1 Umsikha twavechike tulekhine navo, na twisafili hubahali,twafihe pamonga mukhivuta sha kosi, na khilavo yakhe twafikhe mu Khivuta sha Rodo, na huhuma uhwe twafihe muhivuta sha patala. 2 Twavetupatile imeli yeyilovoha uhubita hu Fonike, twahovile tuhasafili. 3 Twavechike twifiha pavulongolo pahisiwa sha Kipro, twayilekhile uvupande wa hung'iki, tuhasafili mbaha hu silia, tuhavimba inanga mu khivuta sha Tiro, khwasabu uhwe ndyo meli yavele yiyise ishehena chahe. 4 Bada ya huvavona avanyasule, twatamile uhwe sikhu saba. Avanyasule ava vamuchovye u Paulo uhulutila hwa Umbepo uhutya umwene atane uhudadiha hu Yelusalemu. 5 Hata petwatimisiche isikhu chila, uweewe twahekile tuhahelelaka, Vondi pamonga, na vadala vavo na vaaa vavo, vatusindihiliche mu njila chetu mbaha petwahumile hwivala mukhivuta. Nekhe tufugame hu pwani, tuhanyilikha, twalakine khila yu monga. 6 Twahovile imeli, huno navo vakomwihe hunyumba hwavo hangi. 7 Hata petwamalile isafali yetu uhuhuma u Tiro, twafihe huTolemai. Pala twahungye avalongo, tuhutama navo hwa sikhu yimonga. Hilavo 8 yakhe twahekile twahele hukaisalia. Uweewe twayingye hunyumba hwa Filipo, umuhubili va ienjili, yeavele yumonga va vala saba, nayufwe twatamile pamonga nave. 9 Umunu uyu avele na vahinja vatayi vabikila ambavo vatabilye. 10 Bada ya hutama uhwe khwa sikhu kaza, ayikhile uhuhuma hu vuyahudi umuvilisiyumonga yeikhemelwa Agabo. 11 Umwene ayichile uhwetu na ahavutwaa umukandala kwa Paulo. khwa ukwe ihungile mumagulu na mavoho ka mwene yu mwene nuhuchova, "Umbepo Umwimikhe achove de," "wayahudi va hu Yelusalemu hacha vahamuhunga muunu yeimiliki umukhanda uku, navo hacha vahamukabisi mumavoho kavaanu va Matayifa." 12 Twave tupulikhe ako, uwewe na vaanu vevavele viishi mahali pala twamusihiche u Paulo atane uhuhova uhubita hu Yelusalemu. 13 Apo u Paulo ajibwe, "Mwikhita hina, mwivemba nuhundidenya inumbula yangu? Hwamana ndivele tayali, siyo tu hufungwa, lakhini piya hufwila uhwe hu Yelesalemu hwaajili ya litawa lya Mutwa Yeesu." 14 Hwa vile u Paulo siasahaka uhushawushiwa, twilekhilwe nuhuchova, "Basi uvuhelwa wa mutwa kafanyihe." 15 Bada ya sikhu ichi, twatekwe imifukho kyetu na twadamile hu Yelusalemu. 16 Baasi ya vanasule uhuhuma hu Kaisalia piya vafwatine nuwewe. Vamuletile muunu yu monga yeikhemelwa Mnasoni, Munu va Kipro, mnyasule vahatali, ambaye twatamile nave. 17 Twave tufihe hu Yelusalemu, valongo vatukhalibise hwa lufuvo. 18 Hilavo yakhe Paulo ahele pamonga nuwewe hwa Yakobo, na vasekhe vondi vavelepo. 19 Bada ya huvahungila, avapelye italifa yimonga bada ya yingi ya mambo ambako u Nguluvi atendile miongoni mwa matayifa khwa hulutila ihuduma ya mwene. 20 Umsikha vavechike vapulikhe ako, vahamusifu u Nguluvi, na vamuchovye, "Wilola, mulongo, huna maelfu valingi vaaminile miongoni mwa vayahudi. Avene vondi vana niya ya hukhamula isheliya. 21 Vachovelilwe uhuhusu uveve, uhutya wivulicha Avayahudi veviishi kati ya Matayifa uhulehana nu Musa, na uhutya uhavachovela vatane uhuvatahili avaana vavo, na vatane uhufwata idestuli cha hatali. 22 Twipaswa tukite khina? Bila shaka hachavipulikha uhutya uveve uyichile. 23 Ewe khite khila uweewe shetuhahuchovela lino: tulinavo vaanu vatayi ambavo vavimbile inazili. 24 vatekule avanu ava na witakase yuve pamonga navo, na uvalipile igalama chavo, ili vawese uhukheta imitwe kyavo. Ewe vevachovelilwe uhuhusu uveve yivele ya vudesi. Hacha vihifunja uhutya uveeve piya wifwata isheliya. 25 Lakhini hwa mola cha matayifa ambavo vavele vaumini, twayandikhe nuhuhecha amalakicho uhutya vipaswa uhwiepusa ni finu fyefihechichwe izabihu hwa sanamu, ni danda, uhuhumana na khila sheshanyongilwe, na viepuse nuvuashelati." 26 Ndyo u Paulo aliwatwaa avakosi, ni sikhu ya havili, ahitakasiche yumwene pamonga navo, ahayingila mu nyumba ya Nguluvi, uhutangasa ihipindi sha sikhu cha hwitakasa, hadi uvusembe yihumye khwaajili ya khila yumonga vavo. 27 Sikhu icho saba pecha kalibye uhusila, baazi ya Vayahudi uhuhuma hu asia vamuwene u Paulo mu nyumba ya Nguluvi, na makutano vadadile, na vamunyosehiche amavoho. 28 Vavele viyova, "avaanu vahuilaeli, mututange. Uyu ye muunu yeahavavulicha avanu khila mambo ambako kavele khinyume na vaanu, sheliya, na mahali apa. Pia avaletile avayunani mu nyumba y Nguluvi nuhupela inajisi mahali apa palukinikho." 29 Khwa huva pahwanja vavele vamuwene Trofimo Muefeso avele pamonga nu mwene humujini, navo vahambwe uhutya Paulo amuletile munyumba ya Nguluvi. 30 Muji kwote kwavele ni tahaluki , na vaanu vanyilile pamonga nuhumukhamula u Paulo. Vamuhumiche hwivala mwa nyumba ya Nguluvi, ni milyango mala kyafungilwe. 31 Vavechike vijalibu uhumubuda, imola cha mufishe umuvaha va majeshi lya valinzi uhuva Yelusalemu yondi yavele yimemile Gasia. 32 Mala yiyo avatekwe ava askali nu jemedali ahavunyila uvumati. Umsikha avaanu vavechike vamuwene umukhomi va jeshi na askali, vilekhilwe uhumutova u Paulo. 33 Nekhe umuvaha va majeshi amukalibye na amukhamwe Paulo, na alimulu ahungwe minyololo givili. Amuvuchiche umwene yeani na akhitilevuli. 34 Baasi ya vaanu muvumati vavele vipayuha ikhinu ikhi na vangi khingi. Khwa huva u jemedali siawesiche uhuvachovela shoshondi hwa sabu ya lwove lula, ahalamula u Paulo aletwe mukati mu ngome. 35 Basi avechike ifikha mu ngasi, atekulilwe nu askali khwasabu ya gasia cha vumati. 36 Mana uvumati wa vaanu vamufwatile na vayendelye uhuyova, "muheche uyu!" 37 Paulo peavele iletwa mukati mu ngome, amulongye umukomi va jeshi, "Ndiwesa uhuhuchovela khinu?" Umukhomi va jeshi yula ahachova, "Je wichova khiyunani? 38 Je, uveve siyo yula umumisili ambaye awali alongochiche uvuasi na atekwe amagaidi elufu ine muluguchi?" 39 Paulo achovile, "Uneene ndivele muyahudi, uhuhuma khivuta sha tasilo ya kilikia. Uneene ndivele layiya va Khivuta maaalufu. Ndihavanyilikha, mundiluhusu ndisungumuse na vaanu." 40 Umsikha u jemedali aechike amupelye uluhusa, Paulo ayimile pechivele ingasi na ahechiche iishala khwa vaanu hwa livoho lya mwene. Umsikha pehwavele khichisa sana, alongelye navo hwa khihebulaniya. Ahachova,