Matendo 25

1 Apo u Festo avechike iyingila mulijimbo ilyo na baada ya sikhu chidatu ahele huhuma hu kaisalia mbaha hu Yelusalemu. 2 Kuhani muvaha na Vayahudi mashuhuli valetile ishutuma zidi ya Paulo kha Festo, na vasungumsiche kha ludali ha Festo. 3 Na vamunyilikhe u Festo ifazili ju ya mola cha Paulo apate uhumukhemela Yelusalemu nekhe vawese uhumuvulaka munjila. 4 Lakhini Festo ajibwe uhutya Paulo avele muhungwa mu Kaisalia, na uhutya umwene yu mwene hacha ikomoha uhwe shang'ani. 5 Achovile, "Kha hiyo, vala ambavo viwesa, viwesa uhubita uhwe nu weewe. Kama huna hinu hibaya kha muunu uuyu, mwipaswa uhumusitaki." 6 Bada ya hutama sikhu nane au lichumi necho, akomwihe hu Kaisalia. Ni sikhu yeyifwata atamile muhideko sha hukumu nuhuamulu u Paulo aletwe hwa mwene. 7 Aavechike ifikha, Avayahudi huhuma hu Yelusalemu vayimile jilani, vahechiche amashitaka molofi machito ambako sivawesiche uhusibitisa. 8 Paulo ahitetye nuhuchova, 'Siyo zidi ya litawa lya vayahudi, siyo juu ya nyumba ya Nguluvi, na siyo ju ya Kaisali, ndikhitile mabaya.' 9 Lakhini Festo asahaka uhwipendekesa khwa vayahudi, na ewe amujibwe Paulo khwa huchova, 'Je, wisaha uhubita huyelusalemu nuhuhukumiwa nu neene uhuhusu amambo aka uhwe?' 10 Paulo achovile, 'ndiyimile pavulongolo pa khideko sha hukkumu sha kaisali ambapo ndipaswa uhuhukumiwa. Sindivakosye Avayahudi, ngita uveeve shewiyelewa finofi. 11 Nde yive ndikosiche na kama ndikhitile shehihastahili ikhifo, sindibela uhufwa. Lakhini ngita ishutuma chavo siyo khinu, hakuna muunu yeiwesa uhundikabisi uhwavo. Ndihamunyilikha u Kaisali.' 12 Bada ya Festo ukhuchova ni balasa ahajibula, "uhamunyilikha u Kaisali; hacha wihelela khwa kaisali." 13 Bada ya sikhu kasaa, mutwa Aglipa nu Bernike vafikhe hu kaisalia hufanya iziala lasmi khwa Festo. 14 Bada ya hutama apo khwa sikhu njolofi, Festo awasilisiche ikesi ya Paulo khwa mufalume ; ahachova, 'muunu yu monga alekhilwe apa nu feliki ngita muhungwa. 15 Pendavele hu Yelusalemu makuhani vavaha na vasehe va Vayahudi valetile amashitaka juu ya muunu uyu uhwangu, navo vavuchichwe ju ya hukumu ya mwene. 16 Khwa ili uneene ndavajibwe uhutya siyo destuli ya valoma humuhumya umuunu khwa vupendeleyo badala yakhe, umutuhumiwa ipaswa uhuva ninafasi ya huvakabili avashitaki vamwene nuhwitetela zidi ya tuhuma icho. 17 Khwa hiyo, vavechike viyicha pamonga apa, sindawesiche uhulinda, lakini isikhu yeyafwatye ndatamile muhideko sha hukumu umunu uyo aletwe mukati. 18 Umsikha avashitaki vavechike vayimile nuhumushitaki, ndafikilye uhutya hakuna mashitaka makomi kekaletilwe zidi ya mwene. 19 Badala yakhe, vavele na mabishano fulani pamonga nave uhuhusu idini yavo nu huhusu u Yeesu ambaye avele afwele, lakhini u Paulo idayi uhuva avele hayi. 20 Ndavele ndifumbilwe jinzi ya huchungusa iliswala ili, na ndamuvuchiche kama aliahelele huyelusalemu huhukumiwa huhusu amambo aka. 21 Lakhini u Paulo avechike akhemelilwe avimbwe pasi pavulinzi khwaajili ya vuamusi wa Mutwa, niliamulu avimbwe hata mbaha ya ndihamusindikha khwa kaisali.' 22 Agripa asungumusiche nu Festo, "Ndinogwa piya uhupulikhicha umuunu uyu." "Festo, achovile, "hilavo hacha uhamupulikhicha." 23 Ewe hilavo yahe, Agripa na Bernike vafikhe ni shelehe njolofi; vafikhe muvukumbi na maafisa va khijeshi, na vaanu mashuhuli va Khivuta. Na Festo avechike ihecha iamuli, Paulo aletilwe uhwavo. 24 Festo ahachova, "Mutwa Agripa, na vaanu vondi ambavo vavele apa pamonga nu weewe, muhamuvona umuunu uyu,; jumuhiya yondi ya Vayahudi uhwe hu Yelusalemu na apa piya visaha ndivashauli, na vene vahayova uhwangu kwamba atane uhuiishi. 25 Ndihalivona uhutya siakhitile lyolyondi lyelihastahili ikhifo; lakhini khwasabu amukhemelye u Mutwa, ndalamwe uhumusindiha hwa mwene. 26 Lakhini sindina khinu zahili sha huyandiha hwa mutwa. Khwasabu iyi, ndimuletile uhwaho, hasa uhwaho uveve, Mutwa Agripa, ili ndipate uhuva ni khinu sha huyandiha uhuhusu ikesi. 27 Khwa huva ndivona hakuna mana uhumusindiha umuhungwa na bila huvonesa amashitaka kekahamukabili.