¹ UPavulo, mseng'wa va klistu Yesu, ukhulingana ni amuli ya Nguluvi mkombochi vetu uYesu klistu ye avele nuvujasili wetu ² Khwa Timotheo mwanavangu va salwesi mu lufuvo: Lukano,lusunguni lutengamaso chechihuma khwa baba Nguluvi nu Yesu Mutwa vetu. ³ Ngita shendakhusisitise peendahekile ukhubita khu Makedonia,usikale khu Efeso nekhe uwese khuvaamulu avanu fulani vataneukhuvulicha amavulicho ka tofauti. ⁴ pia vataneukhupulikhania ihadisi ni olosa cha [nasaba] chesichiveli nu mwisho. Aka kisababisa ukhubishana necho khulikho ukhuvatanga ukhuyendelesa umupango kwa Nguluvi kwa lufuvo ⁵ Basi ililengo lya lilakicho ili livele lukhelo lwelwihuma mu numbula inofi, mu saamili nofi nu mu lufuvo lwa salwesi ⁶ Baasi ya vanu valikhosiche ililengo vakhakalekha amavulicho aka nukhukevukhila amasungumuso ka vupulusi ⁷ vilonda khuva valimu va sheliiya lakhini sivielewa shevichova au khusisitisa. ⁸ lakhini twielewa khuva ishelia yivele nofi kama umunu achaitumila khwa vusahihi. ⁹ twielewa khuva, ishelia siyatungilwi khwaajili ya munu munya haki, bali khwaajili yeviyananga ishelia vaasi, vanu yesivaveli vavalache na vanya sambi, na yesivaveli nu Nguluvi na vavivii. Yitungilwe khwaajili ya ye vivulaka ava baba nava mama vavo, khwaajili ya vavulakaji, ¹⁰ khwaajili ya vamalaya khwaajili ya vanu avasinzi, khwaajili ya vala yevetekha avanu nukhufanya vatumwa, khwaajili ya vadesi khwaajili ya vashahidi vavudesi na yeyoha ye avele khinyume na mayelekeso ka vuaminiifu ¹¹ Mayelekeso aka kiihumana ni injili yeyina vuvalache ya Nguluvi munya khukinikhwa ambayo khwa ako ni ndiaminikhe. ¹² Ndikhamsengucha u Yeesu Khilisiti Mutwa vetu. Andisopile uludali, khwa khuva andivalye unene khuva ndemwaminifu na akhandivikha mu huuduma. ¹³ Ndaavele munu va khukhufulu , mtesaji na munu va fulugu. Lakhini ndapatile lupyana khwasababu ndaatendile khwa vujinga khwa khulekha ukhufuwa. ¹⁴ Lakhini ulukano lwa Nguluvi veetu lumemile ulufuvo nu lukhelo lweluvele mwa khilisiti Yeesu. ¹⁵ uvujumbe uvu vuvele wa khuaminikha na witakhiwa ukhwanukhilwa na vondi, ukhuva ukhilisiti Yeesu aayichile mu inyi khukhombola avanya sambi. Unene ndili mubaya saidi ya voha. ¹⁶ Lakhini khwasababu iyi unene ndapevilwe ulupyana nekhe mukati mwangu unene, mwanjo kwa kondi, Khilisitu Yeesu avonesiche uvufumilifu wondi . Akhitile ewe ngita khieleleso khwa vondi yeacha vakhamtumaini umwene khwaajili ya wuumi wa milele ¹⁷ Na lino khwa mutwa yesiavele nu mwisho, yesiifwa ,yesivonekha , Nguluvi mweene yive heshima nu vuvalache milele na milele . Amina . ¹⁸ Ndikhalivikha ililakicho lyangu ili pavulongolo pakho Timotheo, mwana vangu . Ndikhita ewe ukhulingana nu vuvilisi wewahumichwe pakwanja khukhuhusu uveve, nekhe uhusikhe mu fita inofu ¹⁹ Khite ewe nekhe uve nu lufuvo ni samili nofi . Baasi ya vanu vakabelile aka vakhayangamisa ulufuvo. ²⁰ Ngita uHimeneyo nu Alekizanda ambavo ndimpelye u setano nekhe vavulichwe vasiyo khukhufulu.