¹ khwahiyo mwanjo kwa kondi, ndilonda amanyilikho, ni dua na manyilikho ni sengucho fifanyikhake khwaajili ya vanu vondi, ² khwaajili ya vatwa na vondi ambavo vavele mu mamlaaka nekhe tuwese ukhuishi amaisha ka amani nuvutulifu mu vuvalache woha ni heshima. ³ Ili livele linofi na linya khuyidikhwa pavulongolo pa Nguluvi Mkhombochi vetu . ⁴ Umwene ilonda khuva vanu vondi vakhombolewe na vapate khuyimanya isalwesi . ⁵ Khwa khuva khuna Nguluvi yumonga,na khuna mpatanisi yumonga kati ya Nguluvi nu binadamu ambaye Yeesu khilisiti . ⁶ Ihechiche yu mwene kama faida khwa voha, kama vushuhuda khwa musikha mwafaka. ⁷ khwasababu iyi, unene ndemwene ndafanyilwe khuva mujumbe va enjili na mseng'wa. Ndichova isalwesi. sindichova uvudesi. Unene ndilimwalimu va vanu va mataifa mu lufuvo ni salwesi. ⁸ Khwahiyo nilonda avakosi khila mahala vanyilikhe nu khuyinusa amavokho mavalache bila likhoka na mashaka ⁹ Deni ewe , ndilonda avakhidala vifwikhe amafwalo kekiyidikhwa, khwa heshima nu khwisuvila. vasiyokhuva ni njwili chechisukhilwe, au zahabu, au ilulu, au mafwalo ka kalaama ngomi ¹⁰ Pia ndilonda vafwalake amafwalo kekitakhiwa khwa vadala yevikili uvuchaji khwa khulutila amatendo amanofi. ¹¹ Mkhidala na ifunje mu hali ya vutulivu nu vutii woha. ¹² Sindikhamuluhusu umukhidala ukhuvulicha au ukhuva na mamlaka juu ya mkosi bali aishake khwa hali ya vukimya. ¹³ Khwa khuva uAdamu avumbilwe khwanja, kisha uEva. ¹⁴ Adamu siachangilwi, lakhini umudala achangilwe kabisa mu vuasi . ¹⁵ Hata ewe , achaikhombolewa khwa khubaaba avana, kama achaviyendelela mu lufuvo nu lukhelo nu luvalacho nu luhala ulunofi.