1 Uwakaati u Petro nu Yohani pevachovike na vaanu, makuhani nu mlinzi va hekalu na masadukayo vavahelelye. 2 Vausihe sana khwasabu u Petro nu Yohani vavechike vahavafundisa avaanu uhuhusu Yeesu nuhutangasa juu ya hufufuha hwa mweene uhuhuma hwa wafu. 3 Vavakamwe nuhuvaviha muligelesa hadi palukhela yeyafwatile, kwani tayari yavele mihe. 4 Lakhini vaanu volofu vavele vapulikhe imola vaaminile; niidadi ya vakosi avavele vaaminile vakadiliwe uhuva elfu tano. 5 Hata peyafihe lukela sikhu yeyafwatye, uhutya vavaha vavo, vasehe na vaandishi, hwa pamonga vakusanyikhe hu Yelusalemu. 6 Anasi kuhani muvaha avelepo, nu kayafa, nu Yohani, nu Iskanda, na vondi vevavele valongo va kuhani muvaha. 7 Pevavele vavavimbile Petulo nu Yohani kati kati yavo, vavavuchiche, "Khwa vuweso gani, au hwa litawa gani mfanyile ili?" 8 Nekhe, Petulo, avele amemile Umbepo Umwimikhe, avachovye, "Unyenye vavaha va vaanu, na vasehe, 9 ngita uweewe sikhu ya lelo twihojiwa uhuhusu iitendo lyema lyelifanyilwe khwa muunu uyu mutamu- hwa namna gani uunu uyu afanyilwe muumi? 10 Hebu limanyihake ilyo uhwenyo na hwa vaanu vondi katika Islaeli, uhutya hwa litawa lya Yeesu Khilisiti wa Nazaleti, ambaye mwasulubisiche, ambaye u Nguluvi amufufwe uhuhuma hwa wafu, ni hwa njila ya mwene uhutya umunu uyu ayimile apa pavulongolo penyo avele mu Afya. 11 Yeesu Khilisiti liganga ambalyo unyenye avajenzi mwazalawile, lakhini ambalyo lifanyilwe uhuva liganga livaha lya palubali. 12 Hakuna vuokofu katika uunu yungi yeiva kondi. Khwa maana hakuna litawa lingi panyi pa mbingu lyevapevilwe avanu, ambalyo hwa ilyo twiwesa uhuokolewa." 13 Lino vavechike vawene uvujasili wa Petulo nu Yohani, na vagundwe uhutya vavele vaanu vakawayida vesivana mwimbi, vashangayile, vamanyile uhutya u Petulo na Yohani vavele pamonga n Yeesu. 14 Khwasabu vamuwene yula umuunu yeaponyichwe ayimile pamonga navo, sivaveli ni khinu sha huchova zidi ya ili. 15 Lakhini vavechike vamalile uhuvaamulu avaseng'wa vaheke pavulongolo pa mukutano kwa libalasa, valongelye vavene khwa veene. 16 Vachovile, twikitavuli avaanu ava? yivelie salwesi uhutya umuujiza kwa ajabu kufanyikhe uhulutila avene kwijulikhana nu khila yumonga yeiishi hu Yelusalemu; sitwiwesa uhulibela ilyo. 17 Lakhini, nekhe uhutya ilicho ili litane uhuenela miongoni mwa vaanu, ebu tuvaonye vatane uhunena hangi khwa muunu yeyondi hwa litawa ili. 18 Vavakhelye u Petulo nu Yohani mukhati nuhuvaamulu kamwe vatane uhunena wala uhufundisa hwa litawa lya Yeesu. 19 Lakhini u Petulo nu Yohani vajibwe nuhuvachovela, "Kama yivele sahihi pamiho pa Nguluvi uhuvatii unyenye hulukho u Nguluvi, mwihukumlake yunye. 20 Mana unefwe sitwiwesa uhuleha uhunena amambo ambako tukawene nuhukapulikha." 21 Bada ya huvaonya necho u Petulo nu Yohani, vavalekhile vahelele. Sivawesiche uhupata isababu yeyondi yahuvaasibu, hwasabu vaanu vondi vavele vahamusifu u Nguluvi khwa khila sheshavele hitendikhe. 22 Umuunu yeavele ayanushe umuujiza kwa huponya apatile uhuva nu umuli zaidi ya miaha alobayini. 23 Baada ya huvalekha hulu, Petulo nu Yohani vayichile hwa vaanu vavonuhuvataalifu kondi ambako amakuhani vavaha na vasehe vavele vavachovye. 24 Vavechike vapulikhe, vapasichwe isavuti chavo khwa pamonga hwa Nguluvi nuhuchova, "Mutwa, uveve yeuvumbile imbingu ni inyi ni bahali ni khila hinu mukhati mwahe, 25 uveve ambaye, hwa Umbepo Umwimikhe, khwa mulomo kwa dade vetu u Daudi, mseng'wa vaho, wachovile, "Khwani avanuva matayifa vafanyile ighasia, na vaanu vatafakalile amambo kesikifaa? 26 Avatwa va inyi vipangile pamonga, na vatawala vakusanyikhe hwa pamonga zidi ya Mutwa na zidi ya masihi vamwene." 27 Hakika, vondi Herode nu Pontio Pilato, pamonga na vaanu va matayifa na vaanu va Islaeli, vakusanyikhe khwa pamonga mu khivuta ihi zidi ya mufanya khasi vaho umwimikhe Yeesu, ambaye wa mbahile amafuta. 28 Vakusanyikhe khwa pamonga hufanya kondi ambako ilivoho lyaho nuvuhelwa waho waamulu tangiya pahwanja kabla sina kahumila. 29 Lino, Mutwa, kalolake amatisho kavo, na uhavalie avaseng'wa vaho uhunena ilicho lyaho khwa vujasili wondi. 30 Nekhe uhutya pewinyosa ilivoho lyaho huponya,ishala na maajabu fiwese uhuhumila uhulutila ilitawa lya musengwa vaho umwimikhe Yeesu." 31 Vavechike vamalile uhunyilikha, ilieneo ambalyo vakusanyikhe hwa pamonga lya tikisichwe, na vondi vamemichwe ni Umbepo Umwimikhe, na vanenile ilicho lya Nguluvi hwa vujasili. 32 Idadi ngomi ya vala yevaaminile vavele ni numbula yimonga ni mbepo yimonga: na hakuna hata yumonga vavo yeachovile uhutya shoshondi sheimiliki shavele sha mwene yumwene; badala yakhe vavele ni finu fyondi shilika. 33 Khwa ngufu ngomi avaseng'wa vavele vitangasa uvushuhuda wavo uhuhusu uvufufuho wa mutwa Yeesu, nu lukano lukomi iliuhuva hushanya hwavo vondi. 34 Sipavele nu muunu yeyondi miongoni mwavo yeapungukiwe na mahitaji, hwasabu vaanu vondi vevavele ni hati cha fivanja au nyumba, vaguchiche nuhuleta isendi ya finu fyevaguchiche 35 na hufivimba panyi pa magulu ka vaseng'wa. Nu mugawanyo kwa fanyikhe khwa khila muumini, uhulingana nu khila yumonga yeavele nilihitaji. 36 Yusufu, Mlawi, muunu huhuma hu Kipro, apevilwe ilitawa lya Barnabasi na vaseng'wa (iyo uvoneyitafusiliwe, avele mwana va Falaja). 37 Avele nu mugunda, aguchiche na aletile isendi, avimbile panyi pa magulu ka vaseng'wa.