1 Khwa khuva ndilonda mumanye jinsi ambafyo ndivele ni taabu njolofi khwaajili yenyo, khwa voha yevavele Laodikia na khwa voha ambavo sivalolili isula yangu mu muvili. 2 Ndifanya ikhasi nekhe inumbula yavo yiwese khufalijiwa khwa khuletwa pamonga mu lukhelo nu mu vutajili woha wa wolofi wa vuhakika kamili khwa maalifa mu khuyimanya isili ya salwesi ya Nguluvi ambaye ye Khilisiti. 3 Mwa mwene ihasina choha cha hekima na maalifa kafiyilwe 4 Ndichova edeti khutya umunu yeyoha atane khuvafanyila ihila khwa hotuba iyina vushawishi. 5 Na yingava sindiveli pamonga naanye mu numbula. Ndikhela ukhuvonja uvutalatibu wenyo uvunofi nu ludali lwa lufuvo lwenyo mwa Khilisiti. 6 Ngita shemwamuwanushe ukhilisiti Mutwa, mukendake mwa mwene. 7 Muimaliswe mwa mwene, muchengwe mwa mwene muimaliswe mu lufuvo ngita tu shemwavulichichwe, nukhufungwa mu sengucho njolofi. 8 Mulolake khutya umunu yeyoha atane ukhuva kwilicha khwa musimamo na maneno keene ka khuchanga khulingana na mayanukhilo la vanadamu, khulingana ni kanuni cha inyi, na siyo ukhulingana nukhilisiti. 9 khwa khuva mwa mwene uvukamilifu woha wa Nguluvi wiishi mu muvili. 10 Naanye mumemichwe khwa mwene. Umwene avele mutwe kwa khila vuwesa ni mamulaka. 11 Khwa umwene mwakidilwe khwa lukido lwesilwifanywa na vanadamu mu khuhechwa umuvili kwa nyama, lakhini yivele mu kido ya Khilisiti. 12 Mwasililwe pamonga nu mwene mu vuchabikho. Na khwa njila ya lufuvo khwa mwene mwaachusichwe khwa vuwesa wa Nguluvi, yeamuchusiche khuhuma khwa vafwe. 13 Na pemwavele mufwele mu makhosa kenyo nukhutana ukhukidwa khwa mivili kyenyo, aafanyile khuva vuumi pamonga nu mwene nu khutusamehe amakhosa ketu koha. 14 Aafutile ikumbukumbu ya madeni yeyayandikhilwe khinyime nu weewe. Aayihechiche koha nu khukomelela pa msalaba. 15 Aahechiche uludali na mamulaka. Aakavikhile wasi nu khufanya khuva shelehe ya vushindi khwa njila ya msalaba kwa mwene. 16 Khwa hiyo, umunu yeyoha atane ukhuva hukhumu unyenye mu khulya au mu kunywa, au khuhusu sikhu ya sikukuu au mwechi mupya, au sikhu cha sabato. 17 Ifi fivele fimukiki vya mambo kekiyicha, lakhini ikhiini avele Khilisiti. 18 Munu yeyoha atane ukhunyakwa sawadi ya mwene khwa khulonda uvunyenyekhefu nu khwa khuyimikha umalayikha. Munu va jinsi iyo aiyingila mu mambo keakawene nukhushawishikha na mawaso la mwene ka muvil. 19 umwene siakhakushiliki umutwe. Yivele khuhuma mu mutwe khutya umuvili kwoha khulutila ifivungo fya mwene na macheke kakiungwa nukhukhamulanichwa khwa pamonga; nu khukhula khwa vukhulaji wewihumichwa nu Nguluvi. 20 Yingava mwafwele pamonga nu Khilisiti khwa tabu cha dunia, mbona mwiishi kama mwiwajibikha mu dunia: 21 "Mutane ukhukhamula, wala ukhuvonja, wala ukhukusa"? 22 Aka koha kaamuliwe khwaajili ya vuhalibifu wewiyicha na matumisi, khuhumana na mayelekeso na mavulicho ka vadamu. 23 Sheliya ichi china hekima ya dini chechatengeniswe khwa vubinafsi nu vunyenyekefu na mapumukho ka muvili. Lakhini ihasina samani sidi ya tamaa cha muvili.