2Vatesalonike 3

1 Na lino, mlongo, tunyilikhe kwamba ilicho lya Mutwa liwese ukhuenela nu khuvalachwa, kama sheyivele nu khwenyo. 2 Munyilikhake khutya tuwese ukhukhombolewa khuhuma mu vuvivii na vanu vaasi, khwa khuva siyo voha vanya lufuvo. 3 LakhiniuMutwa avele mwaminifu, ambaye achaakhavaimalisa unyenye nukhuvalinda khuhuma khwa muvivi yula. 4 Tulinawe uvujasili mwa Mutwa khwaajili yenyo, kwamba mwitenda na yamwiyendelela ukhutenda amambo ke tukhavalakicha. 5 Mutwa awese khulongocha inumbula chenyo mu lukhelo nu mu vufumilifu wa Khilisiti. 6 Lino tukhavalakicha, avalongo, mu litawa lya Mutwa uYeesu Khilisiti, kwamba muyepukhe khila mulongo ambaye iishi amaisha ka vufifu na siyo khwa khuhumana nindestuli ambacho mwayanushe khuhuma khwetu. 7 Khwa khuva unyenye vene mumanyile yive sawa khwenyo khutuyika uwewe. Sitwaishichi mumiongoni mwenyo kama vala ambavo sivaveli ni adabu. 8 Na sitwalye ishakhulya sha munu yeyoha bila khulipila. Badala yakhe, twafanyile ikhasi pakhilu nu munyi khwa khasi ingumu na kwa shida, nekhe tutane khuwesa ukhuva michiko khwa yeyoha mwenyo. 9 Twafanyile edeti siyo khwasababu situna mamlaka. Badala yakhe, twaafanyile edeti nekhe tuve mufano khwenyo, nekhe kwamba muwese ukhutuyika uwewe. 10 Musikha petwavele pamonga nanye twaavalakiche, "Yingava monga venyo siilonda ukhufanya ikhasi, na atane ukhulya." 11 Khwa khuva twipulikha khutya baasi vihelela khwa vufifu mumiongoni mwenyo. Sivifanya ikhasi lakhini badala yekhe vavele vanu yesivaveli nuvutalatibu. 12 Lino avo navo twilakicha nukhuvavunga mu Mutwa uYeesu Khilisiti, khutya lasima vafanye ikhasi khwa vutulifu nukhulya ishakhulya shavo avene. 13 Lakhini unyenye, valongo, mutane ukhuchilikha inumbula mu khufanya kekavele sahihi. 14 Yingava munu yeyoha siilonda ukhutii ilicho lyetu ni walaka uvu, muvake makhin nave na mutane ukhuva nuvushilika pamonga nave, nekhe kwamba awese khuayibikha. 15 Mutane ukhutolela ngita mukhava, lakhini mumuvuungake kama mlongove. 16 Mutwa va amani umwene avapele iamani musikha kwekkhwoha mu njila choha.Mutwa avake nanye nyevoha. 17 Iyi yivele salamu yangu,Paulo khwa livokho lyangu unene, ambalyo livele alama khwa khila walaka. Edeti ndyo shendiyandikha. 18 Lukano lwa Mutwa vetu uYeesu Khilisiti yiwese khuva nanye nyevoha.