Kolosai 3

1 Yingava khangi Nguluvi avachusiche pamonga nu khilisiti, mukatemulake amambo ka khushanya ambako ukhilisiti itama livokho lya khulyando lya Nguluvi. 2 Muwasake khuhusu mambo ka inyi. 3 Khwa khuva mufwele, na mumaisha kenyo kafiyilwe pamonga nu khilisiti mwa Nguluvi. 4 Musikha ukhilisiti peyaivonekhana, ambaye ndyo maisha kenyo, ndipo nayunye yamwivonekhana nu mwene mu vuvalache. 5 Khwahiyo mufwichake amambo kekavele ka inyi yaani, sinaa, vuchafu, ihamu imbivi,nia mbaya ni tamaa, ambayo ndyo ibada ya sanamu. 6 Na khwaajili ya mambo aka likooka lya Nguluvi liyicha pashanya pa vala vesivitii. 7 Na khwaajili ya mambo aka unyenye mwakendile mu ako pemwaishiche kati yavo. 8 Lakhini lino yivele lasima mkaheche amambo aka koha. Yaani, likooka,nia mbaya, maliko, na maacho machafu kekihumana mu finywa chenyo.twiteswa 9 Mutane ukhuchangana yunye khwa yunye khwa khuva muvuhudulake uvutu wenyo wa khatali na matendo kakhe. 10 Mufwalile uvutu mupya, ambao wifanywa vupya mu maalifa khuhumana nu mufano kwa yula yeamuvumbile. 11 Mu maalifa aka, sikhweyuli uMuyunani nu Muyahudi, khukidwa nu khutana khukidwa, musomi na yesiasomili, mseng'wa, na yesiaveli mseng'wa, lakhini badala yakhe ukhilisiti ndyo mambo koha mu koha. 12 Kama vachakulwa va Nguluvi, vavalache na yevikhelwa, mwifwikhake uutu uvunofi, uvukalimu, uvunyenyekefu, uvupole nu vufumilifu. 13 Mutekulanilake yunye khwa yunye. Mwivonelake lusungu khila munu nu muyine. Kama munu avele nililalamikho sidi ya yungi, amusamehe khwa namna yiyila ambayo uMutwa sheavasamehile unyenye. 14 zaidi ya mambo aka koha, muvechake nu lukhelo, ambalo ndyo khigeso sha vakamilifu. 15 Amani ya Khilisiti yivayongese inumbula chenyo. Yavele khwaajili ya amani iyi khutya mwakhemelilwe mu muvili kumonga. muvechake ni sengucho. 16 Ni licho lya Khilisiti litame mukati mwenyo khwa vutajili. khwa hekima yoha, muvulichanake nu khushavuliyana yunye khwa yunye khwa sabuli, nyimbo, ni nyimbo cha numbula. Muyimbake khwa khusengucha mu numbula chenyo khwa Nguluvi. 17 Na sheshoha shemwifanya, mu maacho au mu matendo, mufanyake koha mu litawa lya Yeesu.Mupelake isengucho uNguluvi baba khulutila uMwene. 18 Vamwayuva, muvanyenyekelake avakosi venyo, kama sheyipendesa mwa Mutwa. 19 Naanye vakosi, vakhelake avadala venyo, na mutane khuva vakhali sidi yavo. 20 Vana muvayidikhilake avavasi venyo mu mambo koha, mana ndyo sheyikhampendesa uMutwa. 21 Va baba mutane ukhuvachokosa avana venyo, nekhe kwamba vatane ukhufunjikha inumbula. 22 Vaseng'wa,muvatiiyake avatwa venyo mu muvili kwa mambo koha, siyo khwa huduma miho kama vanu va khukhelecha tu, bali khwa numbula ya salwesi. Mumuyokopake uNguluvi. 23 Shoshoha shemwifanya mufanyake khuhuma mu nafusi mwenu kama khwa Mutwa na siyo khwa vanadamu. 24 Mumanyile khutya yamwiyanukhila isawadi ya vumiliki khuhuma khwa Mutwa. Nu khilisiti Mutwa yemukhamtumikhila. 25 khwasababu yeyoha yeitenda kesikaveli ka haki achaiyanukhila ihukhumu khwa matendo kesikaveli ka haki keakafanyile,na sikhwevuli uvupendelelo.