1 Yeesu akachovile amambo aka; kisha akhayinula amiho ka mwene khuyelekela khushanya na akhatikila, Baba, isaa yifikhe; muvaalache umwana vakho nekhe nu mwana nave akhuvalache uveve. 2 kama shewamupelye amamulaka juu ya fyoha ifinya muvili nekhe avapele uvuumi wa milele wa vala voha wewamupelye. 3 Uvu ndyo vuumi wa milele: kwamba vakhumanye uveve, Nguluvi va salwesi na va pekee, nu mwene yewamuseng'ile, Yeesu Khilisiti. 4 Ndakhuvalachiche pa inyi, nukhuimalisa ikhasi yewandipelye ndiyifanye. 5 lino, uBaba, undivalache unene pamonga nu veve khwa vuvalache vula wendavele nawe pamonga nu veve kabula ya inyi khuvuumbwa. 6 Ndalifunwe itawa lyakho khwa vanu yewandipelye pa inyi. Vaavele vanu vakho; lakhini wandikabisiche unene. navo valikhamwe ilicho lyakho. 7 Lino vielewa khuva khila khinu shewandipelye unene khihuma khwakho, 8 khwa maacho kala kewandipelye unene Ndimalile khuvapela avene amacho ako. Vaakayanushe na kweli vakhamanya khuva unene ndihumile khwakho, na vakhafuwa khuva uveve ndyo yewandiseng'ile. 9 Ndikhavanyilikhila avene. sindikhayinyilikhila iinyi bali vala veundipelye khwa khuva avene vavele vakho. 10 Finu fyangu fyoha fivele fyakho, ni fila fyeuvele nafyo uveve fyangu; naane ndivalachwa mu ifyo. 11 Unene sindiveli khangi mu inyi,bali avene vaavele mu inyi, naane lino ndiyicha khwakho Baba muvalache vatunje khwa litawa lyakho lila lyeewandipelye unene nekhe avene navo vave lumonga, kama unene nu veve shetuvele nu lumonga. 12 Pendavele navo, ndavalindile khwa litawa lyeewandipelye; Ndavalindile, na sikhweyuli hata yumonga yeayakile isipokhuva mwana muyakano, nekhe khutya amandikhe katimile. 13 lino ndiyicha khwakho; lakhini ndichova aka iinyi nekhe kwamba ifulaha yangu yikamiliswe mukati mwavene. 14 Ndivapelye ilicho lyakho; iinyi yivadadye khwasababu avene si vainyi, kama unene shesindiveli va inyi . 15 Sindivanyilikhi khutya uvaheche mu inyi bali uvalinde nu yula umuvivi. 16 Avene si va inyi kama unene shesindiveli va inyi. 17 Uvavikhe tayali khwakho uveve mu salwesi; ilicho lyakho ndyo salwesi. 18 Wandiseng'ile mu inyi, naane ndivaseng'ile mu inyi. 19 Khwaajili yavene unene ndemwene ndikhihecha khwakho nekhe na vene viheche khwakho khwa salwesi yila. 20 Siyo ava tu yendikhavanyilikhila, bali na vala yeachavifuwa ukhulutila ilicho lyavo. 21 nekhe kwamba avene navo vave nu lumonga, kama uveve Baba, sheuvele mukati mwangu naane mukati yakho. Ndikhavanyilikhila nekhe avene vawese khuva mukati yetu nekhe iinyi yiwese khufuwa khuva uveve ndyo yewaandiseng'ile. 22 alache vula wewandipelye unene- 23 Unene mukati mwavo, naave mukati mwangu, nekhe vawese ukhukamiliswa mu lumonga; nekhe iinyi umanye khuva hakika uveve ndyo yewanditumile, nu khuvakhela kama uveve shewandikhelye, unene. 24 Baba, khila shewandipelye unene Ndilonda khutya avene vawese khuva pamonga naane mahala pendivele nekhe vawese ukhuvona uvuvalache wangu, vula weundipelye: khwa khuva uveve wandikhelye unene kabula ya khuvumbwa khwa misingi kya inyi. 25 Baba munya haki, inyi siyakhumanyili uveve, lakhini unene ndimumanyile uveve;na vamanyile khutya waandisengile. 26 Ndaalifanyile ilitawa lyakho lijukhane khwavo,na yandikhalifanya lijulikhane nekhe khutya ilikhelo lila ambalyo khwailyo wandikhelye unene liwese khuva mukati mwavo, nu nene ndiwese khuva mukati mwavo."