Sura ya 8

1 U Sauli namwene avele mmapatano ka khuvulakwa u Stefano. Na ikhikono isho atengwe ukhulitesa ilikanisa lya khu Yelusalemu; avaumini voha vakhava vatawanyikhe mu wilaya cha Yudea ni Samalia, lakhini avamitume vasike. 2 Avachamungu vamsilile u Stefano nu khumvembela sana. 3 Lakhini u Sauli alitesiche sana ilikanisa. Alutaka khila nyumba nu khuvukamula avadala na vakosi nu khuvasopa mugeleza. 4 Avaumini yevatawanyikhe vakhava viyendelela ukhuhubili ilicho lya Nguluvi. 5 U Filipo ayikhile khu Samalia nu khumtangasa U Kristu 6 Na vanu vali vamwene imiujisa yeafanyaka u Filipo vakhavechake makini ni khila shealongelye. 7 Ukhuhuma apo avanu volofi yevapulikhe amapepo khahumile mwana vivemba khwa sauti ngomi, na yevavele fiwete na vala yevafwele ganzi vaponile. 8 Khukhava furaha ngomi pa mji. 9 Lakhini khwali munu mwinga pa mji, akemelwaka Simoni, avele mhavi yeishangasa vanu sana, akhava itikila avele munu mkomi sana. 10 AvaSamari voha vakhava vakhampulihicha nu khutikila, "Umunu uyu yivele ngufu ya Nguluvi yeyivele ngome. 11 Vakhava vakhampulihicha pakhuva avele akhavashangasa khwa muda mtali khwa vuhavi wa mwene. 12 Lakhini vali vampulikhe nu khuamini ukhutikila u Filipo ihubiri uvufalme wa Nguluvi ni litawalya Yeesu Kristu, vakhabatiswake, avakosi na vadala. Nayumwene 13 U Simoni aaminile na baada ya khubatiswa ayendelye ukhuva nu Filipo. Ali awene ishala nimiujisa yifanyikha ashangaile. 14 Avamitume va khu Yelusalemu vali vapulikhe ukhutikila i Samaria yanushe ilicho lya Nguluvi, vakhavaseng'ake u Petulo nu Yohana. 15 Vali vikhile vakhavaombelake nekhe vanukhe Umbepo Umwimikhe. 16 Umsikha kwenu kwe vavele vasina vikhilwa nu mbebopo Umwimikhe vavele vachabikhilwe khwa litawa lya Yeesu basi. 17 Basi u Petulo nu Yohana vakhava limbilake amavokho, vakhayanukhake Umbepo Umwimikhe. 18 U Simoni ali awene avanu vanwikhe Umbepo Umwimikhe khwa njila ya khuvikhilwa amavokho na vamitume, akhalondake ukhuvapela ihela, 19 Akhatikilaka, '''Mmele ingufu iyi nekhe khila yendakhamlimbila amavokho anukhake Umbepo Umwimike." 20 Lakhini u Petulo akhamchovelake uveve pamwinga ni hela chakho uyakhilake khutali, pakhuva viwasa ikarama ya Nguluvi yikulwa ni hela. 21 Uveve huna sehemu mu karama iyi pakhuva inumbula yakho siyivele nofu pamiho ka Nguluvi. 22 Basi uvungamake isambi chakho nu khumuomba Unguluvi ili pengine akhusamehe amawaso kakho. 23 Pakhuva ndakhuvona uvele mu sumu ya vuchungu ni khifungo sha sambi. 24 U Simoni akhachovake, "Mumuombake uMtwa khwajili yangu khwa khuva amambo kemchovile koha kiwesa ukhundihumila. 25 Wakati u Petro nu Yohani vamalile ukhushudila nu khuhubiri ilineno lya Mtwa, vakomomwikhe khu Yelusalemu khutila njila yiyila, vatangasiche ilineno mu fijiji fyolofu fya vaSamalia. 26 U malaikha va Mtwa achovile nu Filipo akhatikila, "Ulange nu khuhelela khusikha ukhushikhila khu Gaza." (Injila iyo yivele mu jangwa). 27 Aghalangake nu khuhelela. Basi khukhava munu towashi va khu Ethiopia, yavele na madalaka makhomi panyi ya kandake umalkia va khu Ethiopia. Avikhilwe msimamisi va fihenge fya malkia, akhava ahele kusali khu Yelusalemu. 28 Aliivunja asomaka ikhitabu sha Isaya mvilisimugali yamwene. 29 Umbepo kwachovile nu Filipo, "Sokele kalibu ni ligali ili ulifuatake. 30 "U Filipo asokye ng'aning'ani, akhapulikhake isoma ikhitabu sha Isaya akhachovake, "Ukhwakayelewa kewisoma?" 31 Umuethiopia yula akhatikilaka "ndiwesa vuli bila khulongochwa nu munu?" Akhamnyilikhake u Filipo ahove igali vatame pamwinga. 32 Isehemu yeasomaka yitikila "Alongochichwe ngita ng'olo yeyibita khuhinjwa, namwene ngita ng'olo yeyibita khuhinjwa, namwene ngita ng'olo achikhile kimya, siafumbwe umlomo: 33 Khwa khusikitikha khwa mwene ihukhumu yamwene yahechichwe; Yuyani yeyaiyelesa ulwolokholwa mwene? Amaisha kamwene kahechichwe pa inyi." 34 Utowashi yula amvuchiche u Filipo akhatikila, "Ndakhunyilikha, ihabali iyi yikhamhusu yani, yumwene u Isaya au yungi mvilisi? 35 U Filipo atengwe ukhulongela akhavangilake iliandiko lilela, akhumtangasichake imola ya Yeesu. 36 Vali vavele munjila vakhafikhake pakhihulu, u towashi yula akhatikilake, "Ulange apa pali makasi, khinu khikhi shekhisuvila ndilekhe ukhuchabikhwa?, 37 u Filipo amhikile akhatikila, "Ndewiamini yiwesekhana towashi akhatikilake, "ndiamini ukhutikila u Yeeesu avele Mwana va Nguluvi," basi akhayimyake iligali. 38 Vakhayingilake mumakasi u Filipo nu towashi yula, akhamchabikhake. 39 Vali vahumile mumakasi Umbepo kwa msindikhe u Filipo khutali, utowashi yula siamuwene tena, ahele mwana akhamshangilila Unguluvi. 40 U Filipo akhumilake khu Azoto. Alutile umukoa kula mwana itangasa iinjili khila mji mbakha peafikhe khu Kaisaria.