1 Ndivachovye amambo aka nekhe mutane ukhukwasa. 2 Vakhavahumya khwivala mumasinagogi; hakika isaa yiyicha ambayo yeyaakhavavulaka yaiwasa khutya ifanya ikhasi nofi khwaajili ya Nguluvi. 3 Ya vakha vatendela amambo aka khwasababu sivamumanyili ubaba wala sivamumanyili unene. 4 Ndivachovye amambo aka nekhe umusikha kufikhe khwa aka khuhumila, mwiwesa ukhukakhumbukha na jinsi shendivachovye muvawese avene. sindavachovyi khuhusu amambo tangiya pamwanjo khwasababu ndavele pamonga naanye. 5 Japo khuva, lino ndihelela khwa yula ye andiseng'ile; sikhweyuli kati yenyo yeakhanivucha, " wihelela khwini? 6 khwasababu ndichovile amacho aka khwenyo, ihusuni yimemile munumbula chenyo. 7 Hata ewe ndikhavachovela uvukweli: khinofi khwenyo ndiheke khwa khuva vone sindihekili umufaliji siyaiyicha khwenyo lakhini vone ndihelele ndikhamuseng'a khwenyo. 8 Angayicha uyo umufaliji yaakhayisibitisa iinyi ukhuhusiyana ni sambi, khuhusiyana ni haki ni hukhumu. 9 khuhusiyana ni sambi, khwasababu sivandifuvilwi unene, 10 Khuhusiyana ni haki, khwa sababu ndihelela khwa baba siyamukhanivona khangi. 11 nu khuhusiyana ni hukhumu khwa sababu umkuu va inyi iyi ahukhumiwe. 12 Ndilinako molofi ka khuvachovela, lakhini siachamukhakaelewa lino. 13 Lakhini umwene, Umubepo va salwesi, angicha, yaakhavalongocha musalwesi yoha khwa khuva siachailongela khwaajili ya mwene; lakhini yeyoha keachaakhakapulinya, yaakhakachova mambo ako; na achaakhakavikha wasi khwenyo mambo keachakiyicha. 14 Umwene ya achaakhandivalacha unene, khwasababu yaakhakatola amambo kangu na yaakhakatangasa khwenyo. 15 Finu fyoha fyeavele navyo uBaba fivele fyangu; khwahiyo, ndichovile khutya Umubepo yaitola amambo kangu nukhukavikha wasi khwenyo. 16 Bado musikha mufupi, simukhambona. baada ya musikha mufupi khangi mukhambona. 17 Baasi ya vanasule va mwene vakhachovana khinukhini akhatuchovela, "musikha mufupi, na siachamukhambona khangi,' na, kisha, muda mufupi mukhambona,' khwasababu ndihelela khwa Baba?" 18 Khwahiyo vakhatikila, "khinu khini sheichova, 'Bado musikha mfupi'? sitwimanya sheichova'' 19 uYeesu aawene khuva valondaka ukhumuvucha, nu mwene akhavachovela, "Mwikhivucha yunye ukhuhusu eili, shendichovile, Bado musikha mfupi, siachamukhambona khangi; na baada ya musikha mufupi mukhambona'? 20 Fuwake, fuwake, ndikhavachovela, ya ya mwivemba nukhuombolesa,lakhini iinyi yawishangilila, yamwiva ni husuni lakhini ihusuni yenyo achayikevukha nukhuva fulaha. 21 Mukhidala iva nihusuni ya avele nuvuchungu khwasababu umusikha kwa khwifungula kufikhe lakhini yaifungwe umwana, sikhumbukha khangi amaumifu khwasababu fulaha ya mwene khutya asaliwe umwana pa inyi. 22 Na yuunye muvele ni husuni lino lakhini yandikhavavona khangi; ni numbula chenyo ya chikhela na sikhweyuli yeachaiwesa ukhuhecha ukhwikhela khwenyo. 23 Sikhu iyo siachamukhandivucha amaswali. Fuwake, Fuwake, ndikhavachovela, Munganyilikha lyelyoha khwa Baba, yaakhavapela khwa khwa litawa lyangu. 24 Mbakha lino simunyilikhi lyelyoha khwa litawa lyangu; munyilikhake, naanye ya mwiyanukhila nekhe ifulaha yenyo yikamilikhe. 25 Ndichovine naanye khwa luga yesiyielewekha lakhini isaa yiyicha ambayo siachandichova khwa luga yesiyielewekha lakhini badala yakhe yandikhavachovela wasi khuhusu uBaba 26 Sikhu iyo yamwinyilikha khwa litawa lyangu, nasindikhavachovela khutya yandinyilikha khwa Baba khwaajili yenyo; 27 khwa khuva uBaba umwene akhavakhela khwa sababu mndikhelye unene na khwasababu mundifuvilwe khutya ndihumile khwa Baba. 28 Ndaahumile khwa Baba na ndiyichile mu inyi; khangi, ndiheka pa inyi na ndihelela khwa Baba. 29 Vanasule va mwene vakhamuchovela, "wilola, lino wilongela wasi na siwitumila amafumbo. 30 Lino twimanya khutya umanyile amambo koha, na siwilonda munu yeyoha akhuvuche amaswali. Khwasababu iyi twifuuwa khuva wihuma khwa Nguluvi. 31 Yeesu akhavahika "Lino mufuvilwe?" 32 Lolake, isaa yiyicha, ndyo meyifikhe, ambapo yamwitawanyikha khila monga na khwa va vene achamukhandilekha ndemwene. Lakhini sindiveli ndemwene khwasababu uBaba avele nunene. 33 Ndikhavachovela amambo aka nekhe kwamba mukati mwangu muve ni amani. Muinyi muna matatiso, lakhini mwipelake inumbula ndiyishindile iinyi.