1 Lino kabula ya sikukuu ya Pasaka, khwa sababu uYeesu aamanyile ukhuva isaa ya mwene yifikhe ambayo yaihuma mu inyi iyi khubita khwa baba, angava avakhelye avanu va mwene ambavo vaavele mu inyi, aavakhelye uvupeo. 2 Nu ibilisi aavele aavikhilwe tayali mu numbula ya Yuda Iskaliote, mwana va Simoni, khumusaliti uYeesu. 3 uYeesu aamanyile khuva ubaba aavikhile ifinu fyoha mu mavokho kamwene nu khutya ahumile khwa Nguluvi na aavele ibita khangi khwa Nguluvi. 4 Aalamwikhe khushakhulya nu khutandikha pasi ifwalo ya mwene ya khwivala. Kisha aatolile itaulo na iifungwele yu mwene. 5 Kisha akhasopa amakasi mu bakhuli na akhavanga khuvakhalafya amakulu vanasule va mwene nu khuvafwata ni taulo ambayo iifungwele umwene mwene. 6 Akhicha khwa simoni Petulo,nu Petulo akhamuchovela, "Mutwa, Wilonda khunikhalafya amakulu kangu?" 7 uYeesu akhahika nu khumuchovela, "Lyendifanya siulimanyili lino, lakhini yawielewa pambele." 8 Petulo akhamuchovela, Siyawikhalafya amakulu kangu khangi." Yeesu akhahika, "Yingava siachandikhalafya,. siyawiva ni sehemu pamonga naane." 9 Simoni Petulo akhamuchovela, "Mutwa, utane ukhundikhalafya amakulu kangu tu, bali khangi na mavokho nu mutwe kwangu." 10 Yeesu akhamuchovela, "Yeyoha ambaye amalile khuyoka siilonda ukhuyoka isipokhuva amakulu ka mwene na avele safi muvili kwa mwene khwoha; unyenye muvikhilwe safi, lakhini si nyevoha." 11 Khwa khuva uYeesu aamanyile yeacha akhamusaliti; iyi ndyo sababu aatike, siyo nyevoha muvele safi." 12 Musikha uYeesu peeavele avakhalifye amakulu kavo na peamalile ukhutola ilifwalo lya mwene nukhutama khangi, aavachovye, "Je Mwielewa khila ambasho ndivafanye? 13 Mukhandikhemela unene "mwalimu" nu Mutwa iyi mwichova isalwesi, mana ndyo shendivele. 14 Yingava unene Mutwa nu mwalimu, ndivakhalifye amakulu kenyo, unyenye pia yikhavabidi khuvakhalafya avayenyo amakulu. 15 Khwa khuva ndivapelye umufano nekhe kwamba unyenye mukhite ngita unene shendifanyile khwenyo. 16 Fuwake, fuwake,ndikhavachovela msengeng'wa siaveli mkhomi khulikho yula yeamseng'ile. 17 Yingava umanyile amambo aka, ukinilichwe ungakatenda. 18 sindichova ukhuhusu unyenye nyevoha, khwa khuva ndivamanyile vala yendivachakwe.lakhini ndichova aka nekhe amandikho kawese ukhutimiswa: 'Umwene yeilya umukhate kwangu andiwinulye ikhisoko sha mwene.' 19 Ndikhavachovela eili lino Kabula sinalihumila nekhe kwamba yaalihumila, muwese ukhufuwa ukhuva unene NDYO YUNE. 20 Fuwake, fuwake, ndikhavachovela, yeakhandiyanukhila unene aakhamuyanukhila yendiva ndikhamtuma nu yula yeakhandiyanukhila unene aakhamuyanukhila yula yeamseng'ile uniseng'e unene." 21 Musikha uYeesu peachovile aka, aasumbwikhe mu numbula, aashudye nu khutikila, Fuwake, fuwake, ndikhavachovela khutya monga venyo yaakhanisaliti." 22 Vanasule va mwene vakhalolana, nukhushangaa aachovile khwa ajili ya yani. 23 Khwavele mu mesa, monga va vanasule va mwene ayekime mu khifuva sha Yeesu yula yeamukhelye. 24 Simoni Petulo aamuvuchiche umwanasule uyu nukhutikila, Tuchovele yeyulikhu ambaye khwa mwene ichova." 25 Mwanasule yula yeayekime pa khifuva sha Yeesu nukhumuchovela, " Mutwa, yeani?" 26 Kisha uYeesu akhahika, Yivele khwa mwene yeacha ndihokofya ikhipande sha mukhate nukhumpela Yuda mwana va Simoni Isikaliyote. 27 Na baada ya mukhate, usetano aamuyingye. kisha uYeesu akhamuchovela, "Khila shewilonda ukhukhifanya ukhifanye sha ng'ani." 28 Lino sikhweyuli umunu mu mesa aamanyile isababu ya Yeesu ukhuchova ilijambo ili khwa mwene. 29 Baasi yavo vahochiche ukhutya, khwasababu uYuda aakhamwe umifukho kwa sendi, Yeesu aavachovye, " Ukule ifinu fyetwilonda khwaajili ya sikukuu," au khutya itakhiwa ukhuhumya khinu khwa masikhini. 30 Baada ya Yuda ukhwanukhila umukhate, aahumile khwivala shang'ani na yaavele khilu. 31 Musikha uYuuda peavele ahekile, Yeesu akhatikila, " Lino umwana va Adamu avalachichwe, nu Nguluvi avalachichwe mwa mwene. 32 Nguluvi yaakhamuvalacha mwa mwene na ya akhamuvalacha shang'ani. 33 Vana avadusu, ndivele pamonga nu nyenye khitambo khidebe.Yamukhandilonda, na kama shendavachovye Avayahudi, 'Khwendibita, simwiwesa ukhwicha.' lino ndikhavachovela na yunye. 34 Ndikhavapela iamuli njipya, khutya mukhelanake;ngita unene shendivakhelye unyenye, Denideni nu nyenye yikhavabidi ukhukhelena yunye khwa yunye. 35 khwaajili ya ili vanu yavielewa khuva unyenye muvele vanasule vangu, yingava munya lukhelo khwa khila monga khwa yungi." 36 uSimoni Petulo aamuchovye "Mutwa, wihelela khwina?" Yeesu akhahika, Mahala pendihelela khwa lino siachawiwesa ukhundifwata, lakhini yaukhandifwata pembele." 37 Petulo akhamuchovela, "Mutwa, shekhini nitane ukhukhufwata lino? Unene ndikhakahecha amaisha kangu khwaajili yakho." 38 Yeesu akhahika, Je yaaukhakahecha amaisha kakho khwaajili yangu? Fuwake, fuwake, ndikhakhuchovela, injokolo siachayivikha kabula sinaundibela mala khadatu."