Matendo 20

1 Bada ya gasia uhusila, Paulo avakhemelye avanyasule nuhuvasopa inumbula. Nuhwilaka na ahaheka hubita humakenodia. 2 Nave yavealutile imikowa ikyo na avele ahavasopa inumbula avaamuni ahayingila huyunani. 3 Bada ya mwene uhuva pala khwa musikha kwa michi kidatu, injama cha undilwe zidi ya mwene na Vayahudi avechaka ikalibila uhusafili hwa njila ya bahali huelekela hushamu, ewe alasimihe uhukomoha hulutila hu Makedonia. 4 Vevaandaminne nave mbaha hu Asia vavele Sopatlo, mwana va pilho huhuma hu Belea; Alistaliko na sekundo, vondi uhuhuma vaamini vavatesalonike; Gayo va Derbe; Timotheo; Tikiko na Trofimo uhuhuma hu Asia. 5 Lakhini avaanu ava vamalile uhulongola na vavele vahatulinda uhu hu Troa. 6 Hwa njila ya Bahali huhuma hu Filipi baada ya sikhu cha mikhate kyesikisopilwe ichachu, na mu sikhu chihano hacha tuhavafikhila uhwe Troa. Twatamile uhwe hwa sikhu saba. 7 Hata sikhu ya hwanja ya lijuma, petwavele tukusanyikhe pamonga ili tumenyule umukhate, Paulo asungumsiche na vaamini.Avele ipanga uhuheka khilavo yakhe, ewe ayendelye uhulongela mbaha pakilo necho. 8 Khwavele ni tala njolofi mu shumba sha hushanya ambapo twavele tukusanyikhe pamonga. 9 Mulidilisa avele atamile mudimi yumonga ilitawa lya mwene Utiko,ambaye alilemewa ni tulo nzito. Hata Paulo peavele ihutubila hwa musikha mutali, umudimi uyu, avele agonile, ahadima panyi uhuhuma hugolofa yahadatu na aholilwe avele afwele. 10 Lakhini Paulo ayikhile panyi, inyosiche yumwene ju yakhe, ahamukumbatila. Kisha ahachova, "Mtane uhung'enya itamaha, hwa huva avele hayi." 11 Nekhe adame hangi hu golofa nahamenyula umukhate, ahalya. Bada ya hulongela navo hwa musikha mutali mbaha palukhela, ahaheka. 12 Vamuletile umudimi yula khijana peavele hayi vafalijikhe sana. 13 Uweewe yuwe twalongwe huvulongolo pa Paulo khwa meli na twaelekye Aso, ambapo uweewe twapangile uhumutekula u Paulo uhwe. Ihi ndyo umwene yumwene asahaka uhufanya, khwasabu apangile uhubita uhulutila inyi ng'afu. 14 Avechike atufishe uhwe Aso, twamupashe mu meli tuhahelela hu mitilene. 15 Nekhe uweewe tuhatweka uhuhuma uhwe na sikhu ya khavili twafikhe uvupande wa khavili wa khisiwa sha Kio. Isikhu yeyafwatye, tuhawasili khisiwa sha samo, na hilavo yakhe tuhafiha mukhivuta sha mileto. 16 Khwasabu u Paulo avele alamwe uhusafili uhulutila hu Efeso, ili uhutya atane uhutumila musikha kwokwote mu Asia; hwa mana avele ni shang'ani ya huwahi hu Yelusalemu hwajili ya sikuku ya Pentekoste, kama haliyiwesehana umwene hukhita ewe. 17 Uhuhuma hu Mileto ahatuma avaanu mbaha hu Efeso na avakhelye avasekhe va khanisa. 18 Vavechike vafikhe khwa mwene, avachovye, unyenye yunye mumanyile tangia isikhu ya khwanja ndavechike ndidadikhe apa Asia, jinzi shendavele uhwenyo musikha kwote. 19 Ndimutumishe umutwa hwa humunyenyekefu wondi na hwa manyochi, na mateso kekalutile uneene hwa hila cha vayahudi. 20 Mumanyile jinzi ambavyo sindawesiche uhwisuvila uhutangasa hwenyo khinu shoshondi ambasho shavele muhimu, na jinzi uneene shendavavuliche wazi na piya hubita nyumba hwa nyumba. 21 Mumanyile jinzi uneene shendayendelye uhuvaonya avayahudi na Vayunani ju ya toba khwa Nguluvi nu lufuvo mu Mutwa veetu Yeesu. 22 Na lino, mulolake, uneene,ndihamutii Umbepo Umwimikhe huelekela hu Yelusalemu, nditane uhukamanya amambo ambayo kehacha kahandihumila unene uhwe, 23 ila hwa huva Umbepo Umwimikhe uhandishudila uneene mu khila muji na ichova uhutya iminyololo na mateso ndyo fyefihandilinda. 24 Lakhini uneene sindifikilila uhutya amaisha kangu khwa ng'asi yoyondi ya samani uhwangu, ili ndiwese uhumala umwendo kwangu ni huduma yendawanushe uhuhuma hwa mutwa Yeesu, hushuhudila ienjili ya lukano lwa Nguluvi. 25 Na lino, lolake, ndielewa uhutya vondi, miongoni mwa vala vendahele huvahubili uvutwa, sihacha muhandivona uuso hangi. 26 Khwa hiyo ndihavashuhudila ilelo iyi, uhutya sindina hatiya hwa danda ya munu yeyondi. 27 Khwa maana sindisuvye huvatangasihicha uvuhelwa wote wa Nguluvi. 28 Khwahiyo yivechake vaangalifu ju yenyo unyenye yunye, na ju ya likundi lyolyondi ambalyo Umbepo Umwimikhe avavimbile unyenye uhuva uvuangalizi. Yivechake vaangalifu uhudima umukusanyikho kwa mutwa, ambako kwa gulile hwa danda ya mwene. 29 Ndielewa uhutya bada ya huheka hwangu, Libwa lititu likali hacha liyingila uhwenyo, na vatane uhuhulumila ilikundi. 30 Ndiyelewa uhutya hata miongoni mwenyo yunye baasi ya vaanu hacha viyicha nuhuchova amambo mapotofu, ili huvakweka avanyasule vavafwate avene. 31 Khwa hiyo muve miho. Mukumbuhake uhutya hwa miaha kidatu sindawesiche uhwilekhelwa uhuvulicha khila yu monga venyo hwa manyochi ikilo nu munyi. 32 Na lino uneene ndihavakabisi hwa Nguluvi, na hwa licho lya lukano ya mwene, ambalyo liwesa uhuvachenga nuhuvapela uvulisi pamonga navo vondi vevavimbilwe iwakfu hwa Nguluvi. 33 Sindatamanile isendi, zahabu, au ifwalo. 34 Mumanyile unyenye yunye uhutya amavoho aka kandipelye amahitaji kangu yune na mahitaji ka vala vevavele pamonga nu neene. 35 Mu mambo kote ndavapelye umufano kwa jinzi sheyipaswa uhuvatanga avanyonge khwa hufanya ikhasi, na jinzi shevipaswa uhukumbuha amaacho ka mutwa Yeesu, amaacho ambako umwene achovile: "yivele heli uhuhecha hulikho uhuyanuhila." 36 Bada ya huchova namna iyi, afugime anyilikhe pamonga nu mwene. 37 Vondi vavembile necho nuhumudimila u Paulo husingo nu humubusu. 38 Vahusunikhe saidi ya kondikhwasabu ya khila ambasho avele achovile, uhutya kamwe sihacha vahavuvona uvuso wa mwene hangi. Nekhe vamusindikhiliche hu melikebuni.