1 Fuwake, fuwake ndikhavachovela, yula yesiiyingila ukhulutila umulyango kwa luvaka lwa ng'oolo, lakhini iidama khwa njila yiingi, umunu uyo avele muhichi na munu yeinyaka. 2 Umwene yeiyingila mumulyango nu mudimaji va ng'oolo. 3 Khwa mulinzi va mlyango akhamufungulila. Ing'olo vipulikha isauti ya mwene na khukhemela ing'olo cha mwene khwa matawa ka chene nu khuchihecha khwivala. 4 Yaakhachihecha khwivala icho chivele cha mwene, aiva akhachilongolela ni ng'oolo chachiva chikhamufwata, khwasababu chiyimanyile isauti ya mwene. 5 Siachavakhamufwata umukenji lakhini badala yakhe achavakhamuyepukha, khwasababu sivayimanyili isauti ya vakenji." 6 Yeesu atike umufano uku khwa vene,lakhini sivakaeliwi amambo aka ambako aavele ichova khwa vene. 7 Yeesu akhachova khangi, Fuwake, fuwake, ndikhavachovela, Unene ndivele mulyango kwa ng'oolo. 8 Voha yevalongwe vahichi na yevinyaka, lakhini ng'oolo sivavapulikhichi. 9 Unene ndivele mulyango. Yeyoha yeiyingila ukhulutila khwangu, yaikhombolewa; yaiyingila mukati nu khunuma, nu mwene yaikhipatila amaliso. 10 Muhichi siiyicha isipokhuva khuhicha, khuvulaka, nukhuyangamisa. Ndiyichile nekhe kwamba vapate uvuumi na vave nawe toopu. 11 Unene ndivele mudimaji munofi. Mudimaji munofi aaihecha uvumi wa mwene khwaajili ya ng'oolo. 12 Mfanyakhasi yeaajiliwe, na siyo mdimaji, ivaakhakavona amabwa ka mwisoli vangicha nu khuchilekha nukhunyila ing'oolo. 13 Na mabwa ka mwisoli kikhamula nu khutavanya. Ainyila khwasababu avele mfanyakhasi va khuajiliwa na siijali ing'oolo. 14 Unene ndivele mudimaji munofi, na ndivamanyile yevavele vangu navo yevavele vangu vandimanyile unene. 15 uBaba, andimanyile, naane ndimumanyile uBaba, naane ndikhavuhecha uvuumi wangu khwaajili ya ng'oolo. 16 Ndinya ng'oolo ichingi ambacho si cha luvaka ulu.nacho pia, nditakhiwa ukhuchileta, nacho yachipulikha isauti yangu nekhe pavepwe nililundwa limonga nu mudimaji yumonga. 17 Iyi ndyo sababu uBaba akhanikhela: Nivuheche uvuumi wangu halafu ndivutole khangi. 18 Sikhweyuli yeakhavutola khuhuma khwangu, lakhini unene ndikhavuhecha yuune. ndilinayo imamlaka ya khutola pia. Ndiliyanushe ililakicho ili ukhuhuma khwa Baba." 19 Mgavanyikho khwahumye khangi kati ya Vayahudi khwa sababu ya maacho aka. 20 Volofi va vene vakhatikila, "Anya pepo na avele khichaa. Shekhini mukhamupulikhicha?" 21 Avangi vakhatikila, Aka siyo maacho ka munu yeachanganyilwe ni pepo. Pepo liwesa ukhufungula amiho ka khipofu?" 22 Ndipo yikhicha isikukuu ya khuvikha tayali iYelusalemu. 23 Kwavele musikha kwa ng'aala, nu Yeesu aavele ikenda mu lihekalu mu vukumbi wa Selemani. 24 Ndipo Avayahudi pevamusungwikhe nukhumuchovela, "Mbakha ndali yaaukhatulimba mu wasi wasi? kama uveve uvele Khilisiti, tuchovele waasi. 25 Yeesu akhavajibula, Ndimalile khuvachovela lakhini simwifuwa. Khasi chendikhachifanya khwa litawa lya Baba vangu, icho chishuhudila juu yangu. 26 Hata ewe siwifuwa khwasababu unyenye siyo ng'oolo changu. 27 Ng'oolo changu chipilikha isauti yangu; Ndichimanyile na chene chikhandifwata unene. 28 Ndivapelye uvuumi wa milele; siachaviyangamila khangi. na sikhweyuli hata monga yeachaakhavanyakula khuhuma mumavokho kangu. 29 Baba vangu, yeanipelye avo, avele mukuu khulikho avangi voha, na sikhweyuli hata monga yeavele nuvuweso wa khuvanyakula khuhuma mumavokho ka Baba. 30 Unene nu Baba tulilumonga." 31 Vakhatola amakanga nekhe vamubonde khangi. 32 Yeesu akhavajibula, Ndivavonesiche ikhasi njolofi inofi khuhuma khwa Baba. khwa khasi chilikhu kati ya icho mwilonda ukhiniponda na makanga?" 33 Vayahudi vakhamujibula, "situkhakhuponda na makanga khwa khasi yeyoha yeyivele nofi, lakhini khwa khukufulu, khwasababu uveve,yeuvele munu, wikhifanya khuva Nguluvi." 34 Yeesu akhavajibula, Siyayandikhilwi mu sheliya yenyo, 'Ndatike, unyenye muvele va nguluvi"? 35 Yingava avakhemelye vanguluvi, khwa vala ambavo Ilicho lya Nguluvi lyavayiche (na Maandikhe sikiwesa ukhudenywa), 36 mwitikila pashanya ya yula ambaye uBaba amuhechiche nukhumutuma mu inyi,'wikufulu,' khwasababu ndatike, unene ndivele mwana va Nguluvi'? 37 Yingava sindifanya ikhasi cha Baba vangu, mutane ukhundifuwa. 38 Hata ewe, yingava mukhachifanya hata kama simukhandifuwa muchifuwake ikhasi nekhe kwamba muwese ukhuelewa nukhumanya khutya Baba avele mukati mwa Baba." 39 Vakhakela khangi ukhumukhamula uYeesu, lakhini aahele khuhuma mumavokho kavene. 40 Yeesu akhahelela khangi mwambo ya Yoldani isehemu ambayo uYohani aavele ichabikha khwanja na akhatama ukhwe. 41 Vanu volofi vayichile khwa Yeesu. vayendelye ukhuchova, "uYohani salwesi siafanyili iishala yeyoha, lakhini amambo koha keakachovile uYohani juu ya uyu kavele ka salwesi. 42 Vanu volofi vakhamufuwa uYeesu bakho.