Matendo 26

1 Ewe, Agripa amuchovye u Paulo, uhaluhusiwa uhwitetela. 'Apo u Paulo anyosiche ilivoho lyamwene ahitetye eede. 2 "Ndihivona ndinafulaha, Mutwa Agripa, ili uhufanya ikesi yangu mbele yakho ilelo zidi ya mashitaka kote ka Vayahudi. 3 Hasa, khwasabu uveeve uvele mutalamu va destuli cha vayahudi na maswali. Ewe ndinyilikha undipulikhiche khwa vufumilifu. 4 Salwesi, Avayahudi vondi viyelewa jinzi shendiishi tangu ujana wangu mulitayifa lyangu uhwe hu Yelusalemu. 5 Vandimanyile tangu pahwanja na vipaswa uhukubali uhutya ndiishi ngita Mfalisayo, zehebu ilinya musimamo mukali mu dini yetu. 6 Lino ndiyimile apa ndihukumiwe khwasabu unene ndilola iahadi ambayo u Nguluvi afanyile na va baba veetu. 7 Iyi yivele ahadi ambayo makabila ketu lichumi na kavili kitumayini uhuyanuhila kama vahamuabudu u Ngguluvi hwa bidii ikilo nu munyi. Ni khwajili ya tumayini iyi, Mutwa Agripa, uhutya vayahudi vahandishitaki. 8 khwanini yeyondi kati yenyo ifikilila yivele ajabu uhutya u Nguluvi ifufula uwafu? 9 Umsikha kumonga ndafikililaka yune uhtya halindifanya mambo molofi zidi ya litawa lya Yeesu va hu 10 Nazaleti.Ndahitile aka mu Yelusalemu; Ndavahungile avaamini volofi huligelesa, na ndavele na mamulaka uhuhuma hwa vavaha va makuhani uhukhita ewe; na umsikha vifwa, ndatovile ikula zidi yavo. 11 Mala holofi ndavaazibile mu masinagogi kote na ndajalibwe uhuvafanya vayibele ulufuvo lwavo. Ndavele ni hasila sana ju yavo na ndavadakile hata mufivuta fya huvugenzi. 12 Umsikha pendavele ndikhita aka, ndahele hu Dameski, ndavele na mamulaka na malagicho uhuhuma hwa makuhani avavaha; 13 pendavele munjila umsikha kwa pamunyi, Mutwa,ndawene umwanga huhuma hu mbinguni kwekwavele mukali hulikho ilichuva na kwa ng'alaka hutusunguha uneene na vaanu vevasafilike pamonga nu neene. 14 Uweewe twevondi petwadimile panyi, ndapulikhe isavuti yisungumusa nu neene yichova mu lukha ya khi Eblaniya: Sauli, Sauli! khwa nini uhanditesa? Yivele figumu uhwaho uhutova mutehe umuchokoo. 15 Apo ndachovile, 'uveeve yuve yani, Mutwa?' Mutwa ajibwe, 'Uneene yune Yeesu ambaye uhanditesa. 16 Lino winuhe uyime khwa magulu kaho; sababu hwa kusudi ili uneene ndivonehine uhwaho, ndihutewe uhuva museng'wa na shahidi juu ya mambo ambako umanyile uhuhusu uneene lino na mambo kehacha ndihahuvonesa badaye; 17 na hacha ndihahuokola uhuhuma khwa vaanu na vaanu va matayifa ambapo ndihahutuma, 18 uhufungula amambo kavo nuhuvahecha hung'iisi uhubita hu mwanga na uhuhuma hu ludali lwa setano vamugevuhile u Nguluvi; nekhe vapate uhuyanuhila uhuhuma hwa Nguluvi umusamaha kwa njanangifu nu vulisi ambao ndivapelye vala vendivatengile khwa lufuvo yeyivele ukhwangu. 19 Ewe, umutwa Agripa, sindawesiche uhuasi amaono ka humbinguni, 20 lakhini, khwa vala vevavele hu Dameski khwanja, na kisha Yelusalemu na inyi yondi ya Yudeya, na piya khwa vaanu va matayifa kangi, ndahubilye uhutya vahongeche nuhumugevuhila u Nguluvi, vafanye amatendo kekahastahili inyongecha. 21 Khwasabu iyo Wayahudi vandikhamwe mu nyumba ya Nguluvi, vajalibise uhundibuda. 22 Nguluvi anditangile mbaha lino, ewe ndiyima nuhushuhudila khwa vaanu va kawayida na khwa vala avakomi ju ya kala ambako avavilisi nu Musa vachovile hacha kihumila na siyo finginefyo; 23 uhutya Khilisiti lasima hacha iteseha na hacha iva va khwanja uhufufuha uhuhuma khwa wafu nu hutangasa umwanga khwa Vayahudi na vaanu vamatayifa. 24 Paulo avechike amalile uhwitetela, Festo achovile hwa savuti ngomi, 'Paulo, uveeve ulimwenda wasimu! amavulicho kaho kahufanyile uve mwendawasimu. 25 Lakhini Pauloahachova, Uneene sindilimwendawasimu, muheshimiwa Festo; lakhini hwavujasili ndichova maneno ka salwesi mutupu. 26 khwa khuva umutwa amanyile uhuhusu amambo aka; na ewe, ndilongela khwa vuhulu khwa mwene, khwa maana ndina hakika uhutya hakuna lyolyondi lyelifikhilwe khwa mwene; khwa huva ili silifanyihi palubali. 27 Je, wiamini vavilisi, Mutwa Agripa? Ndiyelewa uhutya wiamini. ' 28 Agripa amuchovye u Paulo, 'Khwa musikha mufupi wiwesa uhundishawishi u Neene nuhundifanya muKhilisiti? 29 Paulo ahachova, "Ndihamunyilikha u Nguluvi uhutya ,khwa musikha mufupi au mutali, siyo yuve tu, bali piya vondi vevahandipulikhicha ilelo, uveve ngita uneene, lakhini bila minyololo iki kya hugelesa." 30 Apo umutwa ayimille ni liwali, na Bernike piya, na vala vevavele vatamile pamonga navo, 31 vavechike viheka muvukumbi, vasungumsiche vavene khwa veene nu huchova, 'umuunu uyu siastahili ikhfo wala khifungo.' 32 Agripa amuchovyele Festo, "umuunu uyu hali iwesa uhuvimbwa hulu kama atane uhukata ulufani khwa kaisali."