¹ Khwa hiyo, khwa khuva Khilisiti aapumwikhe mu muvili, mwifwikhake isilaha Cha nia yiyila. Umwene yeeatesikhe mu muvili ahekile mu sambi. ² Munu uyu siiwendelela khangi khuishi mu tamaa cha muvili, bali khwa makhelwa ka Nguluvi, khwa maisha kakhe kekasike. ³ Khwa khuva musikha kwekulutile kutosiche ukhutenda mambo ambako vamataifa vilonda ukhufanya- uvufisadi, nia mbaya, vukachi, vuloho, shelehe cha khipagani ni ibada cha sanamu chechina madadiso. ⁴ Vihocha yive ajabu yamwikhiyepusa khutenda mambo ako pamwinga navo, ewe vichova amavivi juu yenyo. ⁵ achavihecha ihesabu khwa mwene yevavele tayali ukhuhukhumu avavele vuumi na vafwe. ⁶ khwa khusudi ienjili iyi yaahubililwe khwavo yevamalile ukhufwa, kwamba ijapokuwa vamalile khuhukhumiwa mu mivili yavo ngita vanadamu, nekhe vawese ukhuishi khulingana nu Nguluvi mu numbula ⁷ Mwisho kwa mambo koha kwiyicha. Khwa hiyo muve nuvumanyi wevuvele sahihi, na muvechake ni nia nofi khwaajili ya manyilikho kenyo. ⁸ Kabula ya mambo koha, muvake ni bidii mu lukhelo khwa khila yumonga, khwa khuva ulukhelo silwitofautiyana khufunula isambi cha vangi. ⁹ Muvonesake uvufuchi khwa khila yumonga bila khunung'unikha. ¹⁰ Kama ambafyo khila yumonga venyo sheawanushe ikalama, muyitumilake mu khuhudumiana, ngita vasimamisi vanofi va kalama njolofi chechahumichwe bule nu Nguluvi. ¹¹ Kama munu angalongela, na yive ngita mausia ka Nguluvi, na kama munu angahudumu, na yivake na uvuweso weeapevilwe nu Nguluvi, nekhe kwamba khwa jambo uNguluvi apate ukhuvalachwa ukhulutila uYeesu Khilisiti.Uvuvalache nuvuweso fina mwene milele ni milele. Amina. ¹² Vakhelwa, mutane ukhuvalila ilijalibu ambalyo lyaliyicha khujalibu ngita khinu khikenji, yingavaje khuna khinu khikenji sheshavele khihumila khwenyo. ¹³ Lakhini khwa kadili shemwisidi ukhupata uvusowefu wa mapumukho ka Khilisiti, mwikhelakake, nekhe kwamba mwikhele pia nu khushangilila mu vufunuo wa vuvalache wakhe. ¹⁴ Yingavepwe mlikilwe khwaajili ya litawa lya Khilisiti, mkinilichwe, kwasababu ya Umubepo va vuvalache nu Mubepo va Nguluvi itaama pashanya penyo. ¹⁵ Lakhini ataneukhuvepwe yeyoha minus khupumukha ngita muvulachi, mhichi, yeitenda amavivi, au yeikhishuhulisa na mambo ka vangi. ¹⁶ Lakhini yingava umunu ipumukha ngita Mkhilisitu, atane ukhuvona soni, bali amuvalache uNguluvi mu litawa ilyo. ¹⁷ Khwa khuva musikha kufikhe khwa hukhumu ukhuvangila mu nyumba ya Nguluvi. Na kama yivangila khwetu, achayiva vuli khwa vala yesivitii ienjili ya Nguluvi? ¹⁸ Na kama ''munya haki ikhombolewa khulutila amakumu, yayivavuli khwa munu yeasiveli ni haki na munya sambi?'' ¹⁹ Khwahiyo voha yevipumukha khuhumana na makhelo ka Nguluvi vikhabisi inafusi chavo khwa MUUMBA umufuwa khuno vitenda amanofi.