¹ Lino umbepo ichova hazalani khwamba mu misikha kyekiyicha baasi ya vanu achavakhalulekha ulufuvo nu khuva makhini ukhupulikhanya iloho chechichanga na mavulicho ka khipepo keyachakivulichwa ² khwa vudesi nu vunafiki. samili chavo hachachibadiliswa. ³ Yachavakhavabecha ukhukeka nu khwanukhila ifyakhulya fyeavumbile Nguluvi fitumikhake khwa khusengucha miongoni mwavo yevifuwa na vanya khuyimanya isalwesi. ⁴ khwasababu khila khinu ambasho uNguluvi akhivumbile khivele khinofi .sikhwekhili ambasho shetwiyanukhila khwa khusengucha khitakhiwa ukhubelwa . ⁵ khwasababu khivalachwa ukhulutila ilicho lya Nguluvi na khwa njila ya manyilikho. ⁶ kama yawivikha amambo aka pavulongolo pa valongovo, yawiva mfanyakhasi mnofi va Yeesu. khwasababu umestawishwa khwa maacho ka lufuvo na khwa mavulicho manofi ke ukafwatile ⁷ Lakhini chibelake ihadisi cha inyi ambacho chikhelwa na vadala avasekhi. Badala yakhe wifunje yuve mu vuvalache . ⁸ Khwa mana amasowesi ka muvili khifaya khidoko, bali uvuvalache wifaya necho khwa mambo koha. khutunja ahadi khwa maisha ka saichi na kala kekiyicha ⁹ Imola iyi yivele ya khufuwa nu khusitaili khuyidikhilwa khabisa. ¹⁰ Khwa khuva khwasababu iyi twitaabikha nu khufanya ikhasi khwa bidii necho. Khwa khuva tulinawe uvujasili khwa Nguluvi yeavela muumi,ambaye yeavele mukhombochi va vanu voha hasa khwa yevifuwa . ¹¹ Ukachovake nukhuvulicha amambo aka. ¹² Munu yeyoha atanakeukhusalavu uvujana wakho. Badala yakhe uvechake mfano khwa voha yevifuwa ,mu luchovo, mwenendo, lukhelo uvuaminifu, nu vusafi, ¹³ Mbakha yaandiyicha,mudumu mu khusoma, mu khuvunga, nu mukhuvulicha. ¹⁴ Utane ukhupuuzila ikalama yeyivele mukati mwakho ambayo waapevilwe ukhulutila uvuvilisi khwa khuvikhilwa amavokho na vaseehe. ¹⁵ Nukhukajali amambo aka. nukhuishi mu ako ili ukhukhula khwakho khuve wasi khwa vanu voha. Singatilake necho umwenendo kwakho na mavulicho. ¹⁶ Udumu mu macho aka. Mana khwa khukhita ewe achawikhikhombola yuve na vala yevakhakhupulikhania .