2Vatesalonike 1

1 Paulo, Silwano, nu Timoteo, khwa khanisa lya Vatesalonike mwa Nguluvi Baba vetu nu Mutwa uYeesu Khilisiti. 2 Ulukano luvechake khwenyo ni amani yeyihuma khwa Nguluvi Baba vetu nu khwa Mutwa uYeesu Khilisiti. 3 Yikhatubidi uwewe ukhumusengucha uNguluvi sikhu choha khwa ajili yenyo, mlongo. Mana edeti ndyo sheyikhatubidi, khwa khuva ulufuvo lwenyo lwikhula necho,nu lukhelo lwenyo khwa khila munu luyongesekhe lwolofi. 4 Ewe uwewe twevene twilongela khwa khwikhela juu yenyo mu makhanisa ka Nguluvi. Twilongela imola ya sabuli yenyo nu lufuvo lwemuvele nalwe mu mapumukho koha. Twilongela khwa mola ya mapumukho kemukhasitaimili. 5 Iyi ndyo ishala ya hukhumu ya haki ya Nguluvi. Amahumilo ka aka yivele khuva unyenye muvalilwe khuva mukhasitaili ukhuvuyingila uvutwa wa Nguluvi ambavo khwaajili ya mwene mwipumukha. 6 khwa khuva yivele haki khwa Nguluvi ukhuvalipa amapumukho vala yevakhavapumusa unyenye, 7 nukhuvapela ilakha unyenye yemwipumukha pamonga naafwe. Yaifanya edeti musikha kwa khufunuliwa khwakhe uMutwa uYeesu khuhuma khushanya pamonga nu malayikha va vuwesa wa mwene. 8 Mu mwanga kwa mwoto yaakhavalipisa ikhisasi avene yesivamumanyili uNguluvi na vene yesivakhayitii ienjili ya Mutwa vetu uYeesu. 9 Yevipumukha khwa mayangamichi ka milele vangava vatengilwe nu vuwepo wa Mutwa nu vuvalache wa ludali lwakhe. 10 Yaifanya musikha yaiyicha nekhe khuvalachwa na vanu va mwene nu khushangaswa na voha yevafuvilwe. khwasababu uvushuhuda wetu khwenyo wasadikhilwe khwenyo. 11 Khwasababu iyi tukhavanyilikha unyenye sikhu choha. Twinyilikha khutya uNguluvi vetu avavalile khuva mukhasitaili khukhemelwa. Twinyilikha apate ukhutimisa khila haja ya vunofi na khila khasi ya lufuvo khwa ludali 12 Twinyilikha amambo aka nekhe mpate ukhulivalacha ilitawa lya Mutwa uYeesu. Twinyilikha mupate ukhuvalachwa nu mwene, khwasababu ya lukano lwa Nguluvi nu lwa Mutwa uYeesu Khilisiti.