1 Ifikono ifyo vali anasule viyongesekha, avayahudi yevilongela ikhiyunani vavalalamikhye avayahudi yivolongela ikhieblania, pakhuva avajane va vavasemwaka ukhupela umkavilo kwa shakhulya kwa khila khikono. 2 Ava mitume vakhakhemelake avanafunji voha, vakhatikila, "Siyitakhiwa uwewe tukavake ifyakhulya nu khulilekha ilineno lya Nguluvi. 3 Kwa hiyo, valongo, mchakule vakosi saba, ukhuhuma khwenyo, avanu avanyatabia inofu, yevamemile ihekima nu Umbepo Umwimikhe, yetwiwesa ukhupela ikhasi iyi. 4 Halafu uwewe twiyendelela ni khasi ya khusali nu khufundisa ilinena lya Nguluvi. 5 Amaneno ako kakhava manofu khwa vanu voha. Basi vakhamchakulake u Stefano, umunu yamemile iimani nu Mbepo Umwimimikhe, vakhamchakulake nu Filipo, nu Plokolo, nu Nikanoli, nu Timoni, nu Palmena, nu Nikolao, vakhuhuma khu Antiokia. 6 Avaumini vakhavaletake avanu ava khwa vamitume, vakhaombake nu khuvavikhila amavokho. 7 Ewe ilineno lya Nguluvi likhava liyenela necho khu Yelusalemu; na avatekhechi volofu vayidishe iimani. 8 U Stefano yeamemile ulupyana ni ngufu akhava ifanya amaajabu makhomi mwa vanu. 9 Lakhini vanu fulani ukhuhuma khikundi sheshakemelwake Mahulu ni khingi sheshakemelwake Wakilene ni lya Waeskandaria, na vangi vakhuhuma khu Kilikia khu Asia. Vayimilekhubishana nu Stefano. 10 Lakhini sivawesiche ukhubishana ni hekima ni Roho yeatumilaka uStefano ukhulongela. 11 Vakhalamlake ukhulya injama na vanu fulani ili vachovake vakhampulikhe u Stefano akhamlika u Musa nu Nguluvi." 12 Vakhavalasimisake avanu, avasehe, na vaandishi, ili vakhamkamule u Stefano nu khumleta pa balasa. 13 Vakhaletake avashahidi va vunya, yevatike, "Umunu uyu siikhilekhelwa ukhulika amahali apa apimikhe ni sheliya. 14 Pakhuva twakhampulikhe itikila uYeesu uyu va khu Nazaleti yanga akhapahalibu amahali apa nu khubadilisa imila yetwapelilwe nu Musa. 15 Khila munu yeavele pa balasa pala akhava akhamlanga u Stefano, vakhavonaka isula yamwene yivele kama malaikha.