1 Lakhni u Sauli ayendelye ukhuleta uvitisho fya khuvulaka vanyasule va Yeesu. Ahele kwa mtekhechi mkomi 2 akhanyilikhake ibalula ya khubita nayo khu Dameski nekhe khila munu va Njila iyi yeyanga akhamvona amukamule nu khumleta khu Yelusalemu. 3 Ali avele mu safari kalibu nu mji kwa khuDameski, gafla khwamhumye umwanga khuhuma khushanya, 4 akhadimake panyi, akhapulikhake isauti yikhamchovela, "Sauli, Sauli mbona ukhwanesa?" 5 U Sauli ahikile akhatikila, yuve yani uveve Mtwa? U Mtwa ahikile akhatikila, "Unene yune Yeesu yeukhwanesa; 6 Lakhini uyime wingile mumji yewichovelwa akakhufanya 7 Vala yevavele numwene u Sauli vapulikhe isauti yila lakhini sivamuwene munu. 8 U Sauli ayimile, afungwe amiho lakhini alangile ngoo. Vakhamkamulake ilivokho vakhamsindikhake mbakha khu Dameski. 9 Vikono vidatu avele ilola ndali, siilya wala siinywa. 10 Basi pavele mwanasule mwinga yeakemelwaka Anania, uMtwa achovile nave akhatikila "Anania." Nu mwene ahikile, "Ndivele apa Mtwa. 11 "UMtwa akhamchovelake, "Wime uhelele khu mtaa khwikemela Nyofu mu nyumba ya Yuda uvuchake umunu vakhu Tarso yelkemelwa Sauli; pakhuva bado ipisali, 12 amwene mumaono mumu mwinga yeikemelwa Anania iyingila mweavele nu khumlimbila amavokho ili alangake. 13 Lakhini uAnania ahikile akhatikila, "Mtwa, ndimpulikhe umunu uyo jinzi sheakhavatesa avanu vakho khu Yelusalemu; 14 Na apa avele ni balula yahumile nayo khwa mtekhechi umkomi ili khukamula voha yevikemela kwa litawa lyako. 15 Lakhini U Mtwa amhikile, "Uhelelake uyo avele shombo shangu cha khusindikha ilitawa lyangu khwa vapagani, na vatwa, na vana va Israeli. 16 Pakhuva yendakhamvonesa keyanga iteswa nako khwajili ya litawa lyangu." 17 Anania akhahelelake mbakha munyumba; yila akhamvikhilake amavokho akhatikila, "Mlongo Sauli, uMtwa uYeesu andiseng'ile nekhe uwese ukhulola tena nu khujaswa nu Mbepo Umwimikhe. 18 Gafla vikhadimake vinu ukhuhuma mumiho kamwene, akhavangake ukhulanga tena, akhayimake akhachabi khwake, akhalichake ishakhulya, akhapatake ingufu. 19 Akhatamake khu Dameski na vanyasule fikono fyolofu sana ukhwe. 20 Umsikha ukwe amtangasiche u Yeesu ukhutikila avele Mwana vaNguluvi, mumasinagogi. Voha yevapulikhe vashangaile sana, vakhatikilake, 21 "Siyuyu uyu yayanangike voha yevitumila ilitawa ili khu Yelusalemu, na apa akhayichile khwa lengo lya khuvakhamula voha yevitaja itawa ili ili avasindikhe khwa vatekhechi? 22 Lakhini U Sauli apevilwe uvuweso wa khuhubili mbakha avayahudi yevitamaka khu Dameski vachanganyikhilwe nu khusibitisa ukhutikila uyu njo Kristu. 23 Baada ya vikono fyolofu, avayahudi vafanyile injama ya khumvulaka. 24 Lakhini umpango kwavo kwajulikhine ni Sauli. Vamufisilye pamulyango pamunyini ni khilo vapate uhumuvulaka. 25 Lakhini avanyasule vamwene vamutekwele pakilo vamuyisiche uhulutila uvukuta, vamuyisiche panyi muhidoto. 26 Na yu Sauli peafihe hu Yelusalemu, ajalibwe ukhwiunga na vanasule lakhini vavele vakhamuyogopa, vatane uhusadikha uhuva umwene mwanasule. 27 Lakhini Barnaba amutwekwe nuhumusindikha khwa museng'wa, na avayelesiche jinzi u Sauli sheamuwene u Mutwa munjjila nu Mutwa sheachovile nave, na jinzi Sauli sheahubilye hwa vujasili khwa litawa lya Yeesu uhwe hu Dameski. 28 Avinine navo vavechike vayingye nuhuhuma hu Yelesalemu. Ahanena hwa vujasili hwa litawa lya Bwana Yeesu, 29 ahivuchaka na Vayahudi vahiyunani lakhini vjalibisaka mala khwa uhumubuda. 30 Umsikha avalongo vavechike vamanyile ilicho ilyo, vamutekwe mbaha hu kaisalia, na vamusindihe ahelele hu Tarso. 31 Basi ikhanisa yondi muvuyahudi, Galilaya na Samalia, lyavele ni Amani, na lyachengilwe, nuhegenda ni hofu ya Mutwa ni likinikkho lwa Umbepo Umwimikhe, khanisa ya kulile nuhuyongeseha iidadi. 32 Nekhe yihumile Petulo peavele isunguhasunguha pande chondi cha mukoa, avayishe avayishe avaumini veviishi muhivuta sha Lida. 33 Amuwene uhwe muunu yu monga ilitawa lya mwene Ainea, muunu uyo avele muhitanda miaha Nane, mana avele apolile. 34 Petulo amuchovye, "Ainea, Yeesu Khilisiti ahuponye; Lamukhe na witandikhile ihitanda shabo," Mala alamwikhe. 35 Na vaanu vondi vevatamile Lida nu Shaloni vavechike vamuwene umuunu uyo, vamugevushe u Mutwa. 36 Pavele nu mwanasule Yafa yeikhemelwa Tabitha, ambalyo lya tafusiliwe ngita "Dorcas" Umudala uyu amemile ikhasi nofi na matendo ka rehema keakafanyile hwa masikhini. 37 Yahumye mu sikhu icho alwalile na afwele; vavevamusafisiche, vamudamiche ishumba sha hushanya nuhumugoneha. 38 Hwa huva u Lida yavele jilani nu Yafa, na Vanyasule vapulikhe uhutya Petulo avele uhwe, vavatumile vanu vavili hwa mwene, vamusihi, "Uyiche uhwetu bila hudzelewa." 39 Petulo ahalamuha na ahekile pamonga navo. Aavechike afikhe, vamuletile mu shumba sha hushanya. Na vajane vondi vayimile jilani nave vavembaka, vamuvonesaka ilikote ni myenda ambakyo Orcas avahonie umikha peavele navo. 40 Petulo avahumiche vondi hwivala mwa shumba, ahafugama ahanyilikha, nekhe agevuhile humuvili, ahachova, "Tabitha, lamukhe." Ahafumbula amikho kamwene na peamuwene u Petulo atamile pasi. 41 Nekhe u Petulo amupelye ilivoho lya mwene amuyinwele, na avechike avakhemelye avaamini na vajane, avakabisiche uhwavo avele hayi. 42 Ilicho ili lyamanyihihe hu Yafa yondi, na vaanu volofu vaamuaminile u Mutwa. 43 Yahumye u Petulo atamile sikhu njolofi Yafa pamonga nu muuunu yeikhemelwa Simoni, yeitenda ingwembe.