1 Unene ndivele musabibu kwa salwesi, nu baba vangu avele mkulima va musabibu. 2 khila litafya mukati mwangu ambalyo silibaba ilitunda, nukhusafisa khila litafya ambalyo libaba ilitunda akhalihecha nekhe khutya liwese ukhubaba necho. 3 Unyenye tayali muvele safi khwa sababu ya mola ambayo ndimalile ukhuva chovela. 4 Mtame mukati mwangu, nu nene mukati mukati mwenyo. Ngita matafya kesikiwesa ukhubaba keene pesikaveli mu musabibu, denideni naanye pesimutamili mukati mwangu. 5 Unene ndivele musabibu; unyenye muvele matafya. Yeisikala mukati mwangu nu nene mukati mwamwene, munu uyu yaibaba amatunda molofi, khwakhuva pesindiveli unene simwiwesa ukhufanya ilijambo lyolyoha. 6 Yingava munu yeyoha siachaisikala mukati mwangu yaitakwa kama matafya nu khuyuma; vanu vikhusanya amatafya nukhutaka mu mwoto,nukhutekeketela. 7 Yingava yamwisikala mukati mwangu, na kama amacho kangu kisikala mukati mwenyo, munyilikhake lyolyoha lyemwilonda, nunyenye yamwifanyiwa 8 Mu ili ubaba vangu avalachichwe, khutya mwibaaba amatunda molofi nu khutya muvele vanasule vangu. 9 Kama ubaba vangu sheandikhelye unene, na yune ndivakhhelye unyenye; musikalake mu lukhelo lwangu. 10 Yingava yamwikhamula iamuli changu, yamwisikala mu lukhelo lwangu ngita shendikhamwe iamuli cha Baba vangu nu khusikala mu lukhelo lwa mwene. 11 Ndichovile amambo aka khwenyo nekhe ifulaha yangu yive mukati mwenyo na nekhe ifulaha yenyo yifanyikhe khuva timilifu. 12 Iyi ndyo amuli yangu, khutya mkhelanake yunye khwa yunye kama shendivakhelye unyenye. 13 Sikhweyuli umunu yeavele nu lukhelo lukuu khulikho ulu, khutya akaheche amaisha ka mwene khwaajili ya lafiki va mwene. 14 Unyenye muvele valafiki vangu yingava yamwifanya kala kendikhavalakicha. 15 Sindikhavakhemela vaseng'wa khwa khuva umuseng'wa siielewa khila sheifanya umutwa va mwene. Ndivakhemelye unyenye valafiki, khwasababu ndivajulisiche amambo koha ambako ndipulikhe khuhuma khwa Baba. 16 Simwanichakwe unene bali unene ndavachakwe unyenye nu khuvavikha muhelelake mubabe amatunda, ni litunda lyenyo lipate ukhutama. Ili livele edeti nekhe sheshoha shemwinyikha khwa Baba khwa litawa lyangu, yaakhavapela. 17 Mambo aka ndikhavalakicha, khutya mkhelanake khila munu nu muyine. 18 Kama inyi yayikhavadadila, mumanyake khutya yandidadye unene kabula siyinakayivadadila unyenye. 19 Kama ngalimuvechake va inyi, inyi ngaliyivakhelye ngita va yene; Lakhini khwa sababu unyenye simuveli va inyi na khwa sababu ndavachakwe khuhuma mu inyi, yivele khwaajili iyi iinyi yikhavadadila. 20 Mukhumbukhake ilicho ambalyo ndavachovye, ' Mseng'wa siyo mkuu khulikho mutwa va mwene.' Yingava vandipumwise unene, yavakhavapumusa ni nyenye, Kama vakhamwele ilicho lyangu, ngalivalikhamule lya khwenyo 21 Yavakhavatenda amambo aka koha khwaajili ya litawa lyangu khwa sababu sivamumanyili yula yeanditumile. 22 Kama ngali ndilekhe ukhwicha nukhuvachovela, chovela ngali sivatendili isambi; lakhini lino lino sivana luhusa khwa sambi chavo. 23 Yeakhandidadila unene aakhamdadila nu Baba. 24 Yingava sinandifanya ikhasi mumiongoni mwavene ambavo sikhweyuli monga yeaafanyile ngalivavele sivanya sambi; lakhini lino vafanyile koha kavili valolile na vandidadye unene nu Baba vangu. 25 Ili lihumila nekhe ilicho litimile ambalyo liyandikhilwe mu sheliya yavo: 'Vakhandidadila unene bila ya sababu.' 26 Musikha umufaliji ayichile, ambaye yandihamuseng'a khwenyo khuhuma khwa Baba, uyu ndyo, Umubepo va salwesi ambaye ihumila khwa Baba, yaakhandishudila. 27 Unyenye mukhandishudila khwasababu muvele pamonga naane tangiya mwanjo.