Matendo 10

1 Khwavele nu munu fulani mu khivuta sha Kaisalia, avele muvaaha va khikosi sha italia. 2 Avele mucha Nguluvi na avele iabudu u Nguluvi ni nyumba ya mwene yondi; ahumiche isendi njolofi hwa vayahudi na anyilikhe hwa Nguluvi sikhu chondi. 3 Msikha kwa saa tisa cha pamunyi, awene amaono malayikha va Nguluvi iyicha hwa mwene. Malayikha amuchovye "Kolnelio! 4 Kolnelio amulolile umalayikha na avele ni hofu ngomi necho ahachova "Ihi khinu hina muvaha?" Malayikha amuchovye "Amanyilikho kaho ni sawadi chaho hwa masikhini chidamile hushanya ngita kumbu kumbu muvuvechakepo wa Nguluvi." 5 Lino tume avanu uhubita hukhivuta sha Yafa humuleta umuunu yumonga yeikhemelwa Simoni ambaye hangi ikhemelwa Petulo. 6 Itama nu mtengenesaji va Ngosi yeikhemelwa Simoniambaye inyumba ya mwene yivele kando ya Bahali." 7 Bada ya Malayikha yeavele ichova nu mwene uhuheka, Kolnelio avakhemelye avafanyakhasi va hunyumba hwa mwene vavili, na askali yeavele ahamuabudu Nguluvi kati ya vaaskali vevavele vahamutumihila. 8 Kolnelio avachovye kote kekahumye na avatumile Yafa. 9 Sikhu yeyafwatye umsikha kwa saa sita pevavele munjila na vakalibye huboma, Petulo adamile hushanya hudali hunyiliha. 10 Na piya avele ni njala na asahaka ikhinu shahulya, lakhini umsikha avaanu viteleha ishahulya, avonesichwe amaono, 11 ahalola ianga yifungwihe ni shombo hiyiha ni hinu fulani ngita fwalo ngomi chiyiha pasi mu alizi mu kona chahe chondi chitayi. 12 Mukati mwaahe mwavele ni ayina chondi cha finyama ifinya magulu katayi na fyefikwava ju ya alizi, ni fidege fya huanga. 13 Tena isavuti yihachova hwamwene "Lamukhe, Petulo hinze na ulye." 14 Lakhini Petulo ahachova "Siyo ewe, Mutwa hwasababu sindiwahili uhulya khinu shoshondi najisi na hichafu. 15 Lakhini isavuti yayichile hwa mwene hangi hwa mala ya havili "Sheakinikhe u Nguluvi utane uhukhemela najisi wala hichafu". 16 Iyi yahumye mala hadatu, na khila ishombo hihava hitekulilwe hangi hu angani. 17 Na umsikha u Petulo avele muhali ya huchanganyihiwa juu ya ako maono kimaanisha hina, Lolake, avanu vevavele vatumilwe nu Kolnelio vayimile pavulongolo pa lango, vavuchaka injila ya hubita hunyumba. 18 Na vakhemelye nuhuvucha ngita Simoni ambaye piya akhemelilwe Petulo ngita avele itama pala. 19 Umsikha ukwe Petulo peavele peavele iwasa ju ya ako maono, Umbepo ahachova, "Lolake vaanu vadatu vahahutemula. 20 Lamukhe na uyihe panyi na ubite navo. Usiyo huyokopa uhubita navo, hwasabu ndivatumile." 21 Petulo ayihile pasi uhwavo nuhuchova "Uneene ndyo yula yemuhamutemula. Hwanini muyichile?" 22 Vahachova, "Akida yumonga ilitawa lya mwene Kolnelio, muun u va haki na inokwa uhumuabudu u Nguluvi, na vaanu vahamuchova finofi katika taifa lyote lya hiyahudi, achovililwe nu malayikha va Nguluvi uhuhutuma ili uhubita hunyumba yamwene, ili apulikhe imola uhuhuma uhwaho," 23 Petulo avakhalibise uhuyingila mukati nuhutama pamonga nu mwene. Palukela pehwafwatye ahalamuha ahahelela pamonga nu mwene, na avalongo vachache uhuhuma hu Yafa vaambatine nu mwene. 24 Sikhu yeyafwatye vayichile hukaisalia. Nu Kolnelio avele ahavalinda; na avele avakhemelye pamonga na valongo va mwene na valafiki vamwene va jilani. 25 Umsikha u Petulo iyingila mukati, Kolnelio ahamulaki na nuhuyinama mbaha panyi mumagulu kamwene hwahumuheshimu. 26 Lakhini Petulo amuyinwele nuhuchova "Uyime; uneene yune piya ndivele mwanadamu." 27 Umsikha u Petulo avele ilongela nave, ahele mukati ahavona avanu vakusanyihe pamonga. 28 Avachovye, "Unyenye yunye mumanyile uhuva siyo sheliya ya khiyahudi uhushilikiyana au uhugendelwa nu muunu ambaye siyo valitayifa ili. Lakhini u Nguluvi andivonesiche unene uhuva sindipaswa uhumukhemela umuuunu yeyondi avele najisi au muchafu. 29 Na ndyo mana ndiyichile bila hubishila, pendatumilwe hwajili ya iyo. Hwa hiyo ndivavuche hwanini mwatumilwe hwajili yangu." 30 Kolnelo achovile, "Sikhu chitayi chechilutile, umsikha ngita uku ndavele ndinyilikha musikha kwa saa tisa pamunyi mukati mwa nyumba yangu; Ndawene huvulongolo hwangu umuunu ayimile avele ni fwalo mbalafu, 31 andichovye "Kolnelo amanyilikho kaho kapulikhihe nu Nguluvi, ni sawadi chaho hwa masikhini chivele vukumbusho pavulongolo pa Nguluvi. 32 Khwa hiyo tume umuunu Yafa na amukhemelye u muunu yumonga yeihemelwa Simoni ayiche uhwaho, ambaye piya ikhemelwa Petulo.Aambaye iishi hwa mutengenesaji va ngosi yumonga yeikhemelwa Simoni ambaye inyumba ya mwene yivele palubali pa Bahali. 33 Singatilake: Umusitali uku, "Naya pehacha iyicha hacha ichova nu nyenye," sikuvelemwe mumaandikho ka hatali. 34 Aapo u Petulo afungwe umulomo kwa mwene nuhuchova "Salwesi, ndiaminile uhuva u Nguluvi siiwesa uhuva nuvupendeleo. 35 Badala yakhe, khila tayifa muunu yeyondi yeahamuabudu nuhufanya amatendo ka haki ahakubalikha hwa mwene. 36 Umanyile imola cheahechiche hwa vaanu va islaeli, peavele itangasa imola nofi cha lufuvo uhulutila u Yeesu Khilisiti ambaye avele mutwa va vondi- 37 unyenye yunye mumanyile ilitukio lyelya humye, ambalo lihumye hu Yudea yondi na lyavangye hu Galilaya, bada ya vuchabihwa ambao u Yohani atangasiche. 38 Ilitukio lyelyavele lihamuhusu u eesu Khilisiti jinzi u Nguluvi sheamusopile amafuta hwa Umbepo Umwimihe na hwa ludali. Ahele afanyaka amanofi nuhuponya vondi vevatesilwe nu Ibilisi, hwa huva u Nguluvi avele pamonga nu mwene. 39 Lino tuvele vashahidi va mambo kote keakafanyile mu inyi cha vuyahudi na mu Yelusalemu-uyu ye Yeesu yevamubudile nu humulembesa mulibihi. 40 U munu Nguluvi amufufwe isikhu ya hadatu nuhumupela uhumanyihana, 41 siyo hwa vaanu vondi, lakhini hwavashayidi vevachakuliwe kabula nu Nguluvi. -Uweewe yufwe, yetulyele nu mwene baada ya hufufuha uhuhuma hwa wafu. 42 Atulagiche uhuhubili hwa vaanu nuhushudila uhuva uyu ndyo ambaye u Nguluvi amuchakwe uhuva muamusi va vevavele hayi na vevafwele. 43 Katika umwene avavilisi vondi vashuhudile, ili uhutya khila yeiamini katika umwene hacha iyanuhila umusamaha kwa njanangifu uhulutila ilitawa lya mwene." 44 Umsikha u Petulo peayendelelaka uhuchova aka, Umbepo Umwimikhe avamemiche vondi vevavele vipulikhicha imola ya mwene. 45 Avaanu vala vevihusikha ni khikundi sha vaamini vevatahiliwe-vala vondi vevayichile nu Petulo-vashangaswaka, Hwasabu ya kalama ya Umbepo Umwimikhe yeadudilwe pia khwa vamatayifa. 46 Khwa khuva vaapulikhe vamaifa vilongela khwa njovo chingi nukhumwimikha uNguluvi. Petulo akhahika, 47 "Khuna muunu yeyoha iwesa ukhuzuvila amakasi nekhe avanu vatane ukhuchabikhwa, Vanu ava vamyanushe uMubepo Umwimikhe ngita uwewe?" 48 Apo akhaamulu vachabikhwe khwa litawa lya Khilisiti. Pembele vakhamunyilikha atame navo khwa sikhu kazaa.