1 Mtekhechi umkomi akhachovake,"a mambo aka kasalwesi"? 2 U Stefano akhachovake, "Valongo vangu na yunye vababa vangu mumulihiche: Unguluvi umunya vutukufu amhumye ubaba vetu U Iblahimu khu Mesopotamia, kabla asina aishi khu Harani,' 3 amchovye uhekake pa inyi yakho na valongovo, ubitake khu inyi yeyandakhakhulaka. 4 Basi ahekile pa inyi ya Vakalidayo akhava iishi khu Halan, na ukhuhuma apo ali afwele ubaba vamwene, Unguluvi akhamletake pa inyi iyi pevitama elino. 5 Siampelye sheshoha kama vulisi wamwene, wala sipaveli na mahali pa khuvikha hata makulu. Lakhini u Iblahimu aahidilwe ukhupelwa iinyi yila ukhuva yamwene nu lwolokho lwa mwene hata kabla sina ava nu mwana. 6 Unguluvi alongelye nave ukhutikila avana va mwene yevibita khutama khuvukenji, na yanga vanya inyi iyo yevikhavafanya vavechake vatumwa vavo nu khuvatesa khwa myakha mia nne. 7 Unguluvi tena achovile yanga akhalihukhumula ilitaifa lyelyatekeli na yanga akhavakomosa nekhe vamlumbake pa inyi iyi.' 8 Akhampelake u Ibulahimu amapayano kakhumtahili avana avadimi, basi u Iblahimu akhava baba va Isaka, akhamtahililake ikhikono sha nane; uIsaka akhava baba va Yakobo, nu Yakobo akhava baba va vababa vetu kumi na mbili. 9 Avababa vetu vamvonye wifu u Yusufu vakhamkuchake khu Misli, nu Nguluvi akhava pamwinga nu mwene, 10 nu khumuokola na mapumukho kamwene, akhampelake ihekima ni neema pamiho ka Falao umtwa va Misli. U Falao akhamvikhake ukhuva mkomi va inyi ni nyumba ya mwene yoha. 11 Basi khwahumye injala dunia yoho, na avababa vetu vakha havana shakhulya. 12 Lakhini u Yakobo ali apulikhe ukhuva khu Misli khu a filyo, akhavaseng'ake ukhwe avababa vetu khwa mala ya khwanja. 13 Isafali ya mala iya khavili u Yusufu ivonesiche khwa valongove, ifamilia ya Yusufu yikhamanyikhake kwa Falao. 14 U Yusufu akhavaseng'ake avalongove vakhamchovele u Yakobo na volongove pamwinga na vana voho vichake khu Misli, vali vanu sabina tano jumla. 15 Basi u Yakobo ayikhile khuMisli; baadae akhafwichake pamwinga na vababa vetu. 16 Vatolilwe mbakha khu shekemu vakhasilwake mu kabuli lye akulile u Iblahimu kwa fipandi fya hela ukhuhuma khwa vana va Hamoli khu shekemu. 17 Wali vufikhe uwakati wa ahadi ya Nguluvi vukaribye , na vanu nevavele volofu khu Misli. 18 Umsikha ukwe ahumye uMtwa yungi khu Misli yeasimumanyile u Yusufu. 19 Umtwa uyo avachangile avanu vetu nu khuvatesa, nu khutaka avana vavene vafwichake. 20 Umsikha ukwe u Musa asalivilwe, ali mnofu pamiho ka Nguluvi, alelilwe myechi yidatu munyumba ya baba vamwene. 21 Ali atakilwe, umwalive farao amtolile nu khumlela kama mwana vamwene. 22 U Musa afundisichwe amambo koha ka khu Misri, akhava ni ngufu khwa maneno na matendo. 23 Lakhini baada ya khutimisa myaka alubaini, ipulikhe ukhuvatembelela avalongo va mwene, avana Israeli. 24 Ali awene Muisraeli ifanyilwa amabaya U Musa amtetye nu khulipa ikhisasi khwa khumtova umMisri yeamvonelaka Muisraeli: 25 awasaka avalongove yevimanya ukhuvaokola khwa livokho lyamwene lakhini vamanyile ng'oo. 26 Ikhikono sheshafuatye ahele khwa vana Israeli fulani yevakombanaka akhava ijalibu ukhuvapatanisa, akhatikila "Nye vatwa! mbona mwikombana wakati mvele lukholo lumwinga,? 27 Lakhini yula yeamkosye umyine ukhamsukhumake nu khutikila, "Yuyani yeakhupelye uvutawala nu khutulamlila uwewe? 28 Uveve wilonda ukhumbulaka kama sheukhwamvulike umMisri yula ikolo?" 29 Baada ya khupulikha ilyo u Musa anyilile akhava mkenji khu inyi ya Vamidiani, ukhwe akhava na vana vavile. 30 Yali yisilile myakha alubaini, umalaikha amhumye mumwoto kwekwayakhaka pakhichaka. 31 U Musa ali akuwene umwoto ashangaile sana ukhuvona ukhichaka sikhipya. Ali asokelye ili alange, isauti ya Mutwa yamyiche yikhatikila, 32 "Unene yune Nguluvi va vababa vakho, Unguluvi va Abrahamu, nu va Isaka, nu va Yakobo." U Musa ayokwipe akhalemwa hata ukhulanga. 33 U Mutwa akhamchovelake, uvule ifilato fyakho pakhuva puyimile apo yivele aldhi njimikhe. 34 Ndikawene amapumukho ka vanu vangu yevavele khuMisri. Ndipulikhe ikhivembo shavene, elino ndikhile ili ndivapaase; elino wiche ndikhuseng'e uveev khuMisri.' 35 U Musa yevambelile, pevatikele, "yuyani yeakhuvikhile ukhuva mtawala nu khutulamulila uwewe?" uyo njo u Nguluvi amseng'ile aveche mtawala nu mkombochi. Unguluvi amseng'ile khwa livokho lya malaikha yeamhumye khwa mwoto pa khichaka. 36 U Musa avalongochiche ukhuhuma khu Misri, baada ya khufanya miujisa khu Misri na pa nyanja ya shamu, na pa jangwa myakha alubaini. 37 Ave yu Musa yeavachovye avana Israeli ukhutikila, Unguluvi yacha akhavaletela umvilisi sawa nani ukhuhuma mlukholo lwenyo. 38 Uyu njo munu yeavele pa jangwa nu malaikha yealongelye nave pa khidunda sha Sinai. Umunu uyu ali pamwinga na vababu vetu, na njo yeayamwikhe ilieneo ili lyelivele lisima nukhupela uwewe. 39 Umunu uyu nu khumsukhumila khutali, munumbula chavo vakiliwikhe ukhulanga khu Misri. 40 Umsikha ukwe vamchovye u Haruni.'ututengeneseheche iminguluvi ya khutulongocha. U Musa yeatulongochike ukhuhuma khu Misri situmanyile shekhimpatile." 41 Basi vatengenesiche ikhiyipela isanamu yila, vikhelye ni khasi ya mavokho kavo. 42 Lakhini Unguluvi avakevusiche cha khushanya, ngita sheyandikhilwe mkhitabu sha vavilisi, ' Je mnolye unene isadaka cha nyama chemwahinjaka pa jangwa imyaka alubaini yila, nye vanu va nyumba ya Israeli? 43 Mwidishe ukhuhutana munyumba ya Moloki ni nondwi ya refani Unguluvi, ni picha yemtengenesiche nu vaabudu na yendikhavasindikha khutali saidi ya Babeli.' 44 Avababa vetu vali ni lihema lya vushuhuda lyevakutanikhilaka mu jangwa ngita sheavalakiche u Nguluvi pealongelye nu Musa, ukhutikila ayitengenesake ngita yila yeayivonesiche khwa mwene. 45 Ilyo njo lihema lyevaletelilwe umsikha khwa vene mbakha pa inyi iyi nu Yoshua. Ewe yahumyele pevayingye khutawala ilitaifa lyelyadakilwe nu Nguluvi kabla sinavavepo avababa vetu. Yavele ewe mbakha umsikha kwa vutwa wa Daudi, 46 yeapevilwe ikhibali nu Nguluvi,' na alondaka amchengele amakao makhomi Unguluvi va Yakobo. 47 Lakhini u Sulemani njo yeamchengye inyumba ya Nguluvi. 48 Hata ewe Yavele khushanya siitama munyumba chechichengilwe na mavokho ka vanu, ngita she achovile unabii, 49 Khushanya njo khideko shangu ni inyi njo mahali pendivikha amakulu kangu. Sasa nyumba gani yeyanga mkhandichengela? achovile u Mutwa, au pekhi pakhupolela unene?' 50 Si mavokho kangu kekatengenesiche fyoha ifi? 51 Nye vanu unyenye she mvele ni singo ngumu. Mtahiliwe ndali inumba ni mbulukhutu, khila mala mwakhampinga Umbepo Umwimikhe, mwifanya ngita shevafanyaka avabaab venyo. 52 Mvilisi ganiyeasatesilwe na vababa venyo? vavavilike avavilisi voha yevahumye kabla asina icha uyu mwinga yavele ni haki, na lino njo unyenye mmsalitile nu khumvulaka. 53 Unyenye yemwapelilwe isheliya nu malaikha lakhini simwikhayifuata." 54 Avajumbe va balaza vali vapulikhe amambo aka, valenye mumyoyo yavene, vakhava vakhamfipicha uStefano. 55 Lakhini umwene pakhuva umemile Umbepo Umwimikhe, alangile khushanya akhavonaka uvutukufu wa Nguluvi nu Yeesu imile ilivokho lya kulia khwa Nguluvi. 56 Stefano akhatikilaka, "Mlange ndichiwene ianga chifungwikhe nu Mwana va Adamu imile ilivokho lya kulia lya Nguluvi." 57 Lakhini avajumbe va balaza votovile ikele nu kudinda imbulukhutu chavo, vakhawidilake khwa pamwinga, 58 vakhamtakake khwivala ya mji nu khumtova na makanga, na vashahidi vafulile imyenda yavene yamwivala nu khuvikha pamakulu ka khijana mwinga yeakemelwaka Sauli. 59 Vali viyendendelela ukhumtova na makanga, akhava akhamnyilikha Umtwa, "Ve Mtwa Yeesu, wanukhake iroho yangu" 60 Afukime panyi akhachovake khwa sauti ngomi, "Mtwa ulekhe ukhuvahesabila isambi iyi. "Ali achovile ewe akhafwichake.