Yohani 8

12 Khangi uYeesu akhachova na vanu akhatikila, "unene Ndivele mwanga ya inyi; umwene yeakhandilonda siachaikenda mu ng'isi bali achaiva nu mwanga kwa vuumi.'' 13 Vafalisayo vakhamuchovela, wikhishuhudila vemwene; uvushuhuda wakho siyo wa salwesi." 14 uYeesu aajibwe akhavachovela, Hata kama yandikhavashuhudila mwene, uvushuhuda wangu vuvele salwesi. Ndimanyile mahala pendihumile na ukhu khwendihelela, lakhini 15 unyenye simumanyili khwendihumile au ukhu khwendihelela. Unyenye mwihukhumu khimuvili; 16 Unene hata ningakhuhukhumu, ihukhumu yangu yivele salwesi khwasababu sindiveli ndemwene, bali ndivele pamonga nu baba yeanditumile. 17 Ndyo nu mu sheliya yenyo yiyandikhilwe kwamba uvushuhuda wa vanu vavili yivele salwesi. 18 Unene ndyo yendikhishuhudila, nu Baba yeanditumile akhandishuhudila 19 Vakhamuchovela, "Baba vakho avele khini?" Yeesu akhajibu, unenesimunimanyili wala uBaba vangu simumanyili; ngalimuvake munimanyile unene, ngali munimanyile nu Baba vangu." 20 Aachovile amacho aka peavele kalibu ni hasina peavele ivulicha mulihekalu, na sikhweyuli hata monga yeamukhamwe khwa sababu isaa ya mwene yavele bado yisiukhufikha. 21 Basi akhavachovela khangi, "ndikhihelelelwa; yamukhanilonda ya mwifwa mu sambi chenyo. ukhu khwendihelela, simwiwesa ukhuyicha." 22 Vayahudi vakhatikila "Yaikhivulaka yumwene, umwene ambaye aatike, 'ukhu khwendihelela simwiwesa ukhuyicha'?" 23 Yeesu akhavachovela, "mwihuma pasi; unene ndihuma Khushanya. Unyenye muvele va inyi iyi; unene sindiveli va inyi iyi. 24 Khwahiyo, ndavachovye ukhuva yamwifwa mu sambi chenyo. Finginefyo mufuwe ukhuva UNENE NDYO YUNE, yamwifwa mu sambi chenyo." 25 Khwahiyo vakhamuchovela, " uveve yuve yaani?" Yeesu akhamuchovela Kala kendivachovye tangiya pa khwanja. 26 Ndilinako amambo molofi ka khulongela nu khuhukhumu juu yenyo. Hata ewe, umwene yeanditumile avele va salwesi na mambo keendakapulikhe ukhuhuma khwa mwene, mambo aka ndikhaka mu inyi." 27 Sivamueliwe khutya aveele ilongela navo khuhusu uBaba. 28 Yeesu akhatikila "yamwiyinula khushanya umwana va munu, ndipo ya mwimanya khuva UNENE NDYO YUNE,na khutya sindifanya lyolyoha khwa nafsi yangu. Kama uBaba sheandivulichiche, ndichova amambo aka. 29 Umwene yeanditumile avele pamonga naane, na umwene siandilekhili ndemwene khwani khila mala ndifanya kala kekakhampendesa." 30 Musikha uYeesu aachovile amambo aka, volofi vamufuvilwe. 31 Yeesu akhatikila khwa vala Vayahudi yevamufuvilwe, Yingava mwitama mu macho kangu, ndipo yamwiva vanasule vangu salwesi, 32 nu nyenye ya mwimanya salwesi, na salwesi yayiva hulu.'' 33 Vamujibwe, uwewe khivele khipelela sha vutumwa na kamwe sinakatuwahi khwa pasi pa vutumwa wa yeyoha; yawitikilani, yatwivikhwa hulu?'' 34 Yeesu aavajibwe, fuwake, fuwake, ndikhavachovela khila yeitenda isambi ave mtumwa va sambi. 35 Mtumwa siitama munyumba musikha kwoha; umwana sikhu choha. 36 khwahiyo, yingava mwana angavavikha hulu, mwiva hulu kweli khabisa." 37 Ndimanyile kwamba unyenye nanye muvele khipelela sha iblahimu; mwilonda khunivulaka khwasababu ilicho lyangu lingaya nafasi mukati mwenyo. 38 Ndichova amambo ambako ndikawene pamonga nu Baba vangu, nu nyenye denideni mwifanya amambo ambako mwakapulikhe khuhuma khwa baba venyo." 39 Vajibwe nukhumuchovela, "Baba vetu ye Iblahimu." Yeesu akhavachovela,kama ngalimuvake vana va Iblahimu ngalimufanyile ikhasi cha Iblahimu. 40 Hata lino mwilonda ukhundivulaka, munu yeamuchovye usalwesi kwamba ndapulikhe khuhuma khwa Nguluvi. Ablahamu siakhitile edeti. 41 Mwifanya ikhasi cha baba venyo." Vakhamuchovela, sitwasaliwi mu vusinzi, tulinave uBaba yumonga, Nguluvi." 42 Yeesu akhamuchovela, " yingava uNguluvi avele Baba venyo, ngalimunikhelye unene, khwa mana ndihumile khwa Nguluvi ; wala sindayichili khwa nafsi yangu, bali umwene anditumile. 43 Shekhini simukhakayelewa amacho kangu? khwasababu simwiwesa ukhufumilila ukhukapulikha amacho kangu. 44 Unyenye muvele va baba venyo usetano, na mwilonda ukhuchitenda itamaa cha baba venyo, Aavele muvulachi tangiya pa khwanja na siiwesa ukhuyima mu salwesi khwasababu uisalwesi siyiveli mukati mwa mwene.Ya ilongelela uvudesi, ilongela khuhuma mu asili ya mwene khwasababu me mudesi nu baba va vudesi. 45 Hata lino, khwa sababu ndichova yeyivele salwesi, simukhandifuwa. 46 Ye ani kati yenyo yeakhandishuhudila ukhuva ndinya sambi? yingava ndichova kekavele salwesi shekhini simukhandifuwa? 47 Umwene yeavele va Nguluvi aivaakhakapulikha amacho ka Nguluvi; unyenye simukhakapilikha khwababu unyenye simuveli va Nguluvi." 48 Vayahudi vakhamujibula nukhumuchovela, situchovili salwesi khuva uveve uvele Msamalia na unya pepo?" 49 Yeesu akhajibula, sindinya pepo; lakhini ndikhamuheshimu uBaba vangu, nanye simukhandiheshimu . 50 Sindilonda uvuvalache wangu; khuna monga yeakhavulonda ni hukhumu. 51 Fuwake, fuwake, ndikhavachovela yingavepwe yeyoha achaakhalikhamula ilicho lyangu, yaitana khukavona amauti khangi." 52 Vayahudi vakhamuchovela, " Lino twichile kuva unya pepo. uAblahamu na vavilisi vafwele; lakhini wichova, Yingava umunu akhalikhamula ilicho lyangu siachaivonja amauti.' 53 uveve si ulimkuu khulikho ubaba vetu uAblahamu yeafwele, si ndyo ewe? Avavilisi pia vafwele. Uveve wikhifanya khuna yeani?" 54 we Yeesu akhajibula," Yingava yandikhivalacha ndemwene uvuvalache wangu bule; yu Baba vangu yeakhandivalacha yula ye mwitya ye Nguluvi venyo. 55 Unyenye simumumanyili umwene, lakhini unene ndimanyile umwene. Yingava yanditikila, 'sindimumanyili,' ya ndiva kama unyenye,mdesi. Hata ewe, ndikhamumanya na maacho ka mwene ndikakhamwe. 56 Baba venyo uAblahamu aashangilye peacha akhayivona isikhu yangu; aayiwene na ikhelye." 57 Vayahudi vakhamuchovela, "siufikhisichi uumuli wa myakha hamusini bado, nave umuwene uIblahimu ?" 58 Yeesu akhavachovela, Fuwake, fuwake,ndikhavachovela,kabula uAblahamu sianaka asaliwa, UNENE NDIVELE." 59 Ndipo pevaholile amakanga vamutove, lakhini uYeesu afiyime nu khuhuma mu lihekalu khwivala.