¹ Luchovo ulu luvele lwa khuaminikha ;kama munu ilonda ukhuvaa musimamisi , ilonda ikhasi nofi . ² Khwahiyo umusimamisi lasima atanekhuva ni lawama . Lasima avechake mukosi va mdala yumonga. Lasima avechake ni khiasi , ni busala, munya vutalatibu, mfuchi .Lasima avechake nu vuweso wa khuvulicha . ³ Asiyokhuva itumila mvinyo, atanekhuva mgomvi ,bali mupole, munya amaani . Lasima ataneukhuva munya khukhela ihela. ^{4 4} Yikhambidi ukhuyimilila vunofi avanu va munyuumba ya mweene na vanavamwene yikhavabidi ukhumutii khwa heshima choha. ⁵ kama umunu siamanyile ukhusimamila avanu va munyuumba yamwene yumwene, yeachailelaka vuli ilikhanisa lya Nguluvi ? ⁶ Atane khuva mufuwa mupya , nekhe asiyokhwicha khwifuna nukhudima mu hukhumu ngita umuvivi yula. ⁷ Lasima avechake ni sifa nofi khwa vondi yevavele khwivala, nekhe asije khudimila mu soni nu mumuteko kwa muvivi. ⁸ masheemasi denideni vitakhiwa ukhuva vanya khusitaili heshima, vasiyokhuva vanya kauli chivili . Vasiyokhutumila mfinyo ukhuluta khiasi au khuva ni tamaa. ⁹ Vawese khuyitunja isamili nofi yila iyasalwesi ya lufuvo yeyafunuliwe. ¹⁰ Vavechake vasibitiswe khwanja, halafu vawese ukhudumu khwa sababu sivana laawama. ¹¹ Avadala navene vavechake vanya heshima. vataneukhuva vavonesi. vavechake ni khiasi na vaaminifu khwa mambo kondi, ¹² avashemasi lasima vavechake vaakosi va mdala yumonga yumonga. Lasima vawesake khuvasimamila vunofi avana vaavo na vamunyumba chavo ¹³ Khwa khuva vala yevitumikha vunofi vavipata umusimamo umunofi nu vujasili mukhomi mu lufuvo lweluvele mwa khilisitu Yeesu . ¹⁴ Ndiyandikha amambo aka khwako, ndihuvila ukhwicha khwakho paapipi. ¹⁵ Lakhini kama ndendichelewa, ndiyandikha nekhe upate ukhuelewa namuna ya huhela munyumba ya Nguluvi, ambalyo likhanisa lya Nguluvi ye ali muumi, nguso nu musada kwa salwesi . ¹⁶ Na siyipingikha kwamba ikweeli ya vuungu wewafunulwe ni mukuu:"avonikhe khwa muvili , khasibitiswa nu Mbepo , akhavonekhana nu malayikha , akhatangaswa mumiongoni mu mataifa , akhaaminiwa nu ulimwengu , na akhatolwa mushanya mu vuvalache.''