Je, uyu avele mwana venyo yemwichova asaliwe khipofu? " awesiche vuli lino ukhulola ?" 20 Ewe avasasi va mwene vamujibwe, "Tumanyile khuva uyu mwana vetu na kwamba asaliwe khipofu. 21 Vuli vuli lino ilola, sitwielewa, nu mwene yeamufumbwe amiho ka mwene, situmumanyili. Mumuvuchake yu mwene. Avele munu musima. Iwesa khwielesa yumwene." 22 Vasasi va mwene vatike amambo aka, khwasababu Vavayokwipe Avayahudi. Khwa khuva Vayahudi vavele vakubaliyine tayali khuva, yingava yeyoha yaikubali khuva uYeesu avele Khilisiti, yaitengwa ni sinsgogi. 23 Khwasababu iyi, vasasi va mwene vatike, " Avele munu musima, muvuchake yu mwene." 24 Khwahiyo khwa mala ya khavili, vamukhemelye umunu yula yeakelile ukhuva khipofu nukhumuchovela, "Mupele uNguluvi uvuvalache. Tumanyile khutya umunu uyu munya sambi." 25 Ndipo umunu yula aajibwe, "Ave munya sambi, unene sindielewa. khinu khimonga shendikhimanyile: ndavele khipofu, na lino ndilola." 26 Ndipo pevamuchovye, Akhukhitye khikhi? Akhakafumbwe vuli amiho kaho?" 27 Aajibwe, Ndimalile ukhuvachovela tayali, nu unyenye simwapulikhi! Shekhini mwilonda ukhupulikha khangi? Nanye simwilonda khuva vanasule va mwene pia, siyo ewe? 28 Vaamulikile nu khutikila "Uveve uvele mwanasule va Musa. 29 Tumanyile khutya Nguluvi achovile nu Musa, lakhini khwa munu uyu, sitwielewa ukhu khwa humile." 30 Umunu yula akhajibula nukhumuchovela, Shekhin, ili livele lijambo lya khushangasa, khutya simumanyili khweihuma, na bado akafumbwe amiho kangu. 31 Tumanyile khuva uNguluvi siakhavapulikhicha avanya sambi, lakhini yingava munu yeyoha akhamwimikha uNguluvi nu khufanya amakhelwa ka mwene, Nguluvi aivaakhampulikhanya. 32 Tangiya khuvanga khwa inyi sinakayikela ukhupulikhwa ukhutya yeyoha akafumbwe amiho ka munu yeasaliwe khipofu. 33 Yingava umunu uyo siahumili khwa Nguluvi, ngalisiifanya sheshoha." 34 Vamujibwe nukhumuchovela, "Wasaliwe mu sambi khabisa, nu veve ukhutuvulicha uwewe ?" Ndyo pevamdakile khuhuma mu lisinagogi. 35 Yeesu aapulikhe khutya vamuhechiche mu lisinagogi. Ampatile nukhumuchovela, "Ukhamufuwa umwana va munu?" 36 Aajibwe nukhutikila, Yeani, Mutwa nekhe naane ndipate ukhumufuwa?" 37 Yeesu akhamuchovela, "Me umuwene, nave yewilongela nave ndyo yumwene." 38 Umunu yula akhatikila "Mutwa, Ndifuuwa.Ndipo akhamwinamila. 39 Yeesu akhatikila, "Khwa hukhumu ndiyichile mu inyi iyi nekhe vala yesivilola vapate ukhulola na vala yevilola vave vabofu." 40 Baasi ya Vafalisayo yevavele pamonga nu mwene vapulikhe amacho ako nu khumuvucha, "Nu wewe pia tuvele fipofu?" 41 Yeesu akhavachovela, "Kama ngalimuvechake fipofu, ngalisimuna sambi. Hata ewe, lino mwitikila, 'Twilola,'sambi yenyo yitama."