Kolosai 4

1 Vatwa, muhechake khwa vaseng'wa mambo kekavele ka haki na adili. Mwimanya khutya mulinave uMutwa Khushanya. 2 Muyendelelake khuva sabiti mu manyilikho. Mtamake miho mu ilyo khwa sengucho. 3 Munyilikhake pamonga khwaajili yetu, nekhe khutya uNguluvi afungule umulyango khwaajili ya licho, khuchova isili ya salwesi Khilisiti khwasababu ya ili ndifungilwe iminyololo. 4 Na mnyilikhake ndiwese ukhulivikha wasi, kama sheyikhandibidi ukhuchova. 5 Helelake khwa hekima khwa vala yevavele khwivala, na mukukhombolake umusikha. 6 Amacho kenyo kave nu lukano musikha khwoha, na kakholele umunyo misikha kyoha, nekhe muwese ukhumanya jinsi sheyikhavabidi ukhumuhika khila munu. 7 Khwa mambo kekakhanihusu unene, uTikiko yaifanya kajilikhane khwenyo Umwene avele mkhelwa, mfanyakhasi mwaminifu, na mseng'wa muyetu mwa Mutwa. 8 Ndikhamutuma khwenyo khwaajili ya ili, khutya muwese khumanya amambo khuhusu uwewe nu khutya awese khuvatiya inumbala. 9 Ndikhuseng'a pamonga nu Onesimo, mlongo vetu mkhelwa mwaminifu, na yumonga venyo. Yavavachovela khila khinu sheshahumye apa. 10 Alistaliko, mufungwa muyangu,akhavahungila, nu maluko muhichive nu Balnaba yemwawanushe uvutalatibu khuhuma khwa mwene, " kama angicha khwenyo, mumuyanukhilake," 11 Na khangi uYeesu yeikhemelwa Yusto. ava veene va kido vavele vatenda khasi vayangu khwaajili ya vutwa wa Nguluvi. vavele falaja khwangu. 12 Epafla akhavahungila. Umwene avele monga venyonu museng'wa va Khilisiti Yeesu umene aifanyabidili mu manyilikho khwaajili, nekhe khutya muwese ukhuyima khwa vukamilifu nukhuhakikiswa khikamilifu mu makhelwa koha ka Nguluvi. 13 khwa khuva ndikhamushudila, khutya ifanya ikhasi khwa bidili khwaajili yenyo khwa avo yevavele khu Laodekia, na khwa yevavele khu Hielapoli. 14 Luka yula mkanga mkhelwa, nu Dema vakhavahungila. 15 Vahungilake avalongo vangu yevavele khu Laodekia nu khu Nimfa,ni likhanisa lila lyelivele khu nyumba ya mwene. 16 Balula iyi peyayiva yisomilwe mumiongoni mwenyo, yisomwe pia khu khanisa lya valaodekia, nanye muhakikisake mukhayisoma ibalula yila khuhuma khu Laodekia. 17 chove khwa Alkipo, "lulake ihuduma yila ambayao uyiyanushe mwa Mutwa, khutya witakhiwa khulitimisa." 18 Salamu iyi yivele khwa livokho lyangu yune uPaulo. mukikhumbukhake iminyololo khyangu. Ulukano na luvake naave