1 Sikhu ya sita Kabula ya Pasaka, uYeesu aahele khu Betania, khweeavele uLasalo, umwene ambaye aamchusiche khuhuma mu vafwe. 2 Basi vakhamuyandalia ishakhulya sha mihe ukhwe, nu Masa akhamtumikhila, musikha ukhwe uLasalo aavele monga va vala yeevatamile pashakhulya pamonga nu Yeesu. 3 Kisha uMaliamu akhatolake [ilatili ya manukato] kekatengeniswe khwa [nardo] nofi, yinya samaani mgomi, akhambakha uYeesu mumakulu, nu khumupukuwa amakulu khwa njwili change; nyuumba yoha yaamemile ihalufu ya [manukato ] 4 uYuda Isikaliote, monga na vanasule va mwene, ambaye ndyo yeachaakhamusaliti uYeesu, akhatikila, 5 Shekhini amanukato aka ngalisikikuchwa khwa dinali mia moja chidatu na vakhapewa masikhini?" 6 Nave akachovile ako, siyo khwa khuvavonela lusungu avamasikhini, bali khwasababu aavele muhichi: umwene ndyo yeeakhamwe umufuko kwa silinge na aavele itola baasi ya fyeefyavikhilwe umwe khwaajili ya mwene umwene. 7 Yeesu aatike, "Mulekhe avikhe sheavele nasho khwaajili ya sikhu masiko kangu. 8 Masikhini yaamwiva navo isikhu choha; lakhini yaamwiva naane sikhu choha." 9 Basi uvumati mukhomi va Vayahudi vaapatile ukhumanya ukhuva uYeesu aavele ukhwe, navo vakhicha, siyo khwaajili ya Yeesu mwene, ila vamuvone nu Lasalo ambaye uYeesu aamchusiche ukhuhuma mu Vafwe. 10 Navo vakuu va makuhani vakhafanya ilishauli nekhe vamuvulake uLasalo; 11 mana khwaajili ya mwene volofi mu Vayahudi vahele nukhumufuwa uYeesu. 12 Na sikhu ya khavili ya mwene uvumati mukhomi vaayichile mu sikukuu. Pevapulikhe ukhuva uYeesu iyicha khu Yelusalemu, 13 Vatolile amatafya ka mabihi ka mitende nu khuhuma khwivala khuhelela khumwanukhila nukhutova ikelele, " Hosana! Akinilichwe umwene yeiyicha khwa litawa lya Mutwa, Mutwa va Isilaeli." 14 Yeesu aapatile ishana sha punda akhamuhova; ngita sheyayandikhilwe, 15 "Utane ukhuyokopa, vemuhinja va Sayuni; ulole, Mutwa vakho iyicha, ahovile ishana sha punda." 16 Vanasule va mwene sivakayeliwi amambo aka apo khwanja; lakhini uYeesu peavalachichwe, ndipo pevakhumbwikhe ukhuva amambo aka ayandikhiliwe umwene ukhutya vatendile amambo aka khwa mwene. 17 Basi ililundwa lya vanu lila yevavelepwe pamonga nu Yeesu musikha peeamukhemelye uLasalo khuhuma mu kabuli, vakhashuhudila kwa vangi. 18 Na yaavele khwasababu iyi pia kwamba ililundwa lya vanu vaahele khumwanukhila khwasababu vaapulikhe ukhutya afanyile iishala iyo. 19 Vafalisayo vakhachovana vene khwa vene, "Ulole, lino simwiwesa ukhufanya lyolyoha; ulole, iinyi uhele khwa mwene." 20 Lino baasi ya Vayunani vaavele mumiongoni mwa vala yevavele vihelela khumwimikha mu sikukuu. 21 Ava vamuhelelye uFilipo, yeahumile khu Betisaida ya khu Galilaya, vakhamunyilikha vakhatikila, "Mutwa, uwewe twilonda ukhumuvona uYeesu." 22 Filipo akhahelela akhamuchovela uAndulea; uAndulea nu Filipo vakhahelela nukhumuchovela uYeesu. 23 Yeesu akhavajibula akhatikila, Lino yifikhe khwaajili ya mwana va Adamu khuvalachwa. 24 Fuwake, fuwake, ndikhavachovela,ichembe ya ngana nde yitane ukhudima mu inyi yikhafwa, yitama hali yiiyo iyo yeene; bali yingafwa, ya yibaaba amatunda molofi. 25 Umwene yeilonda uvuumi wa mwene yaakhavuyacha; bali umwene yeakhavudadila uvuumi wa mwene mu inyi iyi yaakhavulimisa hata uvuumi wa milele. 26 Munu yeyoha anganitumikhila unene, anifwate; naane pendivele nu mfanyakhasi vangu peyaivepo. Munu yeyoha anganitumikhila, uBaba ya akhamuheshimu. 27 Lino inumbula yangu yihusunikhe: naane ndichove vuli? 'Baba,ung'ombole khwa lisaa eili? Lakhini khwa khusudi ili ndifikhe isaa iyi 28 Baba, ilitawa lyakho." kisha isauti yikhicha ukhuhuma Khushanya nukhutikila,"ndilivalachiche naane yandilivalacha khangi." 29 Basi amukhutano kwekwayimile kalibu nu mwene vakhapulikha, vakhatikila ukhutya khuvele ni ngulumo.Avangi vaatike, Umalayikha achovile nu mwene." 30 Yesu akhajibula nukhutikila, "Savuti iyi siyayichili khwaajili yangu, bali khwaajili yenyo. 31 Lino ihukhumu ya inyi iyi khweyili: Lino mkuu va inyi iyi alatochwa khwivala. 32 Naane ndingayinuliwa pashanya pa inyi,yandikhavakweka voha khwangu." 33 Akachovile ako ukhuvonesa nde mauti makhi keyaifwa. 34 Umukhutano vakile, "uwewe tupulikhe mu Shelia ya khutya ukhilisiti ya idumu milele.Naave witikila vuli, Mwana va Adamu lasima ayinuliwe khushanya? Uyu mwana va munu nde yuyani?" 35 Basi uYeesu akhavachovela," umwanga kupivelepwe pamonga naanye musikha mdebe. Muhelelake madamu mulinakwe umwanga, nekhe ing'isi yitane ukhuvawesa. Umwene yeihelela mu ng'isi asimanyili khwe ihelela. 36 Bado mulinakwe umwanga, mukufuwake umwanga ukwe nekhe mpate ukhuva vana va mwanga." Yeesu akachovile aka nukhubita khufihama vatane ukhumuvona. 37 Ingawa uYeesu aafanyile iishala njolofi namuna iyo mbele yavo,bado sivamfuviilwi 38 nekhe litimile ilicho lya mvilisi uIsaya, lyeatike: " uMutwa, yeani yeasadikhe imola chetu? Ni livokho lya Mutwa afuliwe yanani?" 39 Ndyo sababu avene sivafuvilwi, maana uIsaya atike khangi, 40 "Avabofwiche amiho, na afanyile inumbula chavo khuva ngumu; vasije vakhalola khwa miho kavene na vakhamanya khwa numbula chavo, na vakhakhombolewa naane ndikhavaponya." 41 Isaya aachovile amacho aka khwa khuva aavuwene uvuvalache wa Yeesu nukhuchova imola cha mwene. 42 Lakhini, hata avakuu volofi vaamufuvilwe uYeesu; lakhini khwasababu ya Vafalisayo, sivayidishe nekhe vatane ukhutengwa ni sinagogi. 43 Vakhelye isifa cha vanadamu khulikho isifa chechihuma khwa Nguluvi. 44 uYeesu akhayinula isavuti nukhutikila, "Umwene yeakhandifuwa unene, siakhanifuwa unene tu bali nu mwene yeanditumile unene, 45 nave yeakhandivona unene, akhamuvona umwene yeeanditumile. 46 Unene ndiyichile ngita mwanga mu inyi nekhe khila munu yeakhandifuwa unene atane ukhutama mu ng'isi. 47 Yingava munu yeyoha yaakhakapulikha amacho kangu lakhini atane ukhukakhamula, unene sindikhamuhukhumu; sindayichile nekhe ndiyichile iinyi, bali ndiyikhombole iinyi. 48 Umwene yeakhandibela unene na yesiikubali amacho kangu, yeakhamuhukhumu: ilicho ilyo lyendachovile ndyo lyeachalikhamuhukhumu isikhu ya mwiisho. 49 Mana unene sindachovili khwa nafsi yangu tu. Bali khwa Baba yeanisindikhe, mwene umwene andilakiche keachandichova na keachandichova. 50 Naane ndimanyile ukhuva lilakicho lyamwene nu vuumi wa milele; basi ako kendichova unene-kama Baba sheandichovye, ndyo shendichova khwavo."