Sura ya 5

1 Elino munu mwinga yeakemelwaka Anania nu mdala vamwene u Safira , vakhachiche isehemu ya mapwela, 2 akhafihaka ihela ichingi (na yumdala vamwene amanyile), chechisike akhaletaka nu khuvikha pa makulu ka mitume. 3 U Petulo akhatikilaka, "Anania, shekhina ushetani atawalile inumbula yakho mbakha wichova uvudesi khwa Umbepo Umwimikhe nu khufiha isehemu ya mapwela ka lihala? 4 Pelyakhasina likuchwa silikhavele lyako? Na wakati melikuchichwe silikhavele chini ya maamusi kakho? Siumchangile umwanadamu, bali uchangile mwa Nguluvi." 5 Khwa khupulikha amaneno aka u Anania adimile panyi nu khufwa. Avanu vayokwipe sana vali vapulikhe imola iyi. 6 Avadimi vakhayichake pale nu khumfyalicha isanda nu khumsindikha khusila. 7 Baada ya masaa kama kadatu hifi umdala vamwene afikhe pale asiyelewa kekahumye. 8 U Petulo akhamchovelake, "Unjovele, ndemukhakichiche ilihala khwa bei iyo." Akhatikilaka, "Salwesi, tukhakuchiche khwa bei yiyo." 9 Halafu U Petulo akhamchovelake, "Yivelevuli mbakha mkhapatanake pamwinga ukhumpima umbepo kwa Mtwa? Ulange injayo cha yivakhakhupinda na yuve ukhuma kwi vala." 10 Muda kukwe akhadimake, pa makulu ka Petulo, akhafwichake, avadimi vala vakhayingilake mkati vakhavonake neafwele. Vakhampindake, nu khusikha kwivala, nu khumsila jilani nu mkosi vamwene. 11 Ilikanisa njayingililwe ni hofu ngomi sana, pamwinga na vanu voha yevapulikhe imola iyo. 12 Ishala njolofu na kamaajabu kafanyikhaka mwa vanu khwa mavokho ka mitume voha vavele muliyumba lya Sulemani. 13 Lakhini sikhwali munu yeyoha yeavele jasili ukhwivunga na vene; hata ewe, vavaheshimwaka sana. 14 Yevafuuvilwe volofu vayongesikhe khwa Mtwa, avakosi volofu na vadala volofu. 15 Yafishe khipindi avatamu valetwaka ukhuhuma khumitaani, vavakonekhaka muvitanda nu mumakochi, nekhe yangailuta u Petulo Umwiwili kwa mwene kuvakuse vapone. 16 Apo njo avanu volofu ukhuhuma mu mji yeyipakhana ni Yelusalemu, vavaletaka avatamu na voha yevavele na mapepo vakhaponake. 17 Lakhini umtekhechi umkomi ayimile pamwinga na vanu voha yevavechinye (avo njo vamasadukayo); vakhava nu wifu sana, 18 vakhanyosake amavokho kavo nu khuvakamula mu geleza lya voha. 19 Yali yivele mkhilokati umalaikha va Mtwa afungwe imilyango ya geleza nu khuvahumya khwivala akhatikila, 20 "Mhelelake mkayime munyumba ya Nguluvi nu khuchovela avanu amaneno koha ka uvusima uvu." 21 Vaali vapulikhe ilyo, vakhayingilake munyumba ya Nguluvi khwali khwisha nu khufundisa. Lakhini umtekhechi umkomi ayichile na vanu vamwene, nu khukhemela ilibalaza lyoha, na vasehe voha va Isilaheli, nu khuvasenga khu geleza khuvatola ava mitume. 22 Lakhini yevaseng'ilwe sivavaweni, vakhakomosake imola. 23 Tuwene iligeleza lifungilwe vunofu kabisa, na avalinzi vayimile pa mlyango, lakhini wakati tufungwe mkati tuwene simweyuli munu mkati." 24 Wakati umkomi va nyumba ya Nguluvi na vatekhechi avakomi vali vapulikhe ewe vapatile mashaka vakhava visawa livele vuli ilicho ili. 25 Baadae munu mwinga ayichile akhavachovelake, "Avanu yemwakhavikhile mu geleza vimile munyumba ya Nguluvi vifundisa avanu." 26 Yula umkomi va nyumba ya Nguluvi akhahelelake pamwinga na vatumwa vamwene, vakhavaletake bila khuleta ifujo, pakhuva vayokopaka avanu visunga vavatove na makanga. 27 Vali vavaletile vakhavavikhake pavulongolo ya balaza. Umtekhechi umkomi akhavavuchake, 28 akhatikila, "Twavachovye mlekhake ukhuhubili kwa litawa ili, lakhini bado mmemiche amafundiso kenyo mu yelusamu yoha, mwilonda ukhuleta idanda ya munu uyu ukhwetu." 29 Lakhini u Petulo na avamitume vahikile, "Lasima tumpulihiche Unguluvi khulikho avanu." 30 Unguluvi va vababa vetu amfufwele u Yeesu, yemwamvulike khwa khumtovelela mlibihi. 31 Unguluvi amyinwise khwa livokho lyamwene ilya kulia, nu khumfanya mkhombochi mkomi. Avapele ikhitubio ava Isilaheli nu msamaha kwa sambi. 32 Uwewe tuvele mashahidi va macho aka, pamwinga nu Umbepo Umwimikhe kwevapelilwe yevifuuwa nu Nguluvi." 33 Avanu va libalaza lila vali vapulikhe ewe vadadile sana vakhava vilonda ukhuvavulaka avamitume. 34 Lakhini falisayo mwinga yeikemelwaka Gamalieli, yeali mwalimu va sheliya, yeaheshimiwaka na vanu voha, anyimile, akhatikilaka vavahumye avamitume khwivala khwa muda mfupi. 35 Halafu akhavachoveake, "Nyevakosi va Isilaheli, mwechake makini ni khila shemwilamula ukhuhusu avanu ava. 36 Pakhuva, umsikha ukutile, uTeuda iyinwele yumwene nu khwifanya munu mkomi sana, na vanu volofu kama mia ine hifi vamfuatile. Ali avulakilwe vanu voha vatawanyikhe nu khuyaka. 37 Baadae Yuda va khu Galilaya, umsikha kwa khuvalila ayinwikhe, nu khupata vanu volofu yevamfualile. Nave apotye na vanu voha yevamfuataka vatawanyikhe. 38 Elino ndakhavachovela, mwiyefyake na vanu ava, mvalekhe vene, pakhuva nde ikhasi iyi yivele ya vanu yeyidumu ndali. 39 Lakhini nde yivele ya Nguluvi, simwiwesa ukhusuvila, mwiwesa mkhava mwisindana nu Nguluvi. Vakhalisikhake na maneno kamwene. 40 Baadae vakhavaletake avamitume mkati nu khuvatova nu khuvachovela valekhe ukholongela khwa litawa ilya Yeesu, halafu vakhavahumusake vahelelake. 41 Vahekile pala mwana vikhelye pakhuva yitakhiwa vatesekhe nu khusalavulwa khwa ajili ya litawa ilyo. 42 Njo vakhava vakhamhubili uYeesu ukhutikila njo avele Mtwa, khila khikono munyumba ya Nguluvi.