1 Lino ukhuhusu khwicha khwa Mutwa vetu uYeesu Khilisiti nu khukhusanywa pamonga nekhe tuve nave: tukhavanyilikha unyenye valongo vetu, 2 kwamba mutane ukhusumbuliwa wala ukhutaabiswa khwa vulayisi, khwa numbula, au khwa vujumbe au khwa balula yeyivonekhana khuva yihumile khwetu yichova ukhuva isikhu ya Mutwa tayali yichile. 3 Munu ataneukhuvachanga khwa namuna yeyoha. khwa khuva siyayiyicha mbakha ilidimo lihumile khwanja nu munu va vuasi afunuliwe, yula mwana va wanangifu. 4 Uyu ndyo yeipinga nave ikhiyinula mwene ipinga uNguluvi na sheshoha shekhiyimikhwa. Na mahumilo kakhe, kakitama mu lihekalu lya Nguluvi nu khwivonesa umwene khuva ngita Nguluvi. 5 Je, simwikhumbukha khuva peendavelenanye ndavachovye juu mambo aka? 6 Lino mwimanya khila shekhikhatanicha, nekhe awese ukhufunuliwa khwa musikha yakwifikha. 7 khwa khuva isili ya munu yula umunya khuasi yifanya ikhasi mbakha lino, ila tu khweyuli yeakhamtanicha lino mbakha yaihechwa munjila. 8 Ndipo yula munya khuasi peyaifunuliwa, ambaye uMutwa uYeesu ya akhamuvulaka khwa pumsi ya khinywa ana mwene. Mutwa ya akhamufanya khuva siyo shoshoha khwa vufunulo wa lwichilo lwakhe. 9 Lwichilo lwa yula umunya khuasi yalwiva khwa sababu ya khasi ya setano khwa ludali lwoha, iishala na maajabu ka vudesi, 10 nuvudesi woha uvunya vusalimu. Mambo aka yakivepwe khwa vala yeviyaka, khwasababu sivaluyanushe ulukhelo lwa salwesi khwaajili ya khukhombolewa khwavo 11 Khwasababu iyo uNguluvi akhavatumila ikhasi iyina vuviivi nekhe vatuwe uvudesi. 12 Amahumilo kakhe yivele khutya voha yavihukhumiwa, vala ambavo sivafuvilwi uvusalwesi bali avene vikhikhelecha muvusalimu. 13 Lakhini yikhatubidi ukhumusengucha uNguluvi khila mala khwaajili yenyo valongo yemwikhelwa nu Mutwa. Khwasababu uMutwa aavachakwe unyenye kama malimbukho ka vukhombochi khwa vuvalache wa Mubepo nu lufuvo mu salwesi yila. 14 Ikhi ndyo sheavakhemelelye unyenye, khutya ukhulutila ienjili mwiwesa ukhupata uvuvalache wa Mutwa vetu uYeesu Khilisiti. 15 Khwa hiyo, valongo, muyimake imala. muvuyelewake uvutamaduni wemwavulichichwe, khwa liicho au khwa balula yetu. 16 Lino, Mutwa vetu Yeesu Khilisiti umwene, nu Baba uNguluvi vetu yeeatukhelye nu khutupela ifalaja ya milele nu vujasili uvunofi khwaajili ya maisha kekiyicha ukhulutila ulukano, 17 avafaliji nukhuchifanya imala inumbula chenyo khwa mu khila licho ni khasi inofi.