Yohani 14

1 Utane ukhuluhusu inumbula yakho yive mumahangayikho. Ukhamufuwa uNguluvi undifuwake nu nene. 2 Mu nyumba ya baba vangu khuna wikhalo lwolofi ka khutama; kama ngayitane khuva ewe, ngalindivachovye khwa khuva ndihelela khukhuyandalila isehemu khwa ajili yakho. 3 Kama ndingahelela nukhuvayandalila isehemu, yaandiyicha khangi khuvakalibisa khwangu, nekhe isehemu pendivele naanye muvepwe. 4 Muyimanyile injila mahala khwendihelela." 5 Tomaso akhamuchovela uYeesu, "Mutwa, sitwielewa isehemu yewihelela; Je! Twiwesa vuli ukhuyimanya injila? 6 Yeesu akhamuchovela, "Unene ndyo njila, salwesi, nu vuumi; sikhweyuli yeiwesa ukhwicha khwa Baba isipokhuva khwa khulutila khwangu. 7 Kama ngalimundimanye unene, ngalimumumanyile nu Baba vangu; khuvangila lino nu khuyendelela munimanyile na mukhamuvona umwene." 8 Filipo aamuchovye uYeesu, "Mutwa, tuvonese uBaba, na ewe achayiva yitutosiche." 9 Yeesu akhamuchovela, "sindiveli pamonga naanye khwa musikha mutali, na bado siundimanyili unene, Filipo? Yeyoha yeandiwene unene amuwene uBaba; inamuna yilikhu wichova, 'Tuvonese uBaba'? 10 Simwifuwa khuva unene ndilimukati mwa Baba, nu Baba ali mukati mwangu? Amacho kendichova khwenyo sindichova khwa ililengo lyangu nene; badala yakhe, yu Baba yeiishi mukati mwangu yeitenda ikhasi ya mwene. 11 Ndifuwake unene khutya ndivele mukati mwa Baba nu Baba avele mukati mwangu; Denideni ndifuwake unene khwasababu ya khasi haswa. 12 Fuwake, fuwake, ndikhavachovela, umwene yeakhandifuwa, yaakhachifanya hata ikhasi ngomi khwasababu ndihelela khwa Baba. 13 sheshoha mngandinyilikha mu litawa lyangu, yandifanya nekhe uBaba awese ukhuvalachwa khwa mwana. 14 Kama mungandinyikha khwa litawa lyangu, ilyo yandikhalifanya. 15 Kama mungandikhela, ya mukhachokhamula iamuli changu. 16 Ya ndikhamunyilikha uBaba, Numwene achaakhavapela umusaidisi uyungi nekhe kwamba awese khuva pamonga naanye milele, 17 Umubepo va salwesi. iinyi siyiwesa ukhumwanukhila umwene khwasababu sivukhamuvona, au ukhumumanya umwene. hata ewe unyenye, kwani itama pamonga naanye na yaaiva mukati mwenyo. 18 Siachandikhavalekha nyevene; Ya ndikomokha khwenyo. 19 khwa musikha khitambo, inyi siachayikhandivona khangi, lakhini unyenye mukhandivona. khwasababu ndiishi, naanye yamwiishi. 20 Mu sikhu icho yamwimanya khutya unene ndivele mukati mwa Baba, nu khutya unyenye muvele mukati mwangu, nu khutya unene ndivele mukati yenyo. 21 Yeyoha yeakhachikhamula iamuli changu nukhutenda, ndyo monga ambaye andikhelye unene; na ambaye andikhelye unene yaaikhelwa nu Baba vangu, na Yandikhamukhela na yandikhivonesa unene ndemwene khwakhe. 22 Yuuda (siyo uisikaliyote) akhamuchovela uYeesu, "Mutwa, Je! khinu khini shekhihumila khutya yawikhivonesa vemwene khwetu na siyo khwa inyi? 23 Yeesu akhahika akhamuchovela, "Kama yeyoha yeandikhelye, yaakhalikhamula ilicho lyangu.uBaba vangu yaakhamukhela, na yatwiyicha khwa mwene nu khufanya amakao ketu pamonga nu mwene. 24 Yeyoha ambaye siandikhelyi unene, Licho ambalyo mwipulikha siyo lyangu bali lya Baba ambaye andiseng'ile. 25 Ndikachovile amambo aka khwenyo, musikha bado ndiishi mumiongoni mwenyo. 26 Hata ewe, mfaliji, Umubepo Umwimikhe, ambaye uBaba ya akhamuseng'a khwa litawa lyangu, achaakhamuvulicha amambo koha na yaakhavafanya mukhumbukhe koha ambako ndaakachovile khwenyo. 27 Amani ndikhavapela amani yangu unene. Sindikhavapela iyi ngita iinyi sheyihumya. Mutane ukhufanya inumbula yenyo khuva na mahangayikho, ni hofu. 28 Mwapulikhe fila fyendavachovye, 'Ndihelela, na yandikomokha khwenyo.' kama ngalimundikhele unene, ngalimuvele ni fulaha khwa sababu ndihelela khwa Baba, khwa khuva uBaba avele mkuu khulikho unene. 29 Lino Ndimalile khuvachovela kabula sinayihumila nekhe kwamba, musikha yayihumila, muwese ukhufuwa. 30 Siachandilongela naanye amacho molofi, khwa khuva umkuu va inyi iyi iyicha. Umwene siana ludali juu yangu, lakhini nekhe kwamba iinyi yipate ukhumanya khutya ndikhamukhela uBaba ndifanya khila ambasho uBaba akhandilakicha unene, kama fila fyeandipelye iamuli .mwiimake, na tuhumile amahala apa.